ក្រុមប្រឹក្សាភិបាល

លោក T. C. Chan BBS JP

លោក T. C. Chan BBS JP

ប្រធាន​ក្រុម​ប្រឹក្សាភិបាល​

លោក​ TC ជា​ទីប្រឹក្សា​ជាន់ខ្ពស់​របស់​ធនាគារ​ BEA និង​ CVC Capital Partners.

លោក​បាន​ចំណាយ​ពេល 27 ឆ្នាំ បម្រើ​ការងារ​នៅ​ធនាគារ​ Citibank ក្នុង​មុខ​តំណែង​ជា​អ្នកគ្រប់គ្រង​ជាន់ខ្ពស់​ជា​ច្រើន​នៅ​ប្រទេស​ជប៉ុន​ តៃវ៉ាន់​ ហុងកុង​ និង​ ចិន។​ មុខ​តំណែង​ចុង​ក្រោយ​របស់​លោក​នៅ​ធនាគារ​ Citibank គឺ​ជា​នាយកប្រតិបត្តិ​ប្រចាំ​ប្រទេស​ហុងកុង​ និង​ជា​នាយក​គ្រប់គ្រង​សេវាធនាគារ​សម្រាប់​សាជីវកម្ម និង​វិនិយោគទុន​សម្រាប់​ប្រទេស​ចិន។​

ក្នុង​ចំណោម​តួនាទី​ក្នុង​កិច្ចការ​ធុរៈកិច្ច​ សេវា​សាធារណៈ​ និង​កិច្ចការ​សង្គម​ដែល​លោក​ TC មាន​ក្នុង​ពេល​បច្ចុប្បន្ន​នេះ​ រួម​មាន​ជា​អភិបាល​ឯករាជ្យ​នៃ​ក្រុមហ៊ុន​ Hong Kong Exchanges and Clearing Limited, ជា​អភិបាល​ឯករាជ្យ​នៃ​ក្រុមហ៊ុន​ Mongolian Mining Corporation, ជា​អភិបាល​ឯករាជ្យ​នៃ​ក្រុមហ៊ុន​ AFFIN Holdings Berhad, ជា​អភិបាល​ឯករាជ្យ​នៃ​ធនាគារ​ Rizal Commercial Banking Corporation, ជា​ប្រធាន​ក្រុមប្រឹក្សា​នៃ​សាកលវិទ្យាល័យ​ Hong Kong Polytechnic, ជា​សមាជិក​គណៈកម្មាធិការ​នាយកប្រតិបត្តិ​នៃ Investor Education Centre (IEC) ដែល​ស្ថិត​ក្រោម Securities and Futures Commission, ជា​សមាជិក​ក្រុមប្រឹភ្សាភិបាល​ Hong Kong Tourism, ជា​សមាជិក​ Standing Commission on Civil Service Salaries and Conditions of Service, ជា​សមាជិក Standing Committee on Judicial Salaries and Conditions of Service, ជា​សមាជិក Financial Reporting Council, ជា​សមាជិក​ក្រុមប្រឹក្សាភិបាល​ Community Chest of Hong Kong, ជា​សមាជិក Hong Kong Red Cross Council និង​ជា​អនុប្រធាន​កិត្តិយស​ប្រឹក្សា​យោបល់​នៃ​ Hong Kong Institute of Bankers។

លោក​ Peter Yuen Wai Hung

លោក​ Peter Yuen Wai Hung

អភិបាល

លោក Peter Yuen Wai Hung បាន​បញ្ចប់​ការសិក្សា​ថ្នាក់​បរិញ្ញាបត្រ​ផ្នែក​គ្រប់គ្រង​អាជីវកម្ម​ និង​បរិញ្ញាបត្រ​ជាន់​ខ្ពស់​ផ្នែក​គ្រប់គ្រង​អាជីវកម្ម។​ លោក​ក៏​បាន​បញ្ចប់​វគ្គសិក្សា ​Stanford Executive Program ពី​សាកលវិទ្យាល័យ​ Stanford University នៅ​ឆ្នាំ​ 2006 ។​ លោក​បាន​ចូល​បម្រើ​ការងារ​នៅ​ធនាគារ​ BEA នៅ​ឆ្នាំ​ 1985 ក្នុង​មុខ​តំណែង​ជា​អ្នក​គ្រប់គ្រង​ហាត់ការ។​ លោក​បាន​ទទួល​តំណែង​ជា​នាយកប្រតិបត្តិ​នៃ​អគ្គនាយកដ្ឋាន​កិច្ចការ​អន្តរជាតិ​របស់​ធនាគារ BEA ចាប់​ឆ្នាំ 2006 ដល់​ឆ្នាំ​ 2017។​ ក្នុង​ខែ​កុម្ភៈ​ ឆ្នាំ​ 2017 លោក​ត្រូវ​បាន​ដំឡើង​តួនាទី​ជា​នាយក​ចាត់ចែង​ទូទៅ​ និង​ជា​នាយកប្រតិបត្តិ​នៃ​អគ្គនាយកដ្ឋាន​គ្រឹះស្ថាន​ហិរញ្ញវត្ថុ​និង​ដៃគូ​យុទ្ធសាស្រ្ត ដែល​ផ្តោត​ជា​សំខាន់​លើ​ការ​បង្កើន​កិច្ច​សហ​ប្រតិបត្តិការ​អាជីវកម្ម​ជាមួយ​ដៃគូ​យុទ្ធសាស្រ្ត និង​គ្រប់គ្រង​ការ​វិនិយោគ​របស់​ធនាគារ BEA លើ​គ្រឹះស្ថាន​ហិរញ្ញវត្ថុ​ក្រៅ​ប្រទេស​។

លោក Ishara C. Nanayakkara

លោក Ishara C. Nanayakkara

អភិបាល

លោក​ ISHARA គឺ​ជា​អនុប្រធាន​ក្រុមហ៊ុន​ Lanka Orix Leasing Company Ltd (LOLC)។ លោក​ ជា​អគ្គនាយក​ក្រុមហ៊ុន​ Ishara Traders ដែល​ជា​ក្រុមហ៊ុន​ត្រួសត្រាយ​ផ្លូវ​ក្នុង​ការ​នាំចូល​យានយន្ត​ប្រើប្រាស់​រួច​ (Second Hand Motor Vehicle) នៅ​ក្នុង​ប្រទេស​ស្រីលង្កា។

លោក​បាន​បញ្ចប់​ការសិក្សា​ពាណិជ្ជកម្ម​ផ្នែក​គណនេយ្យ​ពី​ប្រទេស​អូស្ត្រាលី​ លោក​ធ្លាប់​បាន​ធ្វើការ​នៅ​ក្នុង​ប្រទេស​ជប៉ុន​រយៈពេល​ 2 ឆ្នាំ​ ជា​មួយ​នឹង​ក្រុមហ៊ុន​ Yamagin Corporation នៅ​ Tokyo ដែល​ជា​ក្រុមហ៊ុន​ធំ​ជាង​គេ​ក្នុង​ការ​នាំ​ចេញ​យានយន្ត​ប្រើប្រាស់​រួច​ (Second Hand Motor Vehicle)។

លោក​ជា​សមាជិក​ក្រុម​ប្រឹក្សាភិបាល​របស់​ក្រុមហ៊ុន​ Ishara Plantation (Pvt) Ltd និង​ Ishara Property Development (Pvt) Ltd ហើយ​លោក​ក៏​ជា​សមាជិក​ក្រុម​ប្រឹក្សាភិបាល​នៃ​ក្រុមហ៊ុន​បុត្រសម្ព័ន្ធ​ទាំងអស់​របស់​ក្រុមហ៊ុន LOLC ផង​ដែរ។

លោក​ Kahandawela Arachige Kithsiri Perera Gunawardena

លោក​ Kahandawela Arachige Kithsiri Perera Gunawardena

អភិបាល

លោក​ Kithsiri ជា​នាយកប្រតិបត្តិ​ទទួល​បន្ទុក​ប្រតិបត្តិការ​នៅ​ក្រុមហ៊ុន​ Lanka Orix Leasing Company PLC (LOLC) ​និង​ជា​នាយក​ប្រតិបតិ្ត​ផ្នែក​នីតិកម្ម​នៅ​ក្នុង​ក្រុមហ៊ុន​ LOLC Group។​ លោក​បាន​ចូល​បម្រើ​ការងារ​នៅ​ LOLC ក្នុង​ឆ្នាំ​ 2004 និង​មាន​បទ​ពិសោធន៍​ជាង​ 25 ឆ្នាំ​ជា​មេធាវី។​ មុន​ចូល​បម្រើ​ការងារ​នៅ​ LOLC លោក​បាន​ទទួល​តំណែង​សំខាន់ៗ​ជាច្រើន​នៅ​ជាមួយ​រដ្ឋាភិបាល រួម​មាន​ មន្ត្រី​ការិយាល័យ State Counsel អម Attorney General’s Department, ប្រធាន​ការិយាល័យ Legal & Enforcement of the Securities and Exchange Commissionនៅ​ស្រីលង្កា , អភិបាល​ក្រុមហ៊ុន​ធានា​រ៉ាប់រង​នៅ​ស្រីលង្កា​ និង​ជា​អ្នក​ចូលរួម​បង្កើត​ Consumer Affairs Authority ក្នុង​តំណែង​ដំបូង​ជា​អគ្គនាយក។

លោក ​ស៊ីម សេនាជាតិ ​

លោក ​ស៊ីម សេនាជាតិ ​

អភិបាល

លោក​ ស៊ីម សេនាជាតិ​ បាន​បញ្ចប់​ការសិក្សា​ថ្នាក់​បរិញ្ញាបត្រ​ជាន់​ខ្ពស់​ផ្នែក​គ្រប់គ្រង​អាជីវកម្ម​ និង​បញ្ចប់​ការសិក្សា​ផ្នែក​គណនេយ្យ​និង​ហិរញ្ញវត្ថុ​នៅ​ក្នុង​ឆ្នាំ​ 1994 ។​ ចាប់​តាំង​ពី​ឆ្នាំ 1995​ មក លោក​បាន​ចូលរួម​វគ្គ​បណ្តុះ​បណ្តាល​ជាច្រើន​ពាក់ព័ន្ធ​នឹង ការ​គ្រប់គ្រង​និង​ប្រតិបត្តិការ​មីក្រូហិរញ្ញវត្ថុ​។ លោក​ក៏​ត្រូវ​បាន​ទទួល​ស្គាល់​ជា​គ្រូ​បង្គោល​មីក្រូហិរញ្ញវត្ថុ (Microfinance Training of Trainer) ដោយ​ ADBI, TDLC of the WB និង​ UNCDF​។

លោក​ធ្លាប់​បាន​ធ្វើ​ការងារ​ជាច្រើន​ក្នុង​វិស័យ​ធនាគារ និង​បាន​ចាប់ផ្តើម​បំពេញ​ការងារ​ជាមួយ ប្រាសាក់​ចាប់​តាំង​ពី​ឆ្នាំ 1995 ក្នុង​តួនាទី​ជា​មន្ត្រីឥណទាន និង​ត្រូវ​បាន​ដំឡើង​ឋានៈ​ក្នុង​មុខ​តំណែង​ផ្សេងៗ​ជាច្រើន​ដូចជា​ គណនេយ្យករ​ នាយកសាខា​ គ្រូ​បង្គោល​ផ្នែក​កម្មវិធី​ MB និង​អ្នក​ត្រួតពិនិត្យ​ និង​នាយក​ហិរញ្ញវត្ថុ។​ ចាប់​ពី​ពាក់​កណ្តាល​ឆ្នាំ​ 2002 មក​លោក​បម្រើ​ការងារ​ក្នុង​តួនាទី​ជា​នាយក​សាខា​ នាយក​ប្រតិបត្តិការ និង​ជា​អនុប្រធាន​នាយកប្រតិបត្តិ​នៅ គ្រឹះស្ថាន​មីក្រូហិរញ្ញវត្ថុ​មួយ​ផ្សេងទៀត​មុន​នឹង​ចូល​មក​បម្រើ​ការងារ​ជា​ប្រធាន​នាយកប្រតិបត្តិ​ គ្រឹះស្ថាន​មីក្រូហិរញ្ញវត្ថុ​ប្រាសាក់​នៅ​ចុង​ឆ្នាំ 2003។ បច្ចុប្បន្ន គាត់​មាន​តំណែង​ជា​អភិបាល និង​ជា​ប្រធាននាយកប្រតិបត្តិ​។

លោក​ Minki Brian Hong

លោក​ Minki Brian Hong

អភិបាល​ឯករាជ្យ

លោក​ Brian ជា​នាយកប្រតិបត្តិ​របស់​ CVC Capital Partners ដែល​ធ្វើការ​ផ្តោត​លើ​ការ​វិនិយោគ​នៅ​អាស៊ី​អាគ្នេយ៍។​ លោក​ Brian មាន​បទ​ពិសោធន៍​ធ្វើ​ការ​នៅ​ក្រៅ​ប្រទេស​ជាង​ 20 ឆ្នាំ​ ក្នុង​វិស័យ​ហិរញ្ញវត្ថុ​នៅ​សហរដ្ឋ​អាមេរិក​ និង​អាស៊ី។​ មុន​ចូល​បម្រើ​ការងារ​ជា​មួយ​ CVC លោក​បាន​បម្រើ​ការងារ​នៅ​នាយកដ្ឋាន​ធនាគារ​វិនិយោគ​នៃ​ JPMorgan នៅ​ទីក្រុង​ញូវយ៉ក​ ហុងកុង​ និង​កូរ៉េ។​ មុន​បម្រើ​ការងារ​នៅ​ JPMorgan លោក​បាន​បម្រើ​ការងារ​នៅ​ Dillon, Read & Co ដែល​ជា​ធនាគារ​វិនិយោគ​នៅ​អាមេរិក។

លោក​ Brian បាន​បញ្ចប់​ការសិក្សា​ថ្នាក់​បរិញ្ញាបត្រ​ផ្នែក​សេដ្ឋកិច្ច​ពាណិជ្ជកម្ម​ និង​វិទ្យាសាស្រ្ត​នយោបាយ​ពី​សាកល​វិទ្យាល័យ​ Brown នៅ​អាមេរិក។

លោក ​Hiep Van Vo

លោក ​Hiep Van Vo

អភិបាល​ឯករាជ្យ​

លោក​ Pete Vo ជា​នាយក​គ្រប់គ្រង​របស់​ CVC Capital Partners​។ លោក​ Pete ចូល​បម្រើ​ការងារ​នៅ​ CVC ក្នុង​ឆ្នាំ​ 2015 ជា​មួយ​នឹង​បទ​ពិសោធន៍​ 9 ឆ្នាំ​ លើ​ការ​វិនិយោគ​ភាគហ៊ុន​ជាមួយ​ក្រុមហ៊ុន​ឯកជន​នៅ​វៀតណាម។​ លោក​បាន​ចំណាយ​ពេល​ 5 ឆ្នាំ​ជា​មួយ​ក្រុមហ៊ុន​វិនិយោគ​ភាគហ៊ុន​ឯកជន Vietnam Investment Group ដែល​មាន​តួនាទី​ជា​ នាយក​ និង​នាយក​ប្រតិបត្តិ។​ មុន​ទទួល​បាន​បទពិសោធន៍​ទាំងនេះ​ លោក​ Pete បាន​បម្រើ​ការងារ​នៅ​ធនាគារ​ Deutsche Bank ដែល​គ្រប​ដណ្តប់​លើ​ទីផ្សារ​មូលធន​ភាគហ៊ុន​វៀតណាម​ និង​ជា​ដៃ​គូ​ វិនិយោគ​ភាគហ៊ុន​ជា​មួយ​ឯកជន​ ក្នុង​ប្រទេស​វៀតណាម។​ មុន​ពេល​មក​បម្រើ​ការងារ​នៅ​វៀតណាម​ លោក​ Pete បាន​ចំណាយ​ពេល​ 9 ឆ្នាំ​ បម្រើ​ការងារ​ជាមួយ​ Citygroup ក្នុង​ក្រុង​ Manhattan ដែល​មាន​តួនាទី​ថ្មីៗ​នេះ​ ជា​នាយក​ទទួល​បន្ទុក​ផ្នែក​រៀបចំ​ការ​ផ្តល់​ឥណទាន​ និង​សុវត្ថិភាព​នៃ​កិច្ច​ព្រមព្រៀង ។​ លោក​បាន​បញ្ចប់​ការសិក្សា​បរិញ្ញាបត្រ​ជាន់ខ្ពស់​ផ្នែក​គ្រប់គ្រង​ពាណិជ្ជកម្ម​ពី​សាលា​ Harvard Business School និង​បញ្ចប់​ថ្នាក់​បរិញ្ញាបត្រ​ផ្នែក​វិទ្យាសាស្រ្ត​ពី​សាលា United States Military Academyនៅ​ West Point។