​ប្រាសាក់ ​មាន​អាជ្ញាប័ណ្ណ​ជា​គ្រឹះស្ថាន​មីក្រូ​ហិរញ្ញវត្ថុ​ទទួល​ប្រាក់​បញ្ញើ​ពី​សាធារណជន​ ​ពី​ធនាគារជាតិនៃកម្ពុជា​ ​និង​​ធ្វើ​ប្រតិបត្តិការ​​ 25 ​ឆ្នាំ​ ​ក្នុង​វិ​ស័យ​មីក្រូ​ហិរញ្ញវត្ថុ​និង​ធនាគារ​នៅ​កម្ពុជា​។​ ​ប្រា​សាក់​ ​ឈរ​លំដាប់​កំពូល​ក្នុងចំណោម​គ្រឹះស្ថាន​ធនាគារ​ធំ​ៗ​ចំនួន​ 5 ​នៅ​កម្ពុជា​។​

​ប្រា​សាក់​ ​ផ្តល់​សេវា​ហិរញ្ញវត្ថុ​ដ៏​សម្បូរ​បែប​ ​មាន​ជាអាទិ៍​ ​សេវា​ឥណទាន​ ​​ប្រាក់​បញ្ញើ​សន្សំ​​ ​​ទូទាត់​វិក្កយបត្រ​ទឹក​​ ​​ទូទាត់​វិក្កយបត្រ​ភ្លើង​​ ​​ទិញ​កាត​ទូរស័ព្ទ​ ​​ផ្ទេរ​ប្រាក់​តាម​លេខ​សម្ងាត់​​ ​​ផ្ទេរ​ប្រាក់​​ ​​ប្តូរ​ប្រាក់​ ខេ​ម​បូ​ឌា​ន​ស៊ែ​រ​ស្វ៊ី​ច​ (CSS)​ ​​សេវា​ទូទាត់​រហ័ស​​ ​​សេវាទូទាត់តាមប្រព័ន្ធបាគង ​​សេវាផ្ទេរមូលនិធិភ្លាមៗ ​​សេវាបើកប្រាក់បៀវត្ស ​​អេធីអឹម ​​ម៉ាស៊ីនដាក់ប្រាក់ ​​សេវាធនាគារចល័ត (ម៉ូបាលប៊ែងឃីង ឬ អ៊ិនធឺណែតប៊ែងឃីង) ​​ម៉ាស៊ីនឆូតកាត សេវាបញ្ជាក់សមតុល្យគណនី និងសេវាហិរញ្ញវត្ថុដទៃផ្សេងៗទៀត។

​ជាគ្រឹះស្ថានហិរញ្ញវត្ថុឈានមុខគេដោយមានទ្រព្យសកម្មសរុបចំនួន 3.1 ប៊ីលានដុល្លារអាមេរិកគិតត្រឹមថ្ងៃទី 31 ខែធ្នូ ឆ្នាំ 2019 ប្រាសាក់មានបណ្ដាញការិយាល័យសាខាធំជាងគេលំដាប់ទី 2 ដោយមានសាខាជិត 200 ទីតាំង និងធ្វើប្រតិបត្តិការប្រមាណជា 86% នៃចំនួនភូមិសរុបទាំងអស់នៅកម្ពុជា។ ប្រាសាក់ មានប្រតិបត្តិការហិរញ្ញវត្ថុដ៏រឹងមាំ ការបម្រើសេវាកម្មប្រកបដោយវិជ្ជាជីវៈ និងប្រព័ន្ធធនាគារស្នូលទំនើបប្រកបដោយតម្លាភាព សម្រាប់បំពេញតម្រូវការរបស់អតិថិជន និងសាធារណជន។

​ប្រា​សាក់ តែងទទួលបានការគាំទ្រយ៉ាងខ្លាំងពីអតិថិជន អាជ្ញាធរមូលដ្ឋាន និយ័តករ ជាពិសេសធនាគារជាតិនៃកម្ពុជា និងទទួលបានពានរង្វាន់ និងវិញ្ញាបនបត្រជាច្រើនពីស្ថាប័នជាតិនិងអន្ដរជាតិដូចជា MFTransparency, Smart Campaign, Planet Rating, Microfinanza Rating អគ្គនាយកដ្ឋានពន្ធដារ ធនាគារជាតិនៃកម្ពុជា និងក្រុមហ៊ុនក្រេឌីតប្យូរ៉ូកម្ពុជា ជាដើម។