សារពីប្រធាននាយកប្រតិបត្តិ

​យើង​នៅ​ទីនេះ​ដើម្បី​គ្រប់​ភាគី​ពាក់ព័ន្ធ​ទាំងអស់

​ប្រា​សាក់​ ​បាន​ក្លាយ​ជា​ផ្នែក​មួយ​នៃ​ប្រវត្តិ​សា​ស្រ្ត​របស់​ប្រទេស​កម្ពុជា​អស់​រយៈពេល​ជិត​បី​​ទសវត្សរ៍​មក​ហើយ​ ​ដោយ​ដើរ​តួនាទី​យ៉ាងសំខាន់​ក្នុង​ការ​រួមចំណែក​ដល់​ការ​អភិវឌ្ឍ​សេដ្ឋកិច្ច​ដោយ​និរន្តរភាព​ តាមរយៈ​ការ​ផ្តល់​សេវាកម្ម​ហិរញ្ញវត្ថុ​ដល់​សហគមន៍​និង​សហគ្រាស​ខ្នាត​តូច​។​ ​ក្នុងនាម​ជា​គ្រឹះស្ថាន​ហិរញ្ញវត្ថុ​នាំមុខ​គេ​ ​យើង​តែង​ស្ថិតនៅ​ជិត​ជានិច្ច​ ដើម្បី​ប្រទេសជាតិ​​ អតិថិជន​ សហគមន៍​ និង​ភាគ​ទុនិ​ក​របស់យើង​ ដោយ​ឆ្លងកាត់​ពេលវេលា​ដ៏​លំបាក​រហូតដល់​ពេល​ស្ថានភាព​ល្អ​ប្រសើរ​។

​អំឡុង​ពេល​នៃ​វិបត្តិ​ជំងឺ​កូ​វី​ដ​-19 ​ដែល​បាន​អូស​បន្លាយ​អស់​រយៈពេល​ជាង​ពីរ​ឆ្នាំ​កន្លងមក​នេះ​ ​ប្រា​សាក់​ ​បាន​បន្ត​ផ្តល់​ឥណទាន​និង​បន្ត​រៀបចំ​ឥណទាន​ឡើងវិញ​ ​សម្រាប់​អតិថិជន​ដែល​រង​ផល​ប៉ះពាល់​ ​ដោយ​អនុវត្ត​តាម​សេចក្ដីណែនាំ​របស់​ធនាគារជាតិនៃកម្ពុជា​។​ ​ប្រា​សាក់​ ​ក៏បាន​បន្ត​ចូលរួម​នៅ​ក្នុង​ ​«​គម្រោង​សហ​ហិរញ្ញប្បទាន​ទ្រទ្រង់​សហគ្រាស​ធុន​តូច​និង​មធ្យម​»​ ​ដែល​ជា​គំនិត​ផ្ដួចផ្ដើម​របស់​រាជរដ្ឋាភិបាល​ ​ក្នុង​គោលបំណង​ផ្តល់​ក​ម្ចី​ដែល​មាន​ការប្រាក់​ទាប​ដើម្បី​ទ្រទ្រង់​ ​សហគ្រាស​ធុន​តូច​និង​មធ្យម​នៅ​ក្នុង​ប្រទេស​សម្រាប់​ជា​ទុន​វិនិយោគ​និង​ទុន​បង្វិល​។​ ​ស្ថិត​ក្រោម​គម្រោង​នេះ​ ​ប្រា​សាក់​បាន​បញ្ចេញ​ឥណទាន​ដែល​មាន​ទឹកប្រាក់​ 9.6 ​លាន​ដុល្លារ​អាមេរិក​ ​សម្រាប់​ជំហាន​ទី​ 1 ​ក្នុង​ឆ្នាំ​ 2020 ​និង​ទឹកប្រាក់​ 6.7 ​លាន​ដុល្លារ​អាមេរិក​ ​សម្រាប់​ជំហាន​ទី​ 2 ​ក្នុង​ឆ្នាំ​ 2021 ​។

​​ប្រា​សាក់​ ​បាន​ធ្វើសកម្មភាព​យ៉ាង​លឿន​រហ័ស​ដើម្បី​បង្ការ​ហា​និ​ភ័យ​ទាំងឡាយ​ ​និង​ធ្វើសកម្មភាព​ដោយ​ការ​គិតគូរ​ដើម្បី​ធានា​គាំពារ​សុខភាព​ និង​​សុខុមាលភាព​​របស់​បុគ្គលិក​ ​បន្ត​គាំទ្រ​អតិថិជន​និង​សហគមន៍​ ​និង​ចាត់វិធានការ​សំខាន់​ៗ​ដើម្បី​បន្ត​និរន្តរភាព​អាជីវកម្ម​អំឡុង​ពេល​ការ​អនុវត្ត​ការ​បិទ​ខ្ទប់​ ​និង​ការ​រឹតត្បិត​ការ​ធ្វើ​ដំណើរ​។​ ​សាខា​បាន​បន្ត​បើក​ផ្តល់​សេវាកម្ម​ជា​ធម្មតា​តាម​គន្លង​ថ្មី​ (​ការ​អនុវត្ត​គ​ម្លា​ត​សង្គម​ ​វិធាន​អនាម័យ​ល្អ​នៅ​ច្រក​ចូល​ការិយាល័យ​ ​រួម​មាន​ ​លាងដៃ​ ​វាស់​ស្ទង់​សីតុណ្ហភាព​ ​ពាក់​ម៉ា​ស​ ​និង​ស្កេន​ QR កូ​ដ​របស់​​​ក្រសួងសុខាភិបាល​ ​ត្រូវ​បាន​ពង្រឹង​ខ្ជាប់​យ៉ាង​ហ្មត់ចត់​)។​ ​យើង​បាន​ចាប់​យក​របៀប​ថ្មី​នៃ​ការ​ធ្វើការ​៖​ ​អនុវត្ត​កាលវិភាគ​ឆ្លាស់​វេន​គ្នា​ធ្វើការ​ (​មានន័យ​ថា​ ​នៅ​ពេល​បុគ្គលិក​មួយ​ក្រុម​ធ្វើការ​នៅ​ការិយាល័យ​នោះ​បុគ្គលិក​ក្រុម​ផ្សេងទៀត​ត្រូវធ្វើ​ការ​នៅផ្ទះ​របស់​ខ្លួន​) ​រៀបចំ​ការប្រជុំ​ ​និង​ការ​​បណ្ដុះបណ្ដាល​តាម​អន​ឡា​ញ​ ​ព្រមទាំង​រៀបចំ​ឱ្យ​មាន​ផ្នែក​សេវា​ទូរស័ព្ទ​បម្រើ​អតិថិជន​ពី​ផ្ទះ​របស់​បុគ្គលិក​។​ ​ការណ៍​នេះ​អាច​ប្រព្រឹត្តទៅ​បាន​ដោយសារតែ​ការ​វិនិយោគ​របស់យើង​ទៅលើ​បច្ចេកវិទ្យា​ ​ក៏ដូចជា​ការ​អភិវឌ្ឍ​ជំនាញ​ដឹកនាំ​ការងារ​ពី​ចម្ងាយ​ប៉ុន្មាន​ឆ្នាំ​មកនេះ​ ​និង​ដោយសារ​វប្បធម៌​គាំទ្រ​របស់​គ្រឹះស្ថាន​រួមផ្សំ​នឹង​ការ​ខិតខំ​ប្រឹងប្រែង​ដ៏​ស្វិតស្វាញ​ វិ​ន័យ​ខ្ពស់​ ​និង​ភាព​បត់បែន​របស់​និយោជិត​ទាំងអស់​ ​ដើម្បី​ធានា​បាន​ថា​ប្រតិបត្តិការ​អាជីវកម្ម​នៅតែ​បន្ត​ ​និង​គ្មាន​ការ​អាក់ខាន​។

​យើងខ្ញុំ​បាន​លើកទឹកចិត្ត​អតិថិជន​ ​និង​បុគ្គលិក​ឱ្យ​ធ្វើ​ប្រតិបត្តិការ​ហិរញ្ញវត្ថុ​តាមរយៈ​អេ​ធី​អឹ​ម​ (​AT​M​) ​ប្រា​សាក់​ម៉ូ​បាល​ប៊ែ​ង​ឃី​ង​ (​P​R​A​SAC​ ​Mobile​ Banking​) ​និង​ប្រា​សាក់​អុី​ន​ធឺ​ណិ​ត​ប៊ែ​ង​ឃី​ង​ (​P​R​A​SAC​ ​Inter​net​ ​Banking​)​។​ ​ដើម្បី​គាំទ្រ​ការ​ទូទាត់​ដោយ​មិន​ប្រើ​សាច់ប្រាក់​ ​យើង​ផ្ដល់​ជូន​សេវា​ប្រា​សាក់​ម៉ូ​បាល​ប៊ែ​ង​ឃី​ង​ ​ដោយ​មិន​គិត​ក​ម្រៃ​សេវា​ (​ពោល​គឺ​មិន​គិត​ក​ម្រៃ​ប្រចាំខែ​ ​និង​ ​មិន​គិត​ក​ម្រៃ​សម្រាប់​ប្រតិបត្តិការ​នីមួយៗ​) ​ដែល​អនុញ្ញាត​ឱ្យ​អតិថិជន​ទូទាត់​ថ្លៃ​ប្រើប្រាស់​ផ្សេងៗ​ ​ធ្វើ​ការផ្ទេរ​ប្រាក់​ឆ្លង​ធនាគារ​ ​និង​ផ្សេងៗ​។​ ថ្មីៗ​នេះ​ ​កម្មវិធី​នេះ​ទទួល​បានការ​កែ​លម្អ​គួរ​ឱ្យ​កត់​សម្គាល់​ជាមួយនឹង​មុខងារ​ពិសេស​ថ្មីៗ​ ​ដូចជា​ ​កា​របើក​គណនី​បញ្ញើ​មានកាល​កំណត់​បាន​ដោយខ្លួនឯង​ ​ការកំណត់​លេខ​សម្ងាត់​ថ្មី​ ​ការ​ចូល​ប្រើប្រាស់​ដោយ​លេខ​ទូរស័ព្ទ​ ការ​ចែករំលែក​ព័ត៌មាន​គណនី​ ​និង​មុខងារ​ផ្សេងទៀត​ ​ដែល​អនុញ្ញាត​ឱ្យ​អតិថិជន​ធ្វើ​ប្រតិបត្តិការ​ធនាគារ​ប្រកបដោយ​សុវត្ថិភាព​ ​នៅ​លើ​ទូរស័ព្ទ​ផ្ទាល់ខ្លួន​ ​គ្រប់ពេល​វេលា​ ​គ្រប់​ទីកន្លែង​ ​ដោយ​មិន​ចាំបាច់​ជួប​ផ្ទាល់​ជាមួយ​បុគ្គលិក​ប្រា​សាក់​ ​ឬ​ ​អញ្ជើញ​ទៅ​សាខា​ប្រា​សាក់​ឡើយ​។

​ទោះ​ឆ្លងកាត់​ការ​រីក​រាលដាល​នៃ​ជំងឺ​ក្ដី​ ​យើង​នៅតែ​អាច​ធ្វើ​ឱ្យ​ប្រសើរ​និង​ពង្រីក​ការ​ផ្ដល់​ផលិតផល​ ​និង​សេវា​ដូចជា​ ​ការ​ធ្វើ​ទំនើបកម្ម​កម្មវិធី​ ​P​R​A​SAC​ ​Mobile​ ​Banking​ ​ជាមួយ​ការរចនា​ថ្មី​ទាំងស្រុង​ ​និង​មុខងារ​ទំនើប​ថ្មីៗ​ ​កា​រដាក់​ឱ្យ​ដំណើរការ​សេវា​ទូទាត់​វិក្កយបត្រ​ថ្លៃ​ប្រមូល​សំរាម​របស់​រដ្ឋាករ​ស្វយ័ត​គ្រប់គ្រង​សំរាម​និង​សំណល់​រឹង​រាជធានី​ភ្នំពេញ​ ​សេវា​ទិញ​កាត​ទូរស័ព្ទ​មិត្ត​ហ្វូ​ន​ដោយស្វ័យប្រវត្តិ​ដោយ​មិនបាច់​ប្រើ​លេខ​កូ​ដ​ ​សេវា​ទូទាត់​វិក្កយបត្រ​អគ្គិសនី​ខេត្ត​តាកែវ​ ​ខេត្ត​ស្វាយរៀង​ ​ក្រុង​បា​វិ​ត​ ​ជី​ភូ​ ​និង​ស្រុក​កំពង់​រោទ៍​ ​និង​សេវា​ទូទាត់​ថ្លៃ​សិក្សា​របស់​សាកលវិទ្យាល័យ​ ​អាស៊ី​ ​អឺរ៉ុប​ ​តាមរយៈ​កម្មវិធី​ ​P​R​A​SAC​ ​Mobile​ ​Banking​ ​។​ល​។

​ទោះ​ការ​រីក​រាលដាល​នៃ​ជំងឺ​កំពុង​ញាំញី​ ​ការ​ប្ដេជ្ញា​ចិត្ត​របស់យើង​ចំពោះ​ទំនួល​ខុសត្រូវ​ស្ថាប័ន​ចំពោះ​សង្គម​ ​នៅតែ​បន្ត​ឥត​ដាច់​ ​និង​ឥតងាករេ​ ​ហើយ​កាន់តែ​ឆ្លើយតបនឹង​តម្រូវ​ការ​ ​ដោយ​ធានា​បាន​នូវ​សុខុមាលភាព​ ​និង​ការ​អភិវឌ្ឍ​ដោយ​ចីរកាល​ចំពោះ​ប្រជាជន​ ​សហគមន៍​ ​និង​ប្រទេសជាតិ​។​ ​ប្រា​សាក់​បាន​បរិច្ចាគ​ ​និង​បង្កើត​យុទ្ធនាការ​កៀរគរ​មូលនិធិ​ពី​បុគ្គលិក​ ​និង​អតិថិជន​ប្រា​សាក់​ ​ដើម្បី​ទិញ​វ៉ាក់សាំង​បង្ការ​ជំងឺ​កូ​វី​ដ​-19 ​ដើម្បី​ជួយសង្គ្រោះ​អាយុជីវិត​ប្រជាជន​កម្ពុជា​។​ ​យើង​ក៏បាន​ឧបត្ថម្ភ​ថវិកា​ដល់​កាកបាទក្រហម​កម្ពុជា​សម្រាប់​គាំទ្រ​សកម្មភាព​សង្គម​ ​និង​មនុស្សធម៌​ក្នុង​ការ​ជួយ​ប្រជាជន​ងាយ​រងគ្រោះ​។​ ​យើង​ក៏បាន​ឧបត្ថម្ភ​ទិវា​ជាតិ​អំណាន​លើក​ទី​ 6 ​ដែល​រៀបចំ​ឡើង​ដោយ​ក្រសួង​អប់រំ​ផង​ដែរ​។​ ​ជាង​នេះ​ទៀតសោត​ ​យើង​នៅតែ​អាចប​ន្ត​គម្រោង​​បណ្ដាល័យ​ដ៏​លេចធ្លោ​នៃ​សកម្មភាព​ការងារ​សង្គម​របស់យើង​ដោយ​បាន​សាងសង់​អគារ​បណ្ណាល័យ​មួយ​ខ្នង​នៅ​អនុវិទ្យាល័យ​ព្រែក​តា​កូវ​ស្ថិត​ក្នុង​ខេត្ត​កណ្ដាល​ ​ដើម្បី​ចូលរួម​លើកស្ទួយ​វប្បធម៌​អាន​។

​ជា​ស្ថាប័ន​ហិរញ្ញវត្ថុ​ដំបូង​គេ​ ​ដែល​បាន​បោះពុម្ពផ្សាយ​សញ្ញាប័ណ្ណ​សាជីវកម្ម​ធំ​ជាងគេ​ ​នៅ​ក្នុង​ប្រវត្តិ​របស់​ផ្សារ​មូលធន​របស់​ប្រទេស​កម្ពុជា​ក្នុង​ចំនួន​ទឹកប្រាក់​សរុប​ 127.2 ​ប៊ី​លាន​រៀល​ ​ប្រា​សាក់​ ​បាន​ដើរ​តួនាទី​យ៉ាងសំខាន់​ក្នុង​ការចូលរួម​អភិវឌ្ឍ​ផ្សារ​មូលបត្រ​ ​និង​ការ​លើក​ក​ម្ពស់​ការប្រើប្រាស់​ប្រាក់​រៀល​។

​លទ្ធផល​ហិរញ្ញវត្ថុ​ដ៏​រឹង​មាំ

​លទ្ធផល​ឆ្នាំ​ 2021 ​បង្ហាញ​ថា​យុទ្ធ​សា​ស្រ្ត​របស់យើង​បន្ត​ផ្តល់​នូវ​ភាព​ជោគជ័យ​នៅ​ក្នុង​ស្ថានភាព​ដ៏​លំបាក​បំផុត​នៃ​ការ​អូស​បន្លាយ​នៃ​ការ​រីក​រាលដាល​ជំងឺ​កូ​វី​ដ​-19 ​។​ ​ខាងក្រោម​នេះ​ជា​លទ្ធផល​សង្ខេប​ដែល​សម្រេច​បាន​៖

  • ទ្រព្យ​សកម្ម​សរុប​ដំណាច់​ឆ្នាំ​មាន​ចំនួន​ 4.32 ​ប៊ី​លាន​ដុល្លារ​អាមេរិក​ ​កើន​ឡើង​ 19.5% ​បើ​ធៀប​នឹង​ដំណាច់​ឆ្នាំ​ 2020
  • ស​ម្ពៀ​ត​ឥណទាន​សរុប​មាន​ចំនួន​ 3.75 ​ប៊ី​លាន​ដុល្លារ​អាមេរិក​កើន​ឡើង​ 23.8% ​មាន​អតិថិជន​សេវា​ឥណទាន​សរុប​ចំនួន​ 465 ​ពាន់​នាក់
  • ​​ឥណទាន​មិន​ដំណើរការ​មាន​ចំនួន​ 1.54%
  • សមតុល្យ​ប្រាក់​បញ្ញើ​សន្សំ​សរុប​បាន​កើន​ឡើង​ដល់​ 2.62 ​ប៊ី​លាន​ដុល្លារ​អាមេរិក​ ​និង​មាន​អតិថិជន​សេវា​បញ្ញើ​សន្សំ​សរុប​ចំនួន​ 661 ​ពាន់​នាក់
  • ​ប្រាក់ចំណេញ​សុទ្ធ​ក្រោយ​បង់ពន្ធ​បាន​កើន​ឡើង​ 42.89% ​ដល់​ 108.8 ​លាន​ដុល្លារ​អាមេរិក​ ​ពី​ 155.5 ​លាន​ដុល្លារ​អាមេរិក​ ​នៅ​ដំណាច់​ឆ្នាំ​ 2021
  • ​ផ​លលើ​មូលធន​មាន​អត្រា​ 26.07% ​និង​ផ​លលើ​ទ្រព្យ​សកម្ម​មាន​អត្រា​ 3.92%
  • ដើមទុន​ចុះបញ្ជី​កើន​ឡើង​ពី​ 230 ​ដល់​ 300 ​លាន​ដុល្លារ​អាមេរិក
  • បណ្ដាញ​ការិយាល័យ​គ្របដណ្ដប់​ 25 ​ខេត្ត​-​រាជធានី​ ​ដោយមាន​ 182 ​ការិយាល័យ​នៅ​ទូទាំង​ប្រទេស​ ​ម៉ាស៊ីន​ ​AT​M​ ​មាន​ចំនួន​ 141 ​គ្រឿង​ ​និង​កំពុង​ធ្វើ​ប្រតិបត្តិការ​ក្នុង​ 14,030 ​ភូមិ​ ​ដែល​ស្មើនឹង​ 87.6% ​នៃ​ចំនួន​ភូមិ​សរុប​នៅ​ប្រទេស​កម្ពុជា​ ​ជាមួយនឹង​បុគ្គលិក​បម្រើ​ការ​សរុប​ចំនួន​ 9,330 ​នាក់​។

​ក្នុងរយៈពេល​ 5 ​ឆ្នាំ​កន្លងមក​នេះ​ ​ប្រា​សាក់​បាន​បង្កើន​ទំហំ​អាជីវកម្ម​ ​អតិថិជន​ ​និង​ចំនួន​បុគ្គលិក​ទ្វេ​ដង​។​ ​យើង​បាន​រៀនសូត្រ​បាន​ច្រើន​ពី​បញ្ហា​ប្រឈម​ជាច្រើន​ឆ្នាំ​កន្លងមក​ ​ដែល​បាន​ធ្វើ​ឱ្យ​ប្រា​សាក់​បាន​បោះជំហាន​ឆ្ពោះទៅ​មុខ​ប្រកបដោយជោគជ័យ​នៅ​ឆ្នាំនេះ​ ​ដែល​បង្ហាញ​ពី​សមត្ថភាព​របស់យើង​ក្នុង​ការ​សម្រប​ខ្លួន​បាន​លឿន​ដើម្បី​ឆ្លើយតបនឹង​ការ​ឆ្លង​ជំងឺ​ជាសាកល​និង​ក្លាយ​ជា​គ្រឹះស្ថាន​ដែល​មាន​ភាព​ធន់​ ​រឹង​មាំ​ ​និង​មាន​ស្ថិរភាព​រយៈពេល​ 27 ​ឆ្នាំ​នៃ​កំណើន​ប្រកបដោយ​ចីរភាព​។​ ​សរុប​មក​ ​យើង​បាន​ផ្តល់​នូវ​លទ្ធផល​ប្រតិបត្តិការ​ ​និង​ហិរញ្ញវត្ថុ​ដ៏​រឹង​មាំ​ ​ស្របតាម​យុទ្ធសាស្ត្រ​រយៈពេល​វែង​របស់​ភាគ​ទុនិ​ក​។

​ប្រា​សាក់​ ​នឹង​បន្ត​វិនិយោគ​លើ​អាជីវកម្ម​ ​ហេ​ដ្ឋា​រចនា​ស​ម្ព័ន្ធ​ព័ត៌មាន​វិទ្យា​ ​ធនធានមនុស្ស​ ​និង​នាម​ករ​ណ៍​របស់​ខ្លួន​ ​ដើម្បី​ផ្តល់​នូវ​បទពិសោធន៍​ដ៏​ល្អ​ជូន​អតិថិជន​ ​និង​ជ្រោមជ្រែង​ដល់​ពួកគាត់​ឱ្យ​ទទួល​បាន​ទំនុក​ចិត្ត​លើ​អនាគត​ហិរញ្ញវត្ថុ​របស់​ពួកគាត់​។​ ​យើង​រក្សា​នូវ​វប្បធម៌​ការពារ​ហា​និ​ភ័យ​ឱ្យ​បាន​មធ្យ័ត​ ​និង​ផ្តោត​លើ​ឧត្តមភាព​នៃ​ប្រតិបត្តិការ​ ​ព្រមទាំង​លើក​ក​ម្ពស់​វប្បធម៌​នៃ​ការ​ធ្វើ​បរិ​យា​ប័ន្ន​ដ៏​លេចធ្លោ​ ​ដើម្បី​នាំមក​នូវ​អ្វី​ដែល​ល្អ​បំផុត​សម្រាប់​អតិថិជន​ ​និង​ភាគី​ពាក់ព័ន្ធ​ទាំងអស់​របស់យើង​។​ ​យើង​ជឿជាក់​ថា​ យុទ្ធសាស្ត្រ ​ការ​ខិតខំ​ប្រឹងប្រែង​ ​និង​ការ​ប្តេជ្ញា​ចិត្ត​របស់យើង​ ​នឹង​ទទួល​បាន​នូវ​វឌ្ឍនភាព​ប្រកបដោយ​អត្ថន័យ​សម្រាប់​ឆ្នាំក្រោយៗ​ទៀត​។

​ជំនួសមុខ​ឱ្យ​គណៈ​គ្រប់គ្រង​នៃ​គ្រឹះស្ថាន​មីក្រូ​ហិរញ្ញវត្ថុ​ប្រា​សាក់​ ​ម​.​ក​ ខ្ញុំ​សូម​ថ្លែង​អំណរគុណ​អតិថិជន​ចំពោះ​ការ​គាំទ្រ​ ​ថ្នាក់​គ្រប់គ្រង​គ្រប់​លំដាប់​ថ្នាក់​និង​បុគ្គលិក​ប្រា​សាក់​ទាំងអស់​ចំពោះ​ការ​ខិតខំ​ប្រឹងប្រែង​ ​និង​ការ​ប្តេជ្ញា​ចិត្ត​ខ្ពស់​ក្នុង​ការ​បំ​ពេញការ​ងារ​ ​អរគុណ​ចំពោះ​ក្រុមប្រឹក្សា​ភិ​បាល​ក្នុង​ការ​គាំទ្រ​ ​និង​ការ​ផ្តល់​ដំបូន្មាន​ ​និង​អរគុណ​ចំពោះ​រាជរដ្ឋាភិបាល​កម្ពុជា​ ​ជាពិសេស​ធនាគារជាតិនៃកម្ពុជា​ ​និយ័ត​ករ​មូលបត្រ​កម្ពុជា​ ​និង​ក្រុមហ៊ុន​ផ្សារ​មូលបត្រ​កម្ពុជា​ដែល​បាន​គាំទ្រ​ ​និង​ផ្តល់​ដំបូន្មាន​ជាប្រចាំ​។

អ៊ុំ សមអឿន​
ប្រធាន​នាយក​ប្រតិបត្តិ​