លោក Kwi Sang JUN

ប្រធានក្រុមប្រឹក្សាភិបាល

​លោក​ K​w​i​ S​an​g​ Jun ​ជា​ប្រធាន​ក្រុមប្រឹក្សា​ភិ​បាល​របស់​គ្រឹះស្ថាន​មីក្រូ​ហិរញ្ញវត្ថុ​ ​ប្រា​សាក់​ ​ម​.​ក​។​ ​ក្នុងនាម​ជា​ជើងចាស់​ពោរពេញ​ដោយ​បទពិសោធន៍​ខាង​សេវា​ហិរញ្ញវត្ថុ​នៅ​ក្នុង​ទី​ផ្សារ​ធនាគារ​និង​មូលធន​ ​លោក​ Jun ​បាន​បម្រើ​ការងារ​និង​កាន់​មុខតំណែង​ដឹកនាំ​ជាន់ខ្ពស់​ជាច្រើន​ក្នុងរយៈពេល​ 33 ​ឆ្នាំ​ ​នៃ​បទពិសោធន៍​ការងារ​នៅ​ធនាគារ​ ខេ​ប៊ី​ ​គូក​មីន​ ​មុន​ពេល​ចូលនិវត្តន៍​នៅដើម​ឆ្នាំ​ 2019 ​។​

​បន្ទាប់ពី​បម្រើ​ការ​ជានា​យក​នៃ​នាយកដ្ឋាន​សំខាន់​ៗ​នានា​ ​ដែល​ក្នុង​នោះ​មាន​ ​នាយកដ្ឋាន​ផែនការ​លក់​ ​និង​អាជីវកម្ម​សាជីវកម្ម​ធុន​ធំ​ ​លោក​ Jun ​បាន​បម្រើ​ការ​ជានា​យក​នៃ​អគ្គនាយកដ្ឋាន​អាជីវកម្ម​សាជីវកម្ម​ធុន​ធំ​ ​និង​ស​ម្ព័ន្ធ​ក្រុមហ៊ុន​លក់​ប្រចាំ​តំបន់​ ​ហើយ​បន្ទាប់មក​ត្រូវបានតែងតាំងជា​អនុប្រធាន​នាយក​ប្រតិបត្តិ​ជាន់ខ្ពស់​ ​និង​ជានា​យក​ស​ម្ព័ន្ធ​ក្រុមហ៊ុន​សេវា​ធនាគារ​វិនិយោគ​និង​សាជីវកម្ម​ ​និង​ស​ម្ព័ន្ធ​ក្រុមហ៊ុន​សេវា​រួម​ (​រួមបញ្ចូល​ទាំង​អគ្គនាយកដ្ឋាន​ធនធានមនុស្ស​ផង​ដែរ​)​។​ ​លោក​ក៏​ធ្លាប់ធ្វើ​ជា​ប្រធាន​នាយក​រង​នៃ​ KB ​Financial​ ​Group​ ​Inc​. ​ព្រមទាំង​ជា​ប្រធាន​នាយក​រង​របស់​ KB ​Securities​ ​ទទួលបន្ទុក​សាជីវកម្ម​និង​ធនាគារ​វិនិយោគ​។​

​ដូចដែល​បាន​បង្ហាញ​តាមរយៈ​បទពិសោធន៍​ ​និង​តួនាទី​ដឹកនាំ​ពីមុន​នៅ​ KB ​លោក​ Jun ​មាន​ជំនាញ​ច្រើន​សម្បូរ​បែប​នៅ​ក្នុង​ផ្នែក​ ​សាជីវកម្ម​ ​និង​ធនាគារ​វិនិយោគ​ ​ជាមួយនឹង​បទពិសោធន៍​នៃ​ការ​អនុវត្ត​ជាក់ស្តែង​ ​និង​ចំណេះ​ដឹង​ខាង​ទ្រឹស្តី​នៅ​ក្នុង​វិ​ស័យ​ធនាគារ​ ​ក៏ដូចជា​វិ​ស័យ​លទ្ធកម្ម​ ​កិច្ចការ​ទូទៅ​ ​និង​ធនធានមនុស្ស​។​

​គាត់​បាន​ទទួល​សញ្ញាបត្រ​បរិញ្ញាបត្រ​ផ្នែក​សេដ្ឋកិច្ច​ពី​ ​Bus​an​ ​National​ ​University​ ​និង​ទទួល​បាន​បរិញ្ញាបត្រ​ជាន់ខ្ពស់​ផ្នែក​គ្រប់គ្រង​អាជីវកម្ម​ពី​ ​H​e​l​sink​i​ ​School​ o​f​ ​Economics​ ​។


លោក Hui Tae CHUNG

អភិបាល

​លោក​ ​H​u​i​ ​T​a​e​ C​h​un​g​ ​បច្ចុប្បន្ន​កំពុង​បម្រើ​ការ​ជានា​យក​គ្រប់គ្រង​ទូទៅ​នៃ​នាយកដ្ឋាន​គាំទ្រ​កំណើន​សកល​នៅ​ធនាគារ​ KB Kook​m​in​ ​Bank​ ​ក្នុង​ទីក្រុង​សេអ៊ូល​ ​ប្រទេស​កូរ៉េ​។​ ​លោក​​​មាន​បទពិសោធន៍​ជាង​ 20 ​ឆ្នាំ​ ​នៅ​ធនាគារ​ KB Kook​m​in​ ​Bank​ ​ចាប់តាំង​ពី​លោក​បាន​ចាប់ផ្តើម​អាជីព​។​ ​លោក​ C​h​un​g​ ​បាន​បំ​ពេញការ​ងារ​នៅ​នាយកដ្ឋាន​ផែនការ​យុទ្ធ​សា​ស្រ្ត​អស់​រយៈពេល​ជាង​ 10 ​ឆ្នាំ​ ​ដោយមាន​ជំនាញ​ពេញលេញ​ក្នុង​ការ​រៀបចំផែនការ​យុទ្ធ​សា​ស្រ្ត ​និង​ការរៀបចំ​រចនា​ស​ម្ព័ន្ធ​ក្រុមហ៊ុន​។​ ​លោក​ក៏មាន​បទពិសោធន៍​ក្នុង​ការ​បម្រើ​អតិថិជន​ជាច្រើន​ប្រកបដោយ​ភាព​ជោគជ័យ​រួម​ទាំង​អតិថិជន​សាជីវកម្ម​នៅ​សាខា​ក្នុង​ប្រទេស​ផង​ដែរ​។​ ​លោក​បាន​ទទួល​បរិញ្ញាបត្រ​ភាសា​និង​អក្សរ​សា​ស្រ្ត​អាល្លឺម៉ង់​ ​និង​បរិញ្ញាបត្រ​ជាន់ខ្ពស់​នីតិសាស្ត្រ​ពី​សាកលវិទ្យាល័យ​កូរ៉េ​នៃ​ប្រទេស​កូរ៉េ​ខាងត្បូង​។

លោកបណ្ឌិត Dong Hyun CHOI

អភិបាល

​លោក​បណ្ឌិត​ C​hoi ​បច្ចុប្បន្ន​កំពុង​បម្រើ​ការ​ជា​សា​ស្រ្តាចារ្យ​ទស្សនកិច្ច​បង្រៀន​ទ្រឹស្ដី​ហិរញ្ញវត្ថុ​ ​និង​វិនិយោគ​ដល់​និស្សិត​នៅ​សាកលវិទ្យាល័យ​ ​Don​g​g​uk ​ក្នុង​ទីក្រុង​សេអ៊ូល​ ​ប្រទេស​កូរ៉េ​។​ ​លោក​ក៏បាន​បម្រើ​ការ​ជា​សា​ស្រ្តាចារ្យ​ទស្សនកិច្ច​នៅ​សាកលវិទ្យាល័យ​ ​In​h​a​ ​និង​សាកលវិទ្យាល័យ​ ​A​oju ​នៅ​ប្រទេស​កូរ៉េ​ពី​ឆ្នាំ​ 2017 ​ដល់​ឆ្នាំ​ 2021 ​និង​សាកលវិទ្យាល័យ​ជាតិ​គ្រប់គ្រង​នៅ​ទី​ក្រុងភ្នំពេញ​ ​ប្រទេស​កម្ពុជា​ពី​ឆ្នាំ​ 2015 ​ដល់​ឆ្នាំ​ 2017 ​។​

​លោក​បណ្ឌិត​ Choi​ ​បាន​បម្រើ​ការ​ពី​ឆ្នាំ​ 2015 ​ដល់​ 2017 ​ជា​ទីប្រឹក្សា​ ​និង​ជំនួយ​ការ​បច្ចេកទេស​នៅ​ធនាគារជាតិនៃកម្ពុជា​ក្នុង​រាជធានី​ភ្នំពេញ​។​ ​លោក​បាន​បម្រើ​ការ​នៅ​ ​Bank​ o​f​ K​ore​a​ ​ដែល​ជា​ធនាគារ​កណ្តាល​របស់​ប្រទេស​កូរ៉េ​អស់​រយៈពេល​ជាង​ 30 ​ឆ្នាំ​។​ ​ទន្ទឹម​នឹង​ធ្វើការ​នៅ​ ​Bank​ o​f​ K​ore​a​ ​អាជីព​របស់​លោក​គឺ​ផ្តោត​លើ​ការ​គ្រប់គ្រង​ទុន​បម្រុង​ប្ដូរ​ប្រាក់​ ​រួម​មានការ​ធ្វើ​ផែនការ​ ​ការ​គ្រប់គ្រង​ហា​និ​ភ័យ​ ​ការ​ជួញ​ដូរ​ ​ការ​គ្រប់គ្រង​ផល​ប​ត្រ​ ​ការ​ទូទាត់​ ​និង​គម្រោង​ព័ត៌មាន​វិទ្យា​ទៀត​ផង​។​ ​ចន្លោះ​ឆ្នាំ​ 2009 ​និង​ 2012 ​លោក​គឺជា​នាយក​ប្រតិបត្តិ​ផ្នែក​វិនិយោគ​នៅ​ធនាគារ​ ​Bank​ o​f​ K​ore​a​ ​ក្នុង​ទីក្រុង​ញូ​វ​យ៉​ក ​ហើយ​បាន​គ្រប់គ្រង​ទឹកប្រាក់​ចំនួន​ 45 ​ប៊ី​លាន​ដុល្លារ​អាមេរិក​ ​ដែល​ជា​ផ្នែក​មួយ​នៃ​ទុន​បម្រុង​ប្ដូរ​ប្រាក់​ជាតិ​របស់​ប្រទេស​កូរ៉េ​ ​ដោយ​វិនិយោគ​លើ​មូលបត្រ​ដែល​មាន​ប្រាក់ចំណូល​ថេរ​ដូចជា​ ​រតនាគារ​ ​ទីភ្នាក់ងារ​ ​ស្ថាប័ន​ពហុ​ជាតិ​ ​ដែន​អធិបតី​ ​ក្រុមហ៊ុន​សាជីវកម្ម​ ​និង​មូលបត្រ​បំណុល​ដែល​មាន​ហ៊ី​ប៉ូ​តែ​ក​ធានា​ ​ជា​ប្រាក់ដុល្លារ​អាមេរិក​ ​និង​ជា​ប្រាក់ដុល្លារ​កាណាដា​។​

​លោក​បណ្ឌិត​ C​hoi ​បាន​ទទួល​បរិញ្ញាបត្រ​ជាន់ខ្ពស់​គ្រប់គ្រង​ធុរកិច្ច​ដែល​ផ្តោត​លើ​ហិរញ្ញវត្ថុ​អន្តរជាតិ​ ​ពី​សាកលវិទ្យាល័យ​ ​P​e​nn​sylvan​i​a​ ​State​ ​នៅ​ ​University​ ​Park​ ​រដ្ឋ​ ​P​e​nn​sylvan​i​a​ ​សហរដ្ឋអាមេរិក​ ​និង​សញ្ញាបត្រ​បណ្ឌិត​គ្រប់គ្រង​ហិរញ្ញវត្ថុ​ពី​សាកលវិទ្យាល័យ​ ​Don​g​g​uk ​ក្នុង​ទីក្រុង​សេអ៊ូល​ ​ប្រទេស​កូរ៉េ​។


លោក​ អ៊ុំ​ សមអឿន

អភិបាល

​លោក​ ​អ៊ុំ​ ​សម​អឿន​ ​បាន​បញ្ចប់​បរិញ្ញាបត្រ​ជាន់ខ្ពស់​ផ្នែក​ធនាគារ​ ​និង​ហិរញ្ញវត្ថុ​ ​និង​បញ្ចប់​ការសិក្សា​ផ្នែក​គណនេយ្យ​ ​និង​ពាណិជ្ជកម្ម​ក្នុង​ឆ្នាំ​ 1988 ​និង​ថ្នាក់​បរិញ្ញាបត្រ​ផ្នែក​គ្រប់គ្រង​អាជីវកម្ម​ក្នុង​ឆ្នាំ​ 1995 ​។​ ​លោក​បាន​ចូលរួម​ក្នុង​កម្មវិធី​បណ្ដុះបណ្ដាល​ជាច្រើន​ទាក់ទង​នឹង​ការ​គ្រប់គ្រង​ ​និង​ប្រតិបត្តិការ​មីក្រូ​ហិរញ្ញវត្ថុ​និង​ធនាគារ​។​

​លោក​ធ្លាប់​បម្រើ​ការ​ជាម​ន្រ្តី​រាជការ​នៃ​មន្ទីរ​ពាណិជ្ជកម្ម​ ​ខេត្ត​តាកែវ​ ​ក្នុង​មុខងារ​ជា​ ​ប្រធាន​គណនេយ្យ​។​ ​ចាប់តាំង​ពី​ឆ្នាំ​ 1995 ​មក​ ​លោក​បាន​បម្រើ​ការ​នៅ​កម្មវិធី​ឥណទាន​ប្រា​សាក់​ ​ហើយ​លោក​ត្រូវ​បាន​ដំឡើង​តួនាទី​ជា​អគ្គនាយក​រង​គ្រឹះស្ថាន​មីក្រូ​ហិរញ្ញវត្ថុ​ប្រា​សាក់​ចាប់ពី​ដើម​ឆ្នាំ​ 2007 ​។​ ​លោក​ក៏​ជា​អភិបាល​នៃ​គ្រឹះស្ថាន​មីក្រូ​ហិរញ្ញវត្ថុ​ប្រា​សាក់​ចាប់​ឆ្នាំ​ 2004 ​ដល់​ឆ្នាំ​ 2017 ​ផង​ដែរ​។​ ​ចាប់ពី​ឆ្នាំ​ 2011 ​មក​ ​លោក​បំពេញ​តួនាទី​ជា​អនុប្រធាន​នាយក​ប្រតិបត្តិ​ទទួលបន្ទុក​ប្រតិបត្តិការ​នៃ​គ្រឹះស្ថាន​មីក្រូ​ហិរញ្ញវត្ថុ​ប្រា​សាក់​។​

​បច្ចុប្បន្ននេះ​ ​លោក​ ​មាន​តំណែង​ជា​ ​ប្រធាន​នាយក​ប្រតិបត្តិ​ ​នៃ​គ្រឹះស្ថាន​មីក្រូ​ហិរញ្ញវត្ថុ​ ​ប្រា​សាក់​ ​ម​.​ក​ ​។

លោក Kyung Cheon LEE

អភិបាលឯករាជ្យ

​លោក​ Kyung Cheon LEE ​ជា​អភិបាល​ឯករាជ្យ​នៃ​ក្រុមប្រឹក្សា​ភិ​បាល​នៃ​គ្រឹះស្ថាន​មីក្រូ​ហិរញ្ញវត្ថុ​ប្រា​សាក់​ ​ម​.​ក​។​ ​ក្នុងនាម​ជា​ទីប្រឹក្សា​ច្បាប់​បរទេស​ ​លោក​ ​Lee​ ​បាន​ផ្តល់​សេវា​ប្រឹក្សា​ផ្នែក​ច្បាប់​ ​និង​យុទ្ធសាស្ត្រ​សម្រាប់​ធនាគារ​ ​និង​ស្ថាប័ន​ហិរញ្ញវត្ថុ​មួយ​ចំនួន​នៅ​ក្នុង​ប្រទេស​កម្ពុជា​ ​និង​ក្រៅ​ប្រទេស​។​

​លោក​ ​Lee​ ​ក៏បាន​បម្រើ​ការ​ជា​អនុប្រធាន​សភា​ពាណិជ្ជកម្ម​កូរ៉េ​នៅ​កម្ពុជា​ ​និង​ជា​ទីប្រឹក្សា​ផ្នែក​ច្បាប់​របស់​ស្ថានទូត​កូរ៉េ​ប្រចាំ​នៅ​កម្ពុជា​ ​និង​ភ្នាក់ងារ​លើក​ក​ម្ពស់​ការ​វិនិយោគ​ពាណិជ្ជកម្ម​កូរ៉េ​នៅ​កម្ពុជា​ផង​ដែរ​។​

​លោក​ ​Lee​ ​បាន​ទទួល​បរិញ្ញាបត្រ​ ​និង​បរិញ្ញាបត្រ​ជាន់ខ្ពស់​ផ្នែក​នីតិសាស្ត្រ​ពី​សាកលវិទ្យាល័យ​ជាតិ​សេអ៊ូល​ក្នុង​ប្រទេស​កូរ៉េ​ ​និង​ ​Law​ ​School​ o​f​ ​t​h​e​ ​University​ o​f​ ​M​inn​e​sot​a​ ​និង​បរិញ្ញាបត្រ​ជាន់ខ្ពស់​គ្រប់គ្រង​ធុរកិច្ច​ ​Business School​ o​f​ ​College​ o​f​ ​Will​i​am​ ​Marry​ ​នៅ​សហរដ្ឋអាមេរិក​។​ ​លោក​ ​Lee​ ​ក៏មាន​អាជ្ញាប័ណ្ណ​មេធាវី​នៅ​គណៈ​មេធាវី​រដ្ឋ​ញូ​វ​យ៉​ក​ក្នុង​សហរដ្ឋអាមេរិក​ផង​ដែរ​។​

​ដូចដែល​បាន​បង្ហាញ​នៅ​ក្នុង​បទពិសោធន៍​ ​និង​ចំណេះ​ដឹង​ពីមុន​របស់​លោក​អំពី​ច្បាប់​ក្នុង​វិ​ស័យ​ធនាគារ​ ​លោក​ ​Lee​ ​នឹង​ចូលរួម​ផ្តល់​ការ​ពិគ្រោះ​ ​និង​ប្រឹក្សា​ក្នុងនាម​ជា​សមាជិក​ក្រុមប្រឹក្សា​ភិ​បាល​។

លោក Jaehong PAK

អភិបាលឯករាជ្យ

​លោក​ Jaehong PAK​ ​ជា​អភិបាល​ឯករាជ្យ​នៃ​ក្រុមប្រឹក្សា​ភិ​បាល​នៃ​គ្រឹះស្ថាន​មីក្រូ​ហិរញ្ញវត្ថុ​ប្រា​សាក់​ ​ម​.​ក​។​ ​គាត់​កំពុង​បំ​ពេញការ​ងារ​ជា​ ​ជាស​វន​ករ​ ​និង​ទីប្រឹក្សា​ជាន់ខ្ពស់​នៅ​ក្រុមហ៊ុន​គណនេយ្យ​កូរ៉េ​មួយ​ក្នុង​ប្រទេស​កម្ពុជា​។​ ​លោក​នឹង​ចែករំលែក​ជំនាញ​របស់​ខ្លួន​ក្នុង​ការងារ​សវនកម្ម​ ​និង​ប្រឹក្សា​ជាមួយ​ចំណេះ​ដឹង​ ​និង​បទពិសោធន៍​របស់​លោក​ដែល​ទទួល​បាន​ពី​ការងារ​ក្នុង​វិ​ស័យ​ផ្សេងៗ​។​

​លោក​បាន​សិក្សា​នៅ​សហរដ្ឋអាមេរិក​តាំងពី​វ័យក្មេង​ ​ដោយ​ទទួល​បាន​ការអប់រំ​ក​ម្រិ​ត​វិទ្យាល័យ​នៅ​តំបន់​ ​Western​ ​New​ ​Y​ork ​State​ ​និង​ក​ម្រិ​ត​ឧត្តម​សិក្សា​នៅ​ទីនោះ​នៅ​ក្នុង​ R​e​nss​e​l​a​e​r ​P​o​l​y​technic​ ​Institute​ ​ក្នុង​តំបន់​រដ្ឋធានី​ ​New​ ​Y​ork ​State​ ​។​ ​លោក​​​មាន​បរិញ្ញាបត្រ​ជាន់ខ្ពស់​គ្រប់គ្រង​ធុរកិច្ច​ពី​សាកលវិទ្យាល័យ​ ​Char​l​e​s S​tur​t​ ​University​ ​រដ្ឋ​ ​New​ ​South​ ​W​ale​s ​ប្រទេស​អូស្ត្រាលី​។​

​លោក​បាន​រស់នៅ​ក្នុង​ប្រទេស​កម្ពុជា​អស់​រយៈពេល​ជាង​ 13 ​ឆ្នាំ​មក​ហើយ​។​ ​ជាមួយនឹង​បទពិសោធន៍​និង​ការយល់​ដឹង​អំពី​ប្រទេស​កម្ពុជា​នឹង​ជួយ​ធ្វើ​ឱ្យ​គ្រឹះស្ថាន​មីក្រូ​ហិរញ្ញវត្ថុ​ប្រា​សាក់​មាន​លក្ខណៈ​កាន់តែ​ប្រសើរ​ឡើង​។

លោក ច័ន្ទ សុផល

អភិបាលឯករាជ្យ

​លោក​ ​ច័ន្ទ ​សុផល​ ​បច្ចុប្បន្ន​ជានា​យក​ប្រតិបត្តិ​នៃ​មជ្ឈមណ្ឌល​សិក្សា​គោល​នយោបាយ​ ​ដែល​ជា​ស្ថាប័ន​ប្រជុំ​ដោយ​អ្នកវិភាគ​កម្ពុជា​ ​ដែល​ផ្តល់​សេវា​ស្រាវជ្រាវ​ ​និង​ប្រឹក្សា​យោបល់​លើ​ផ្នែក​អភិវឌ្ឍន៍​សេដ្ឋកិច្ច​ ផ្ដោ​ត​ជា​ចម្បង​លើ​បញ្ហា​វិ​ស័យ​កសិកម្ម​ ​ដីធ្លី​ ​និង​ពលកម្ម​។​

​ដោយមាន​អាជីព​រីក​ចម្រើន​ក្នុងរយៈពេល​ 28 ​ឆ្នាំ​កន្លងមក​នេះ​ ​លោក​គឺជា​អ្នកស្រាវជ្រាវ​ ​និង​ជា​អ្នកគ្រប់គ្រង​នៅ​ក្នុង​ស្ថាប័ន​ផ្សេងៗ​ ​រួម​មាន​ ​ធនាគារ​ពិភពលោក​ ​Leopard​ ​Capital​ ​គម្រោង​ផ្តល់​មូលនិធិ​ដោយ​ ​US​AID​ ​ហៅថា​ ​HARVEST​ ​កម្មវិធី​ស្បៀងអាហារ​ពិភពលោក​ ​វិទ្យាស្ថាន​បណ្តុះបណ្តាល​ ​និង​ស្រាវជ្រាវ​ដើម្បី​អភិវឌ្ឍន៍​កម្ពុជា​ (C​D​R​I​) ​និង​ក្រសួង​កសិកម្ម​ ​រុក្ខា​ប្រមាញ់​ ​និង​នេសាទ​។​

​លោក​ ​ច័ន្ទ ​សុផល​ ​បាន​ទទួល​បរិញ្ញាបត្រ​ជាន់ខ្ពស់​ផ្នែក​សេដ្ឋកិច្ច​កសិកម្ម​ពី​សាកលវិទ្យាល័យ​ ​University​ o​f​ ​L​on​don​, ​Imperial​ ​College​ ​នៅ​ ​W​y​e​ ​ចក្រភពអង់គ្លេស​ ​បន្ទាប់ពី​លោក​បាន​បញ្ចប់​ថ្នាក់​បរិញ្ញាបត្រ​ផ្នែក​ក​សិ​ពាណិជ្ជកម្ម​ ​University​ ​Queen​s​land​, ​G​at​ton​ ​College​ ​ប្រទេស​អូស្ត្រាលី​ ​និង​សញ្ញាបត្រ​ផ្នែក​ធារាសាស្ត្រ​ពី​វិទ្យាស្ថាន​ជាតិ​កសិកម្ម​ព្រែក​លៀប​។