លោក Chan Tze Ching, Ignatius

ប្រធាន​ក្រុម​ប្រឹក្សាភិបាល​

លោក​ TC ជា​ទីប្រឹក្សា​ជាន់ខ្ពស់​របស់​ធនាគារ​ BEA និង​ CVC Capital Partners.

លោក​បាន​ចំណាយ​ពេល 27 ឆ្នាំ បម្រើ​ការងារ​នៅ​ធនាគារ​ Citibank ក្នុង​មុខ​តំណែង​ជា​អ្នកគ្រប់គ្រង​ជាន់ខ្ពស់​ជា​ច្រើន​នៅ​ប្រទេស​ជប៉ុន​ តៃវ៉ាន់​ ហុងកុង​ និង​ ចិន។​ មុខ​តំណែង​ចុង​ក្រោយ​របស់​លោក​នៅ​ធនាគារ​ Citibank គឺ​ជា​នាយកប្រតិបត្តិ​ប្រចាំ​ហុងកុង​ និង​ជា​នាយក​គ្រប់គ្រង​សេវាធនាគារ​សម្រាប់​សាជីវកម្ម និង​វិនិយោគទុន​សម្រាប់​ប្រទេស​ចិន។​

ក្នុង​ចំណោម​តួនាទី​ក្នុង​កិច្ចការ​ធុរៈកិច្ច​ សេវា​សាធារណៈ​ និង​កិច្ចការ​សង្គម​ដែល​លោក​ TC មាន​ក្នុង​ពេល​បច្ចុប្បន្ន​នេះ​ រួម​មាន​ជា​អភិបាល​ឯករាជ្យ​នៃ​ក្រុមហ៊ុន​ Hong Kong Exchanges and Clearing Limited, ជា​អភិបាល​ឯករាជ្យ​នៃ​ក្រុមហ៊ុន​ Mongolian Mining Corporation, ជា​អភិបាល​ឯករាជ្យ​នៃ​ក្រុមហ៊ុន​ AFFIN Holdings Berhad, ជា​អភិបាល​ឯករាជ្យ​នៃ​ធនាគារ​ Rizal Commercial Banking Corporation, ជា​ប្រធាន​ក្រុមប្រឹក្សា​នៃ​សាកលវិទ្យាល័យ​ Hong Kong Polytechnic, ជា​សមាជិក​គណៈកម្មាធិការ​នាយកប្រតិបត្តិ​នៃ Investor Education Centre (IEC) ដែល​ស្ថិត​ក្រោម Securities and Futures Commission, ជា​សមាជិក​ក្រុមប្រឹភ្សាភិបាល​ Hong Kong Tourism, ជា​សមាជិក​ Standing Commission on Civil Service Salaries and Conditions of Service, ជា​សមាជិក Standing Committee on Judicial Salaries and Conditions of Service, ជា​សមាជិក Financial Reporting Council, ជា​សមាជិក​ក្រុមប្រឹក្សាភិបាល​ Community Chest of Hong Kong, ជា​សមាជិក Hong Kong Red Cross Council និង​ជា​អនុប្រធាន​កិត្តិយស​ប្រឹក្សា​យោបល់​នៃ​ Hong Kong Institute of Bankers។

លោក​ PETER YUEN WAI HUNG

អភិបាល

លោក Peter Yuen Wai Hung បាន​បញ្ចប់​ការសិក្សា​ថ្នាក់​បរិញ្ញាបត្រ​ផ្នែក​គ្រប់គ្រង​អាជីវកម្ម​ និង​បរិញ្ញាបត្រ​ជាន់​ខ្ពស់​ផ្នែក​គ្រប់គ្រង​អាជីវកម្ម។​ លោក​ក៏​បាន​បញ្ចប់​វគ្គសិក្សា ​Stanford Executive Program ពី​សាកលវិទ្យាល័យ​ Stanford University នៅ​ឆ្នាំ​ 2006 ។​ លោក​បាន​ចូល​បម្រើ​ការងារ​នៅ​ធនាគារ​ BEA នៅ​ឆ្នាំ​ 1985 ក្នុង​មុខ​តំណែង​ជា​អ្នក​គ្រប់គ្រង​ហាត់ការ។​ លោក​បាន​ទទួល​តំណែង​ជា​នាយកប្រតិបត្តិ​នៃ​អគ្គនាយកដ្ឋាន​កិច្ចការ​អន្តរជាតិ​របស់​ធនាគារ BEA ចាប់​ឆ្នាំ 2006 ដល់​ឆ្នាំ​ 2017។​ ក្នុង​ខែ​កុម្ភៈ​ ឆ្នាំ​ 2017 លោក​ត្រូវ​បាន​ដំឡើង​តួនាទី​ជា​នាយក​ចាត់ចែង​ទូទៅ​ និង​ជា​នាយកប្រតិបត្តិ​នៃ​អគ្គនាយកដ្ឋាន​គ្រឹះស្ថាន​ហិរញ្ញវត្ថុ​និង​ដៃគូ​យុទ្ធសាស្រ្ត ដែល​ផ្តោត​ជា​សំខាន់​លើ​ការ​បង្កើន​កិច្ច​សហ​ប្រតិបត្តិការ​អាជីវកម្ម​ជាមួយ​ដៃគូ​យុទ្ធសាស្រ្ត និង​គ្រប់គ្រង​ការ​វិនិយោគ​របស់​ធនាគារ BEA លើ​គ្រឹះស្ថាន​ហិរញ្ញវត្ថុ​ក្រៅ​ប្រទេស​។

លោក ISHARA C. NANAYAKKARA

អភិបាល

លោក​ ISHARA គឺ​ជា​អនុប្រធាន​ក្រុមហ៊ុន​ Lanka Orix Leasing Company Ltd (LOLC)។ លោក​ ជា​អគ្គនាយក​ក្រុមហ៊ុន​ Ishara Traders ដែល​ជា​ក្រុមហ៊ុន​ត្រួសត្រាយ​ផ្លូវ​ក្នុង​ការ​នាំចូល​យានយន្ត​ប្រើប្រាស់​រួច​ (Second Hand Motor Vehicle) នៅ​ក្នុង​ប្រទេស​ស្រីលង្កា។

លោក​បាន​បញ្ចប់​ការសិក្សា​ពាណិជ្ជកម្ម​ផ្នែក​គណនេយ្យ​ពី​ប្រទេស​អូស្ត្រាលី​ លោក​ធ្លាប់​បាន​ធ្វើការ​នៅ​ក្នុង​ប្រទេស​ជប៉ុន​រយៈពេល​ 2 ឆ្នាំ​ ជា​មួយ​នឹង​ក្រុមហ៊ុន​ Yamagin Corporation នៅ​ Tokyo ដែល​ជា​ក្រុមហ៊ុន​ធំ​ជាង​គេ​ក្នុង​ការ​នាំ​ចេញ​យានយន្ត​ប្រើប្រាស់​រួច​ (Second Hand Motor Vehicle)។

លោក​ជា​សមាជិក​ក្រុម​ប្រឹក្សាភិបាល​របស់​ក្រុមហ៊ុន​ Ishara Plantation (Pvt) Ltd និង​ Ishara Property Development (Pvt) Ltd ហើយ​លោក​ក៏​ជា​សមាជិក​ក្រុម​ប្រឹក្សាភិបាល​នៃ​ក្រុមហ៊ុន​បុត្រសម្ព័ន្ធ​ទាំងអស់​របស់​ក្រុមហ៊ុន LOLC ផង​ដែរ។

លោក KRISHAN THILAKARATNE

អភិបាល

លោក Krishan Thilakaratne ជានាយកប្រតិបត្តិនៃក្រុមហ៊ុន Commercial Leasing and Finance PLC (សមាជិកនៃក្រុមហ៊ុន LOLC Group)។ លោក ក៏ជាសមាជិកនៃ Associateship of Institute of Bankers of Sri Lanka (AIB)។

លោក Krishan Thilakaratne ជាអភិបាលនៃក្រុមហ៊ុន Commercial Insurance Brokers (Pvt) Ltd ដែលជាក្រុមហ៊ុនជួញដូរសេវាធានារ៉ាប់រងធំជាងគេនៅប្រទេសស្រីលង្កា ហើយលោកក៏ជាអភិបាលនៃ Credit Information Bureau of Sri Lanka (CRIB) និងជាអភិបាលស្ដីទីនៃក្រុមប្រឹក្សាភិបាលនៃធនាគារ Seylan Bank PLC នៅប្រទេសស្រីលង្កា។ លោក ក៏ជាប្រធានក្រុមប្រឹក្សាភិបាលនៃ Finance Houses Association (FHASL) នៃប្រទេសស្រីលង្កាដែលជាស្ថាប័នកំពូលមួយសម្រាប់Non-Bank Financial Institutions នៅក្នុងប្រទេសស្រីលង្កា។

លោក Thilakaratne ជាធនាគារិដែលមានបទពិសោធន៍រយៈពេល 26 ឆ្នាំក្នុង ការគ្រប់គ្រង ឥណទាន ការគ្រប់គ្រងបណ្តាញចែកចាយ ទីផ្សារ ការប្រមូលទិញបំណុល ការគ្រប់គ្រងផលប័ត្រ ។ល។ លោក បានធ្វើវិភាគទានទស្សនៈ និងឧទ្ទេសនាម Islamic Finance ជូន LOLC Group នៅឆ្នាំ 2008 ហើយ លោកក៏ជាវាគ្មិនក្នុងវេទិកា International Islamic Finance ។

លោក ​ស៊ីម សេនាជាតិ ​

អភិបាល

លោក​ ស៊ីម សេនាជាតិ​ បាន​បញ្ចប់​ការសិក្សា​ថ្នាក់​បរិញ្ញាបត្រ​ជាន់​ខ្ពស់​ផ្នែក​គ្រប់គ្រង​អាជីវកម្ម​ និង​បញ្ចប់​ការសិក្សា​ផ្នែក​គណនេយ្យ​និង​ហិរញ្ញវត្ថុ​នៅ​ក្នុង​ឆ្នាំ​ 1994 ។​ ចាប់​តាំង​ពី​ឆ្នាំ 1995​ មក លោក​បាន​ចូលរួម​វគ្គ​បណ្តុះ​បណ្តាល​ជាច្រើន​ពាក់ព័ន្ធ​នឹង ការ​គ្រប់គ្រង​និង​ប្រតិបត្តិការ​មីក្រូហិរញ្ញវត្ថុ​។ លោក​ក៏​ត្រូវ​បាន​ទទួល​ស្គាល់​ជា​គ្រូ​បង្គោល​មីក្រូហិរញ្ញវត្ថុ (Microfinance Training of Trainer) ដោយ​ ADBI, TDLC of the WB និង​ UNCDF​។

លោក​ធ្លាប់​បាន​ធ្វើ​ការងារ​ជាច្រើន​ក្នុង​វិស័យ​ធនាគារ និង​បាន​ចាប់ផ្តើម​បំពេញ​ការងារ​ជាមួយ ប្រាសាក់​ចាប់​តាំង​ពី​ឆ្នាំ 1995 ក្នុង​តួនាទី​ជា​មន្ត្រីឥណទាន និង​ត្រូវ​បាន​ដំឡើង​ឋានៈ​ក្នុង​មុខ​តំណែង​ផ្សេងៗ​ជាច្រើន​ដូចជា​ គណនេយ្យករ​ នាយកសាខា​ គ្រូ​បង្គោល​ផ្នែក​កម្មវិធី​ MB និង​អ្នក​ត្រួតពិនិត្យ​ និង​នាយក​ហិរញ្ញវត្ថុ។​ ចាប់​ពី​ពាក់​កណ្តាល​ឆ្នាំ​ 2002 មក​លោក​បម្រើ​ការងារ​ក្នុង​តួនាទី​ជា​នាយក​សាខា​ នាយក​ប្រតិបត្តិការ និង​ជា​អនុប្រធាន​នាយកប្រតិបត្តិ​នៅ គ្រឹះស្ថាន​មីក្រូហិរញ្ញវត្ថុ​មួយ​ផ្សេងទៀត​មុន​នឹង​ចូល​មក​បម្រើ​ការងារ​ជា​ប្រធាន​នាយកប្រតិបត្តិ​ គ្រឹះស្ថាន​មីក្រូហិរញ្ញវត្ថុ​ប្រាសាក់​នៅ​ចុង​ឆ្នាំ 2003។ បច្ចុប្បន្ន គាត់​មាន​តំណែង​ជា​អភិបាល និង​ជា​ប្រធាននាយកប្រតិបត្តិ​។

លោក​ MINKI BRIAN HONG

អភិបាល​ឯករាជ្យ

លោក​ Brian ជា​នាយកប្រតិបត្តិ​របស់​ CVC Capital Partners ដែល​ធ្វើការ​ផ្តោត​លើ​ការ​វិនិយោគ​នៅ​អាស៊ី​អាគ្នេយ៍។​ លោក​ Brian មាន​បទ​ពិសោធន៍​ធ្វើ​ការ​នៅ​ក្រៅ​ប្រទេស​ជាង​ 20 ឆ្នាំ​ ក្នុង​វិស័យ​ហិរញ្ញវត្ថុ​នៅ​សហរដ្ឋ​អាមេរិក​ និង​អាស៊ី។​ មុន​ចូល​បម្រើ​ការងារ​ជា​មួយ​ CVC លោក​បាន​បម្រើ​ការងារ​នៅ​នាយកដ្ឋាន​ធនាគារ​វិនិយោគ​នៃ​ JPMorgan នៅ​ទីក្រុង​ញូវយ៉ក​ ហុងកុង​ និង​កូរ៉េ។​ មុន​បម្រើ​ការងារ​នៅ​ JPMorgan លោក​បាន​បម្រើ​ការងារ​នៅ​ Dillon, Read & Co ដែល​ជា​ធនាគារ​វិនិយោគ​នៅ​អាមេរិក។

លោក​ Brian បាន​បញ្ចប់​ការសិក្សា​ថ្នាក់​បរិញ្ញាបត្រ​ផ្នែក​សេដ្ឋកិច្ច​ពាណិជ្ជកម្ម​ និង​វិទ្យាសាស្រ្ត​នយោបាយ​ពី​សាកល​វិទ្យាល័យ​ Brown នៅ​អាមេរិក។

លោក ​HIEP VAN VO

អភិបាល​ឯករាជ្យ​

លោក​ Pete Vo ជា​នាយក​គ្រប់គ្រង​របស់​ CVC Capital Partners​។ លោក​ Pete ចូល​បម្រើ​ការងារ​នៅ​ CVC ក្នុង​ឆ្នាំ​ 2015 ជា​មួយ​នឹង​បទ​ពិសោធន៍​ 9 ឆ្នាំ​ លើ​ការ​វិនិយោគ​ភាគហ៊ុន​ជាមួយ​ក្រុមហ៊ុន​ឯកជន​នៅ​វៀតណាម។​ លោក​បាន​ចំណាយ​ពេល​ 5 ឆ្នាំ​ជា​មួយ​ក្រុមហ៊ុន​វិនិយោគ​ភាគហ៊ុន​ឯកជន Vietnam Investment Group ដែល​មាន​តួនាទី​ជា​ នាយក​ និង​នាយក​ប្រតិបត្តិ។​ មុន​ទទួល​បាន​បទពិសោធន៍​ទាំងនេះ​ លោក​ Pete បាន​បម្រើ​ការងារ​នៅ​ធនាគារ​ Deutsche Bank ដែល​គ្រប​ដណ្តប់​លើ​ទីផ្សារ​មូលធន​ភាគហ៊ុន​វៀតណាម​ និង​ជា​ដៃ​គូ​ វិនិយោគ​ភាគហ៊ុន​ជា​មួយ​ឯកជន​ ក្នុង​ប្រទេស​វៀតណាម។​ មុន​ពេល​មក​បម្រើ​ការងារ​នៅ​វៀតណាម​ លោក​ Pete បាន​ចំណាយ​ពេល​ 9 ឆ្នាំ​ បម្រើ​ការងារ​ជាមួយ​ Citygroup ក្នុង​ក្រុង​ Manhattan ដែល​មាន​តួនាទី​ថ្មីៗ​នេះ​ ជា​នាយក​ទទួល​បន្ទុក​ផ្នែក​រៀបចំ​ការ​ផ្តល់​ឥណទាន​ និង​សុវត្ថិភាព​នៃ​កិច្ច​ព្រមព្រៀង ។​ លោក​បាន​បញ្ចប់​ការសិក្សា​បរិញ្ញាបត្រ​ជាន់ខ្ពស់​ផ្នែក​គ្រប់គ្រង​ពាណិជ្ជកម្ម​ពី​សាលា​ Harvard Business School និង​បញ្ចប់​ថ្នាក់​បរិញ្ញាបត្រ​ផ្នែក​វិទ្យាសាស្រ្ត​ពី​សាលា United States Military Academyនៅ​ West Point។