លក្ខខណ្ឌប្រើប្រាស់​

(ធ្វើបច្ចុប្បន្នភាព៖ 01 ខែមិថុនា ឆ្នាំ 2022 / មានប្រសិទ្ធភាពចាប់ពី៖ 15 ខែមិថុនា ឆ្នាំ 2022)

I. ​សេចក្តី​ផ្តើម​​

​លក្ខខណ្ឌ​ទូទៅ​នៃ​ការប្រើប្រាស់​ផលិតផល​ ​និង​សេវាកម្ម​ជាមួយ​ ​គ្រឹះស្ថាន​មីក្រូ​ហិរញ្ញវត្ថុ​ប្រា​សាក់​ ​ម​.​ក​ ​តទៅ​ហៅថា​ ​«​ប្រា​សាក់​»​ ​ត្រូវ​បាន​បង្កើត​ឡើង​ដើម្បី​ជួយ​ដល់​អតិថិជន​ទាំងអស់​របស់​ប្រា​សាក់​ ​តទៅ​ហៅថា​ ​«​អតិថិជន​»​ ​ក្នុង​ការ​ស្វែងយល់​អំពី​លក្ខខណ្ឌ​ទូទៅ​នៃ​ការប្រើប្រាស់​ផលិតផល​ ​និង​/​ឬ​សេវាកម្ម​នានា​របស់​ប្រា​សាក់​ ​តទៅ​ហៅថា​ ​«​លក្ខខណ្ឌ​ទូទៅ​»​ ​មុន​ពេល​សម្រេច​ចិត្ត​ជ្រើសរើស​ ​និង​ប្រើប្រាស់​សេវាកម្ម​ណាមួយ​ជាមួយ​ប្រា​សាក់​​ ។

​ចាប់ពី​ថ្ងៃ​ដែល​អតិថិជន​បាន​បំពេញ​ពាក្យ​ស្នើសុំ​ប្រើប្រាស់​ផលិតផល​ ​ឬ​សេវាកម្ម​របស់​ប្រា​សាក់​ ​និង​ក្នុង​ករណី​ដែល​អតិថិជន​ធ្វើការ​បញ្ជា​មក​ប្រា​សាក់​ឱ្យ​ធ្វើ​ប្រតិបត្តិការ​ ​និង​/​ឬ​សេវា​អ្វីមួយ​ដោយ​មិនបាន​ប្រើប្រាស់​ទម្រង់​ ​ឬ​ឯកសារ​របស់​ប្រា​សាក់​ក៏ដោយ​ ​អតិថិជន​ត្រូវ​បាន​សន្មត​ថា​ ​បាន​អាន​ ​និង​យល់ព្រម​អនុវត្ត​តាម​លក្ខខណ្ឌ​នានា​ដែល​មាន​ចែង​នៅ​ក្នុង​លក្ខខណ្ឌ​ទូទៅ​នេះ​ ​និង​លក្ខខណ្ឌ​លម្អិត​ផ្សេងៗ​ទៀត​ពាក់ព័ន្ធ​នឹង​ការប្រើប្រាស់​ផលិតផល​ ​និង​/​ឬ​សេវាកម្ម​នីមួយៗ​របស់​ប្រា​សាក់​ ​។​​

​ករណី​អតិថិជន​មាន​ភាព​មិន​ច្បាស់លាស់​លើ​ចំណុច​ណាមួយ​ដែល​បាន​ចែង​ក្នុង​លក្ខខណ្ឌ​ទូទៅ​នេះ​ ​អតិថិជន​អាច​ស្វែងរក​ការ​ពន្យល់​បន្ថែម​ពី​បុគ្គលិក​ប្រា​សាក់​ដោយ​ផ្ទាល់​នៅ​គ្រប់​សាខា​ប្រា​សាក់​ទាំងអស់​ ​ឬ​តាមរយៈ​ទូរស័ព្ទ​ទៅកាន់​លេខ​ ​០​២​៣​/​០​៨​៦​ ​៩​៩​៩​ ​៩​១​១​ ​បាន​គ្រប់ពេល​វេលា​ ​។

II. និយមន័យនៃពាក្យគន្លឹះ

ប្រាសាក់៖ សំដៅ​លើ​ ​គ្រឹះស្ថាន​មីក្រូ​ហិរញ្ញវត្ថុ​ប្រា​សាក់​ ​ម​.​ក
អតិថិជន ៖ សំដៅ​លើ​បុគ្គល​ជា​ម្ចាស់​គណនី​ ​ឬ​មិន​មាន​គណនី​ជាមួយ​ប្រា​សាក់​ ​ដែល​បាន​ប្រើប្រាស់​សេវា​ណាមួយ​របស់​ប្រា​សាក់
គណនី ៖ សំដៅ​លើ​គ្រប់​ប្រភេទ​គណនី​ប្រាក់​បញ្ញើ​សន្សំ​ទាំងឡាយ​ដែល​អតិថិជន​ប្រើប្រាស់​ជាមួយ​ប្រា​សាក់
​គណនី​រួម ៖ សំដៅ​លើ​គណនី​ទាំងឡាយ​ណា​ដែល​មាន​សមាជិក​រួម​គណនី​ចាប់ពី​ ​០​២​ ​នាក់​ ​ឡើង​ទៅ
ម្ចាស់គណនី ៖ សំដៅ​លើ​រូបវន្តបុគ្គល​ ​ឬ​អង្គភាព​ទាំងឡាយ​ណា​ ​ដែល​បាន​ឈរឈ្មោះ​បើក​គណនី​ជាមួយ​ប្រា​សាក់
អ្នក​រួម​គណនី​ ៖ សំដៅ​លើ​អតិថិជន​ជា​ម្ចាស់​គណនី​ដែល​ឈរឈ្មោះ​ជា​សមាជិក​រួម​គណនី
ប្រាក់​បញ្ញើ ៖ សំដៅ​លើ​ទឹកប្រាក់​ដែល​អតិថិជន​បាន​ដាក់​បញ្ញើ​ជាមួយ​ប្រា​សាក់
​របាយការណ៍​គណនី ៖ សំដៅ​លើ​កំណត់​ត្រា​ប្រតិបត្តិការ​ចេញ​ ​ឬ​ចូល​ទាំងឡាយ​នៅ​ក្នុង​គណនី
ឯកសារ​គណនី​ ៖ សំដៅ​លើ​សៀវភៅ​គណនី​សន្សំ​ ​សម្រាប់​គណនី​សន្សំ​ ​និង​/​ឬ​ វិញ្ញា​បន​ប​ត្រ​សម្រាប់​គណនី​បញ្ញើ​មានកាល​កំណត់​ ​ឬ​ប័ណ្ណ​ព័ត៌មាន​គណនី​ជាដើម​ ​។​ល​។
ករណីប្រធានសក្តិ ៖ សំដៅ​លើ​អំពើ​ទាំងឡាយ​ណា​ ​ដែល​កើតឡើង​ក្រៅពី​ឆន្ទៈ​ ​ដោយ​មិន​អាច​ប៉ាន់ស្មាន​ជាមុន​ ​និង​មិន​អាច​ជំនះ​បាន​ ​ឬ​ ​ដែល​មិន​អនុញ្ញាត​ឱ្យ​ភាគី​ណាមួយ​ ​ឬ​ ​ទាំងពីរ​អាចប​ន្ត​បំពេញ​កាតព្វកិច្ច​របស់​ខ្លួន​ជាប្រក្រតី​បាន​ដូចជា​៖​ ​បន្ទុះ​ភ្នំភ្លើង​ ​ទឹកជំនន់​ ​គ្រោះ​រញ្ជួយ​ដី​ ​ព្យុះសង្ឃរា​ ​ភេរវកម្ម​ ​កុប្បកម្ម​ ​សង្គ្រាម​ ​។​ល​។
ឯកសារ​បញ្ជាក់​អត្តសញ្ញាណ​ ៖ សំដៅ​លើ​ឯកសារ​ផ្លូវច្បាប់​ទាំងឡាយ​ ​ដែល​បញ្ជាក់​អំពី​អត្តសញ្ញាណ​របស់​បុគ្គល​ណា​ម្នាក់​ដែល​ទទួលស្គាល់​ដោយ​អាជ្ញាធរ​មានសមត្ថកិច្ច​ដូចជា​៖​ ​អត្តសញ្ញាណប័ណ្ណ​ ​លិខិតឆ្លងដែន​ ​សំបុត្រកំណើត​ ​និង​/​ឬ​លិខិត​បញ្ជាក់​ផ្សេងៗ​ដែល​ចេញ​ដោយ​អាជ្ញាធរ​មានសមត្ថកិច្ច​ ​។

III. លក្ខខណ្ឌ​ទូទៅ​នៃ​ការប្រើប្រាស់​ផលិតផល​ ​និង​សេវាកម្ម​របស់​ប្រា​សាក់​

  1. ​កា​របើក​គណនី
    1. រាល់​ពេល​ស្នើសុំ​បើក​គណនី​ជាមួយ​ប្រា​សាក់​ ​អតិថិជន​ត្រូវ​បំពេញ​ទម្រង់​ពាក្យ​ស្នើសុំ​បើក​គណនី​ ​ផ្តល់​គំរូ​ហត្ថលេខា​ ​ឬ​ស្នាមមេដៃ​ ​ឯកសារ​បញ្ជាក់​អត្តសញ្ញាណ​ ​និង​ឯកសារ​តម្រូវ​ផ្សេងៗ​ទៀត​តាម​ការ​ស្នើសុំ​ពី​ប្រា​សាក់​ ​។
    2. ​អតិថិជន​យល់ព្រម​ដាក់​ប្រាក់​តម្កល់​ក្នុង​គណនី​នូវ​ចំនួន​អប្បបរមា​ទៅតាម​ប្រភេទ​គណនី​ណាមួយ​ស្រប​ទៅ​តាម​លក្ខខណ្ឌ​ដែល​បាន​កំណត់​ដោយ​ប្រា​សាក់​ ​។
    3. សម្រាប់​កា​របើក​គណនី​ប្រាក់​បញ្ញើ​សន្សំ​ ​តាមរយៈ​កម្មវិធី​សេវា​ធនាគារ​ចល័ត​ ​អតិថិជន​មិន​តម្រូវ​ឱ្យ​បំពេញ​ពាក្យ​ស្នើសុំ​ ​តែ​អតិថិជន​ត្រូវ​គោរព​តាម​លក្ខខណ្ឌ​លម្អិត​បន្ថែម​ផ្សេងទៀត​ដែល​មាន​បង្ហាញ​នៅ​ក្នុង​កម្មវិធី​សេវា​ធនាគារ​ចល័ត​ ​ឬ​មធ្យោបាយ​អេ​ឡិច​ត្រូនិ​ក​ណាមួយ​ដែល​ទទួលស្គាល់​ដោយ​ប្រា​សាក់​ ​មុននឹង​សម្រេច​បើក​គណនី​នីមួយៗ​នោះ​ ​។
  2. គណនីរួម
    1. ​គណនីរួម​ ​គឺជា​គណនី​ឯក​ត្ត​បុគ្គល​ដែល​មាន​សមាជិក​រួម​គណនី​ចាប់ពី​ ​០​២​នាក់​ ​ឡើង​ទៅ​ ​។
    2. សមាជិក​រួម​គណនី​នីមួយៗ​ ​គឺ​ត្រូវ​បាន​ចាត់ទុកថា​ជា​ម្ចាស់​គណនី​ ​ហើយ​ត្រូវ​ចូលរួម​ទទួលខុសត្រូវ​ទាំងស្រុង​ចំពោះ​ប្រា​សាក់​ ​នូវ​រាល់​បំណុល​ ​និង​កាតព្វកិច្ច​នានា​ដែល​កើតមានឡើង​នៅ​ក្នុង​គណនីរួម​នោះ​ ​។
  3. គណនី​គ្មាន​ប្រតិបត្តិការ
    1. ​ប្រសិនបើ​គណនី​របស់​អតិថិជន​មិន​មាន​ប្រតិបត្តិការ​ក្នុងរយៈពេល​ ​៣​៦​៥​ ​ថ្ងៃ​ ​ឡើង​ទៅ​ ​គណនី​នោះ​នឹង​ត្រូវ​ចាត់ទុកថា​ជា​គណនី​គ្មាន​ប្រតិបត្តិការ​ ​។
    2. ​អតិថិជន​យល់ព្រម​ឱ្យ​ប្រា​សាក់​ធ្វើការ​ទូទាត់​ក​ម្រៃ​សេវា​នៃ​គណនី​គ្មាន​ប្រតិបត្តិការ​ជាប្រចាំ​ខែ​ ​ដោយ​ក​ម្រៃ ​សេវា​នឹង​ត្រូវ​បាន​ទូទាត់​ចេញពី​គណនី​អតិថិជន​ដោយស្វ័យប្រវត្តិ​ ​និង​ដោយ​មិន​ចាំបាច់​ស្នើសុំ​ការអនុញ្ញាត​ពី​អតិថិជន​ឡើយ​ ​។
    3. ​អតិថិជន​យល់ព្រម​ថា​ ​រាល់​គណនី​គ្មាន​ប្រតិបត្តិការ​ទាំងឡាយ​ណា​ដែល​មាន​សមតុល្យ​តូច​ជាង​ ​ឬ​ស្មើ​សូន្យ​ ​នឹង​ត្រូវ​បាន​បិទ​ដោយស្វ័យប្រវត្តិ​ដោយ​ប្រា​សាក់​ ​និង​ដោយ​ពុំ​តម្រូវ​ឱ្យ​ធ្វើការ​ជូនដំណឹង​ដល់​អតិថិជន​ជាមុន​ឡើយ​ ​។
    4. អនុលោម​តាមច្បាប់​ស្តីពី​គ្រឹះស្ថាន​ធនាគារ​ ​និង​ហិរញ្ញវត្ថុ​ ​ប្រា​សាក់​ត្រូវ​បាន​តម្រូវ​ឱ្យ​ធ្វើ​ការបញ្ជូន​សមតុល្យ​នៃ​គណនី​របស់​អតិថិជន​ទាំងឡាយ​ណា​ដែល​មិន​មាន​ប្រតិបត្តិការ​រយៈពេល​ ​១​០​ឆ្នាំ​ ​ជាប់ៗ​គ្នា​ទៅ​ធនាគារ​ជាតិ​ ​នៃ​កម្ពុជា​ ​ដើម្បី​គ្រប់គ្រង​បន្ត​ ​។
  4. ​ការ​ផ្តល់​ព័ត៌មាន​របស់​អតិថិជន
    1. ​​នៅ​ពេល​ស្នើសុំ​បើក​គណនី​ ​និង​/​ឬ​ប្រើប្រាស់​សេវាកម្ម​នានា​ជាមួយ​ប្រា​សាក់​ ​អតិថិជន​ត្រូវ​ផ្តល់​នូវ​ព័ត៌មាន​តាម​ការ​ស្នើសុំ​របស់​ប្រា​សាក់​ ​និង​ត្រូវ​ធានា​ថា​ ​រាល់​ព័ត៌មាន​ដែល​ផ្តល់​មក​ប្រា​សាក់​ ​ជា​ព័ត៌មាន​ពិតប្រាកដ​​ ​ត្រឹមត្រូវ​ ​និង​ថ្មី​បំផុត​ ​។
    2. ​ករណី​មាន​ការផ្លាស់ប្តូរ​ព័ត៌មាន​ផ្សេងៗ​ ​អតិថិជន​ត្រូវធ្វើ​ការ​ជូនដំណឹង​ជាលាយលក្ខណ៍អក្សរ​មក​ប្រា​សាក់​ជាបន្ទាន់​ ​។
    3. ​អតិថិជន​យល់ព្រម​ឱ្យ​ប្រា​សាក់​ផ្តល់​ព័ត៌មាន​របស់​ខ្លួន​ទៅ​ភាគី​ទីបី​ ក្នុង​ករណី​ចាំបាច់​ណាមួយ​​ដែល​តម្រូវ​ដោយ​ប្រា​សាក់​ផ្ទាល់​ ​ឬ​តាម​ការ​បង្គាប់បញ្ជា​ពី​តុលាការ​ ​ឬ​អាជ្ញាធរ​មានសមត្ថកិច្ច​ ​។
    4. ​​អតិថិជន​យល់ព្រម​ចូលរួម​សហការ​ ​និង​ផ្តល់​ឱ្យ​ប្រា​សាក់​នូវ​ឯកសារ​គាំទ្រ​នានា​​ដែល​ពាក់ព័ន្ធ​ដើម្បី​ឱ្យ​ប្រា​សាក់​អាច​អនុវត្ត​ការងារ​បាន​ត្រឹមត្រូវតាម​កាតព្វកិច្ច​ផ្លូវច្បាប់​ ​ប្រឆាំង​ការ​ស​ម្អា​ត​ប្រាក់​ ​និង​ហិរញ្ញប្បទាន​ ​ភេរវកម្ម​ ​។
  5. ការ​ស្នើសុំ​កែប្រែ​ព័ត៌មាន​ ​និង​ការ​ជូនដំណឹង​ពី​អតិថិជន​
    1. ​អតិថិជន​អាច​ធ្វើការ​ស្នើសុំ​ជាលាយលក្ខណ៍អក្សរ​មក​ប្រា​សាក់​ ​ដើម្បី​ធ្វើការ​កែប្រែ​ ​ឬ​ធ្វើ​បច្ចុប្បន្នភាព​ព័ត៌មាន​របស់​ខ្លួន​បាន​ ​។
    2. ​​ប្រា​សាក់​នឹង​មិន​ទទួលខុសត្រូវ​ចំពោះ​ ​រាល់​ការខូចខាត​ទាំងឡាយ​ណា​ដែល​កើត​ចេញ​អំពី​ការផ្លាស់ប្តូរ​ព័ត៌​មាន​ផ្សេងៗ​របស់​អតិថិជន​ក្នុង​ករណី​ដែល​អតិថិជន​មិនបាន​ជូនដំណឹង​មក​ប្រា​សាក់​ ​។
    3. ការផ្លាស់ប្តូរ​ព័ត៌មាន​អាច​ជា​ ​ការ​បន្ថែម​ ​ឬ​ដក​សិទ្ធិ​អ្នក​រួម​គណនី​ ​ការ​កែប្រែ​លក្ខខណ្ឌ​ចុះហត្ថលេខា​ ​ការផ្លាស់ប្តូរ​គំរូ​ហត្ថលេខា​ ​ការផ្លាស់ប្តូរ​ឯកសារ​បញ្ជាក់​អត្តសញ្ញាណ​ ​ការ​ប្តូរ​លេខ​ទូរស័ព្ទ​ ​ការ​ប្តូរ​អុី​ម៉ែ​ល​ ​ឬ​ការ​កែប្រែ​ព័ត៌មាន​ផ្ទាល់ខ្លួន​ផ្សេងៗ​ទៀត​ ​ដែល​ខុស​អំពី​ព័ត៌មាន​ដែល​អតិថិជន​បាន​ផ្តល់​មក​ប្រា​សាក់​នៅ​ពេល​ ​ស្នើសុំ​បើក​គណនី​ដំបូង​ ​។
  6. កា​រដាក់​ប្រាក់​បញ្ញើ
    1. ប្រា​សាក់​យល់ព្រម​ឱ្យ​អតិថិជន​ដាក់​ប្រាក់​បញ្ញើ​ជា​សាច់​ប្រាក់សុទ្ធ​ ​មូលប្បទានបត្រ​ ​ផ្ទេរ​តាម​គណនី​ ​ឬ​តាមមធ្យោបាយ​ផ្សេងៗ​ទៀត​ដែល​ត្រូវ​បាន​អនុញ្ញាត​ដោយ​ប្រា​សាក់​ ​។
    2. អតិថិជន​អាច​ដាក់​ប្រាក់​តាម​បញ្ជរ​បេឡា​ ​ម៉ាស៊ីន​ឆូត​កាត​ ​ម៉ាស៊ីន​ដាក់​ប្រាក់​ ​និង​មធ្យោបាយ​ផ្សេងៗ​ទៀត​ដែល​ប្រា​សាក់​នឹង​ដាក់​ឱ្យ​ប្រើប្រាស់​ទៅតាម​ស្ថានភាព​ជាក់ស្តែង​នា​ពេល​អនាគត​ ​។
    3. ​​ករណី​ប្រា​សាក់​ទទួល​បាន​ក្រដាសប្រាក់​ក្លែងក្លាយ​ ​ឬ​ចាស់​ ​ប្រឡាក់​ ​រហែក​ ​ឬ​ខូច​ទ្រង់ទ្រាយ​ ​តាមរយៈ​កា​រដាក់​ប្រាក់​តាម​ម៉ាស៊ីន​ដាក់​ប្រាក់​ ​នោះ​ប្រា​សាក់​រក្សាសិទ្ធិ​ក្នុង​ការ​មិន​ទូទាត់​ជូន​អតិថិជន​ ​ឬ​ដកហូត​ ​ឬ​ទំនាក់ទំនង​ទៅកាន់​អតិថិជន​ដើម្បី​ឱ្យ​មក​ធ្វើ​ការផ្លាស់ប្តូរ​ក្រដាសប្រាក់​ថ្មី​ ​ឬ​ផ្តល់​ជូន​នូវ​សេវា​កាត់​ទឹក​ ​។​ ​ប្រា​សាក់​រក្សាសិទ្ធិ​ក្នុង​ការ​បង្ខាំង​ទឹកប្រាក់​ដែល​មាន​បញ្ហា​ ​រហូតដល់​អតិថិជន​អញ្ជើញ​មក​ដោះស្រាយ​ ​ឬ​ធ្វើការ​ទូទាត់​ទឹកប្រាក់​ត្រលប់​ ​ឬ​កាត់​ទឹក​ ​ដោយស្វ័យប្រវត្តិ​ ​ករណី​អតិថិជន​មិនបាន​អញ្ជើញ​មក​ដោះស្រាយបញ្ហា​តាម​ការ​ស្នើសុំ​ពី​ប្រា​សាក់​ ​។
    4. ​ប្រា​សាក់​ក៏​អាច​ធ្វើការ​បដិសេធ​ ​មិន​ទទួលយក​ប្រាក់​បញ្ញើ​ពី​អតិថិជន​ ​ករណី​ប្រា​សាក់​មាន​ការសង្ស័យ​ចំពោះ​ប្រភព​ដើម​នៃ​ប្រាក់​បញ្ញើ​នោះ​ ​។
    5. ​​អតិថិជន​យល់ព្រម​បង់ក​ម្រៃ​សេវា​លើ​កា​រដាក់​ប្រាក់​ឆ្លង​សាខា​ (​ប្រសិនបើ​មាន​) ​ទៅតាម​គោលការណ៍​ដែល​បាន​កំណត់​ដោយ​ប្រា​សាក់​ ​។
  7. ការ​​ដក​ ​ឬ​ ​ផ្ទេរ​ប្រាក់​បញ្ញើ
    1. ​​អតិថិជន​អាច​ធ្វើ​ប្រតិបត្តិការ​ដក​ ​ឬ​ផ្ទេរ​ប្រាក់​ចេញពី​គណនី​របស់​ខ្លួន​ដែល​មាន​ជាមួយ​ប្រា​សាក់​ ​ដោយ​គ្រាន់តែ​បំពេញ​ប័ណ្ណ​ដកប្រាក់​ ​ឬ​ប័ណ្ណ​ផ្ទេរ​ប្រាក់​ ​នៅ​តាម​សាខា​ប្រា​សាក់​ណាមួយ​ ឱ្យ​បាន​ត្រឹមត្រូវ​ ​។
    2. ​ការ​ដក​ ​ឬ​ ​ផ្ទេរ​ប្រាក់​ ​តាមរយៈ​កម្មវិធី​សេវា​ធនាគារ​ចល័ត​ ​និង​/​ឬ​ ​ប័ណ្ណ​អេ​ធី​អឹ​ម​ប្រា​សាក់​ ​ត្រូវ​បាន​អនុញ្ញាត​ ​ករណី​អតិថិជន​បាន​ស្នើសុំ​ប្រើប្រាស់​ដោយ​គោរព​ទៅតាម​លក្ខខណ្ឌ​ជាក់លាក់​នៃ​សេវា​នីមួយៗ​នោះ​ ​។
    3. ​អតិថិជន​អាច​ស្នើសុំ​ដក​ ​ឬ​ផ្ទេរ​ប្រាក់​ខុស​ពី​រូបិយប័ណ្ណ​គណនី​បាន​ ​ដោយ​យោង​តាម​អត្រា​ប្តូរ​ប្រាក់​ស្តង់​ដារ​ដែល​កំណត់​ដោយ​ប្រា​សាក់​នៅ​ពេល​ស្នើសុំ​ធ្វើ​ប្រតិបត្តិការ​នោះ​ ​។
    4. ​​អតិថិជន​យល់ព្រម​បង់ក​ម្រៃ​សេវា​លើ​ប្រតិបត្តិការ​ដក​ ​ឬ​ផ្ទេរ​ឆ្លង​សាខា​ទៅតាម​ក​ម្រៃ​សេវា​ស្តង់​ដារ​ដែល​បាន​កំណត់​ដោយ​ប្រា​សាក់​ ​ដែល​អាច​​​រក​បាន​នៅ​តាម​សាខា​ប្រា​សាក់​ ​ឬ​វេ​ប​សាយ​ត៍​ផ្លូវការ​របស់​ប្រា​សាក់​ ​w​w​w​.​p​r​a​sac​.​co​m​.k​h ។
    5. ​​ប្រា​សាក់​រក្សាសិទ្ធិ​ក្នុង​ការ​បដិសេធ​លើ​ប្រតិបត្តិការ​ដកប្រាក់​ ​ឬ​ផ្ទេរ​ប្រាក់​ពី​អតិថិជន​ ​ក្នុង​ករណី​ដែល​អតិថិជន​មិនបាន​បំពេញ​ពាក្យ​ស្នើសុំ​ដក​ ​ឬ​ផ្ទេរ​ប្រាក់​ឱ្យ​បាន​ត្រឹមត្រូវ​ ​ឬ​គណនី​នោះ​ត្រូវ​បាន​បង្ខាំង​ ​ឬ​បង្កក​ ​ដោយ​យោង​តាម​ការ​បង្គាប់បញ្ជា​ពី​ស្ថាប័ន​តុលាការ​ ​ធនាគារជាតិនៃកម្ពុជា​ ​ឬ​អាជ្ញាធរ​មានសមត្ថកិច្ច​ ​។​ល​។
    6. ​ក្នុង​ករណី​អតិថិជន​ទទួល​មរណភាព​ ​អតិថិជន​យល់ព្រម​ ​និង​អនុញ្ញាត​ឱ្យ​ប្រា​សាក់​ប្រើ​ឆន្ទានុសិទ្ធិ​ក្នុង​កា​របើក​បង្ហាញ​ព័ត៌មាន​គណនី​ ​ដកប្រាក់​ ​ឬ​មិន​ដកប្រាក់​ ​ចេញពី​គណនី​របស់​អតិថិជន​ ​ជូន​ទៅ​សន្តតិ​ជន​ដែល​អាច​ជា​ ​កូនបង្កើត​ ​និង​/​ឬ​សហព័ទ្ធ​ ​និង​/​ឬ​ឪពុក​ម្តាយបង្កើត​ ​របស់​អតិថិជន​ ​។​ ​ការ​ដកប្រាក់​អាច​ធ្វើ​ទៅ​បាន​ដោយ​ ​យោង​តាម​គោលការណ៍​របស់​ប្រា​សាក់​ ​ឬ​ ​ដីកាសម្រេច​ពី​តុលាការ​ ​។
  8. ឥណទាន​វិ​បា​រូប​រ៍ (​ការ​ដកប្រាក់​ដែល​ធើ្វឱ្យ​សមតុល្យ​ក្រោមសូន្យ​)
    1. ​អតិថិជន​ត្រូវ​រក្សា​សមតុល្យ​គណនី​របស់​ខ្លួន​ឱ្យ​ធំ​ជាង​សូន្យ​គ្រប់ពេល​ ​ឬ​ត្រឹម​សមតុល្យ​អប្បបរមា​ ​តាម​ការកំណត់​របស់​ប្រា​សាក់​ ​លើកលែង​ករណី​ដែល​ប្រា​សាក់​ផ្តល់​ ឱ្យ​អតិថិជន​នូវ​សេវា​ឥណទាន​វិ​បា​រូប​រ៍ (​ការ​ដកប្រាក់​ដែល​ធ្វើ​ឱ្យ​សមតុល្យ​គណនី​ក្រោមសូន្យ​) ​។
    2. ការប្រាក់​នឹង​គិត​ចំពោះ​ការ​ដកប្រាក់​ក្រោមសូន្យ​ ​ដោយ​គណនា​តាម​សមតុល្យ​ដែល​តូច​ជាង​សូន្យ​ប្រចាំថ្ងៃ​គុណ​នឹង​អត្រា​ជាក់​សែ្ត​ង​ដែល​បាន​កំណត់​ដោយ​ប្រា​សាក់​នា​ពេល​នោះ​ ​។​ ​ការប្រាក់​នឹង​បញ្ចូល​ក្នុង​ខែ​នីមួយៗ​ ​ហើយ​ត្រូវ​បាន​បូក​បញ្ចូល​ទៅជា​ប្រាក់ដើម​សម្រាប់​គោលបំណង​នៃ​ការ​គណនា​ការប្រាក់​នៅ​ខែ​បន្ទាប់​ ​។
    3. ​​ប្រា​សាក់​អាច​ទាមទារ​ឱ្យ​អតិថិជន​សង​ត្រលប់​មកវិញ​បាន​គ្រប់ពេល​ ​សម្រាប់​គណនី​ដែល​មាន​សមតុល្យ​ ​ក្រោមសូន្យ​។
  9. ​ការ​បញ្ជា​ទូទាត់​
    1. ​អតិថិជន​អាច​ធ្វើការ​បញ្ជា​ទូទាត់​ជាលាយលក្ខណ៍អក្សរ​មក​ប្រា​សាក់​ ​ឬ​តាមរយៈ​សេវា​ធនាគារ​ចល័ត​ ​ឬ​ប័ណ្ណ​អេ​ធី​អឹ​ម​ ​ឬ​មធ្យោបាយ​ផ្សេងៗ​ដែល​ផ្តល់​ដោយ​ប្រា​សាក់​ ​ដោយ​ត្រូវ​ផ្តល់​ព័ត៌មាន​របស់​អ្នកទទួល​ផល​ឱ្យ​បាន​គ្រប់គ្រាន់​ ​និង​ត្រឹមត្រូវ​ ​។
    2. ​ប្រា​សាក់​នឹង​មិន​ទទួលខុសត្រូវ​ ​ចំពោះ​ការ​បាត់បង់​ទាំងឡាយ​ណា​ដែល​បង្កឡើង​ដោយ​ការ​ផ្តល់​ព័ត៌មាន​មិន​ត្រឹមត្រូវ​ ​និង​/​ឬ​មិន​គ្រប់គ្រាន់​របស់​អតិថិជន​នោះ​ទេ​ ​។
  10. ការ​បង្ខាំង​គណនី​

    ​ប្រា​សាក់​នឹង​ធ្វើការ​បង្ខាំង​គណនី​របស់​អតិថិជន​ក្នុង​ករណី​ដូច​ខាងក្រោម​៖

    • មានការ​ស្នើសុំ​ជាលាយលក្ខណ៍អក្សរ​ពី​អតិថិជន
    • មានការ​ស្នើសុំ​ពី​អតិថិជន​តាមរយៈ​ទូរស័ព្ទ​មក​មន្ត្រី​ទំនាក់ទំនង​អតិថិជន​ (​Call​ ​Center​) ​រួម​ទាំង​អតិថិជន​ ​ប្រា​សាក់​ ​ឬ​អតិថិជន​នៃ​ធនាគារ​ផ្សេង​ ​ក្នុង​ករណី​អតិថិជន​ធ្វើ​ប្រតិបត្តិការ​ផ្ទេរ​ ​ឬ​ដាក់​ប្រាក់​ខុស​លេខ​គណនី
    • តាម​សេចក្តីបង្គាប់​បញ្ជា​របស់​ស្ថាប័ន​តុលាការ​ ​ធនាគារជាតិនៃកម្ពុជា​ ​ឬ​អាជ្ញាធរ​មានសមត្ថកិច្ច​ ​ជាដើម​ ​។
  11. កា​រដោះ​បង្ខាំង​គណនី

    ប្រា​សាក់​នឹង​ធ្វើការ​ដោះ​បង្ខាំង​គណនី​ដែល​ត្រូវ​បាន​បង្ខាំង​ក្នុង​ករណី​ណាមួយ​ខាងក្រោម​៖

    • ​មានការ​ស្នើសុំ​ជាលាយលក្ខណ៍អក្សរ​ពី​អតិថិជន​ (​ក្នុង​ករណី​អតិថិជន​ស្នើសុំ​បង្ខាំង​គណនី​) ​ឬ
    • ​​តាម​នីតិវិធី​នៃ​ការ​ដោះស្រាយ​បណ្ដឹង​របស់​អតិថិជន​លើ​ការផ្ទេរ​/​ដាក់​ប្រាក់​ខុស​លេខ​គណនី​ ​ឬ
    • ​តាម​សេចក្តីបង្គាប់​បញ្ជា​របស់​ស្ថាប័ន​តុលាការ​ ​ធនាគារជាតិនៃកម្ពុជា​ ​ឬ​អាជ្ញាធរ​មានសមត្ថកិច្ច​ជាដើម​ ​។
  12. ​​ក​ម្រៃ​សេវាកម្ម
    1. ​​អតិថិជន​ ​មាន​កាតព្វកិច្ច​បង់ក​ម្រៃ​សេវាកម្ម​ផ្សេងៗ​ដូច​មាន​ចែង​នៅ​ក្នុង​តារាង​តម្លៃ​សេវា​ស្តង់​ដារ​របស់​ប្រា​សាក់​តាម​ប្រភេទ​ ​និង​លក្ខខណ្ឌ​នីមួយៗ​ពាក់ព័ន្ធ​នឹង​ផលិតផល​ ​និង​សេវាកម្ម​ផ្សេងៗ​របស់​ប្រា​សាក់​ ​។
    2. ប្រា​សាក់​នឹង​កាត់​ប្រាក់​ក​ម្រៃ​ខាងលើ​ ​ចេញពី​គណនី​ដោយ​មិន​ចាំបាច់​សុំ​ការអនុញ្ញាត​ពី​អតិថិជន​ឡើយ​ ​រួម​មាន​ ​ប្រាក់ពិន័យ​ ​ការប្រាក់​ ​ប្រាក់​ពន្ធ​ ​ប្រាក់​ក​ម្រៃ​ជើងសា​ ​និង​ក​ម្រៃ​សេវាកម្ម​នានា​ដែល​អតិថិជន​ជំពាក់​ ​ឬ​មិនទាន់​បាន​បង់​មក​ឱ្យ​ប្រា​សាក់​ ​។
    3. ចំពោះ​តារាង​តម្លៃ​សេវាកម្ម​ស្តង់​ដារ​នេះ​ ​អតិថិជន​អាច​ស្វែងរក​បាន​នៅ​គ្រប់​ការិយាល័យ​ ​និង​វេ​ប​សាយ​ត៍​របស់​ប្រា​សាក់​ ​w​w​w​.​p​r​a​sac​.​co​m​.k​h​ ​ឬ​ទាក់ទង​មកកាន់​មន្ត្រី​បម្រើ​សេវា​អតិថិជន​តាមរយៈ​ទូរស័ព្ទ​លេខ​ ​០​២​៣​/​០​៨​៦​ ​៩​៩​៩​ ​៩​១​១​ ​។
  13. អត្រា​ការប្រាក់​លើ​ប្រាក់​បញ្ញើ
    1. ប្រា​សាក់​នឹង​គណនា​ ​និង​ទូទាត់​ការប្រាក់​ជូន​ទៅ​អតិថិជន​ដោយ​យោង​តាម​អត្រា​ការប្រាក់​ស្តង់​ដារ​ទៅតាម​ប្រភេទ​គណនី​ប្រាក់​បញ្ញើ​សន្សំ​នីមួយៗ​ ​ដែល​បាន​កំណត់​ដោយ​ប្រា​សាក់​ ​។
    2. ការប្រាក់​ត្រូវ​បាន​គណនា​ដោយ​ផ្អែក​ទៅលើ​សមតុល្យ​ប្រចាំថ្ងៃ​ ​ផ្អែកលើ​រយៈពេល​ ​៣​៦​៥​ថ្ងៃ​ ​ក្នុង​មួយ​ឆ្នាំ​ ​និង​ផ្អែក​តាម​ប្រភេទ​រូបិយប័ណ្ណ​នៃ​គណនី​នោះ​ ​។
    3. ការប្រាក់​នឹង​ត្រូវ​បញ្ចូល​ក្នុង​គណនី​ជាប្រចាំ​ខែ​ ​ប្រចាំ​ឆ្នាំ​ ​ឬ​ពេល​គណនី​ដល់​កាល​កំណត់​ ​អាស្រ័យ​លើ​ប្រភេទ​គណនី​នីមួយៗ​ដែល​អតិថិជន​បាន​ស្នើសុំ​បើក​ ​។
  14. ការ​កែប្រែ​ក​ម្រៃ​សេវា​ ​អត្រា​ការប្រាក់​ ​ទំហំ​កំណត់​ ​លក្ខខណ្ឌ​ផ្សេងៗ​ ​និង​ការ​ជូនដំណឹង​ទៅ​អតិថិជន
    1. ​ប្រា​សាក់​រក្សាសិទ្ធិ​ក្នុង​ការ​កែប្រែ​ក​ម្រៃ​សេវា​ ​អត្រា​ការប្រាក់​ ​ទំហំ​កំណត់​ ​និង​/​ឬ​លក្ខខណ្ឌ​ផ្សេងៗ​ដែល​ត្រូវ​អនុវត្ត​ចំពោះ​ការប្រើប្រាស់​គណនី​របស់​អតិថិជន​ ​ដោយ​ប្រា​សាក់​នឹង​ធ្វើការ​ជូនដំណឹង​ទៅ​អតិថិជន​ ឱ្យ​បាន​ត្រឹមត្រូវតាម​លក្ខខណ្ឌ​តម្រូវ​នៃ​ច្បាប់​ ​។
    2. ក្នុងរយៈពេល​នៃ​ការ​ជូនដំណឹង​ ​ករណី​មិន​មានការ​តវ៉ា​ពីសំណាក់​អតិថិជន​ ​ត្រូវ​សន្មត​ថា​អតិថិជន​បាន​យល់ព្រម​ ​និង​ទទួលយក​ការ​កែប្រែ​ខាងលើ​មក​អនុវត្ត​ភ្លាម​ៗ​បន្ទាប់ពី​ការ​កែប្រែ​ចូលជាធរមាន​ដែល​ត្រូវ​បាន​ផ្សព្វផ្សាយតាមរយៈ​មធ្យោបាយ​ណាមួយ​ខាងក្រោម​៖
      (1) តាមរយៈ​សាខា​របស់​ប្រា​សាក់​ ​និង​/​ឬ
      (2) តាមរយៈ​វេ​ប​សាយ​ត៍ ​និង​/​ឬ​បណ្តាញទំនាក់ទំនងសង្គម​ផ្លូវការ​របស់​ប្រា​សាក់​ ​និង​/​ឬ
      (3) ការ​ផ្ញើ​សារ​ ​និង​/​ឬ​ អុី​ម៉ែ​ល​ទៅកាន់​អតិថិជន
      (4) តាមរយៈ​ការ​ផ្សព្វផ្សាយ​នៅ​លើ​ទំព័រ​ការ​សែត​ ​ទស្សនាវដ្តី​ ​កម្មវិធី​សេវា​ធនាគារ​ចល័ត​ ​ឬ​មធ្យោបាយ​ផ្សេងៗ​ ​ដែល​ប្រា​សាក់​បាន​ជ្រើសរើស​ ​។​ល​។
    3. ​អតិថិជន​ត្រូវ​បាន​សន្មត​ថា​បាន​ទទួលការ​ជូនដំណឹង​ស្តីពី​ការ​កែប្រែ​ខាងលើ​ភ្លាម​ៗ​ ​បន្ទាប់ពី​ប្រា​សាក់​បាន​ធ្វើការ​ចុះផ្សាយ​ពី​ការ​កែប្រែ​ព័ត៌មាន​នានា​របស់​ខ្លួន​ ​តាមរយៈ​មធ្យោបាយ​ណាមួយ​ក្នុងចំណោម​មធ្យោបាយ​ខាងលើ​ ​។
  15. ពន្ធ​កាត់​ទុក (ពន្ធ​លើការ​ប្រាក់)
    1. ​អតិថិជន (ម្ចាស់​​គណនី) បាន​ទទួល​ស្គាល់​ថា ពន្ធ​កាត់​ទុក​លើការ​ប្រាក់​ដែល​ទទួល​បាន​ពីការ​ដាក់​ប្រាក់​បញ្ញើជា​មួយ​ប្រាសាក់​ជាបន្ទុក​របស់​ខ្លួន។
    2. ​អតិថិជន​យល់​ព្រម​ឱ្យ​ប្រាសាក់​ធ្វើ​ការ​កាត់​ប្រាក់​ពន្ធ​ដែល​ត្រូវ​បង់​ចេញ​ពី​គណនី​របស់​អតិថិជន​ដោយ​ផ្ទាល់ និង​មិន​ចាំបាច់​មាន​ការ​យល់​ព្រម​ពី​អតិថិជន​ឡើយ ។
    3. ការ​កាត់​ប្រាក់​ពន្ធ​នេះ​នឹង​ត្រូវធ្វើ​ឡើង​រៀងរាល់​ពេល​ដែល​ប្រា​សាក់​ធ្វើការ​បញ្ចូល​ការប្រាក់​ទៅ​ក្នុង​គណនី​របស់​អតិថិជន​ទៅតាម​អត្រា​ពន្ធ​ជាក់ស្តែង​ដែល​ត្រូវ​បាន​កំណត់ដោយច្បាប់​ ​ឬ​លិខិត​បទដ្ឋាន​គតិ​យុត្តិ​ជាធរមាន​ ​។
  16. អត្រា​ប្តូរ​ប្រាក់​
    1. ​រាល់​ពេល​ធ្វើ​ប្រតិបត្តិ​ការលើ​គណនី ឬ​សេវា​កម្ម​ណាមួយ​ជា​មួយ​ប្រាសាក់​ដោយ​ឆ្លង​រូបិយប័ណ្ណ អតិថិជន​យល់​ព្រម​ទទួល​យក​អត្រា​ប្តូរ​ប្រាក់​ស្តង់ដារ ដែល​ប្រាសាក់​បាន​កំណត់​ក្នុង​ពេល​ធ្វើ​ប្រតិបត្តិ​ការ​នោះ។
  17. ការ​ស្នើសុំ​បិទ​គណនី
    1. ​រាល់​ការ​ស្នើសុំ​បិទ​គណនី ត្រូវ​ធ្វើ​ឡើង​ដោយ​ផ្ទាល់​ពី​អតិថិជន​ជា​ម្ចាស់​​គណនី ឬ​តាម​ការ​កំណត់​ដោយ​ច្បាប់ ឬ​អាជ្ញាធរ​មាន​សមត្ថកិច្ច ។
    2. ​រាល់​ការបិទ​គណនី​សន្សំ​ក្នុង​រយៈ​ពេល ០៣ ខែ (បីខែ) គិត​ចាប់​ពី​ថ្ងៃ​បើក​គណនី អតិថិជន​យល់​ព្រម​បង់​នូវ​កម្រៃ​សេវា​ទៅ​តាម​ការ​កំណត់​របស់​ប្រាសាក់។
    3. ​ចំពោះ​ការ​ស្នើសុំ​បិទ​គណនី​បញ្ញើ​មាន​កាល​កំណត់ មុន​កាល​កំណត់ អតិថិជន​យល់​ព្រម​ចំពោះ​ការខាតបង់ការ​ប្រាក់​ដែល​នឹង​ត្រូវ​ទទួល​បានហើយ​ប្រាសាក់​រក្សា​សិទ្ធិ​គ្រប់​បែប​យ៉ាង​ក្នុង​ការ​កំណត់​អត្រា​ការ​ប្រាក់​ដែល​ត្រូវ​ផ្តល់​ជូន​អតិថិជន។
  18. ​ឯកសារ​គណនី (សៀវភៅ​គណនី​សន្សំ/​វិញ្ញាបនបត្រ​ប្រាក់​បញ្ញើ​មាន​កាល​កំណត់​/ប័ណ្ណ​ព័ត៌មាន​គណនី)
    1. ​អតិថិជន​អាច​ស្នើសុំ សៀវភៅ​គណនី​សន្សំ ឬ​ប័ណ្ណ​ព័ត៌មាន​គណនី​សម្រាប់​ប្រភេទ​គណនី​សន្សំ និង​/​ឬ​វិញ្ញាបនបត្រ​ដាក់​ប្រាក់​បញ្ញើសន្សំ សម្រាប់​ប្រភេទ​គណនី​បញ្ញើ​មាន​កាល​កំណត់ ហើយ​រាល់​កម្រៃ​សេវា​ត្រូវ​បាន​កំណត់​ដោយ​ប្រាសាក់ ។
    2. ​​អតិថិជន​ត្រូវ​ត្រួតពិនិត្យ​របាយការណ៍​គណនី​របស់​ខ្លួន​ដែល​បាន​បង្ហាញ​នៅ​ក្នុង​សៀវភៅ​គណនី​សន្សំ​ ​និង​/​ឬ​របាយការណ៍​គណនី​ ​នឹង​ត្រូវ​ជូនដំណឹង​មក​ប្រា​សាក់​ភ្លាម​ៗ​ក្នុង​អំឡុង​ពេល​ ​១​៤​ថ្ងៃ​ ​បន្ទាប់ពី​កាលបរិច្ឆេទ​នៃ​ការ​បោះពុម្ព​ទិន្នន័យ​ ​ក្នុង​ករណី​រក​ឃើញ​នូវ​ភាព​មិន​ប្រក្រតី​ ​មិន​ត្រឹមត្រូវ​ ​ឬ​មានការ​កោស​លុប​ផ្សេងៗ​ ​។​
    3. ​ករណី​មិន​មាន​ការ​ជូន​ដំណឹង​ពី​អតិថិជន របាយការណ៍​សមតុល្យ​នោះ​នឹង​ត្រូវ​បាន​ចាត់​ទុកថា​ត្រឹម​ត្រូវ ហើយ​អតិថិជន​មិន​មាន​សិទិ្ធជំទាស់ ឬ​ប្តឹង​ទាមទារ​សំណងពី​ប្រាសាក់​ឡើយ ។
    4. ​ប្រាសាក់​មាន​សិទ្ធិ​ក្នុង​ការកែ​តម្រូវ​ទិន្នន័យ​ដែល​ខុស​នៅ​ក្នុង​សៀវភៅ​គណនី​សន្សំ ហើយ​ទិន្នន័យ​ដែល​បាន​កែ​តម្រូវ​នោះ​នឹង​មាន​សុពលភាព​សម្រាប់​អតិថិជន ។
    5. ​នៅ​ពេល​បាត់​សៀវភៅ​គណនី​សន្សំ​ ​និង​/​ឬ​វិញ្ញា​បន​ប​ត្រ​ប្រាក់​បញ្ញើ​មានកាល​កំណត់​ ​អតិថិជន​ត្រូវ​ជូនដំណឹង​មក​ប្រា​សាក់​ជាលាយលក្ខណ៍អក្សរ​ជាបន្ទាន់​ ​ដោយ​បញ្ជាក់​ឱ្យ​បាន​ច្បាស់​ពី​ ​កាលបរិច្ឆេទ​ ​និង​ទីកន្លែង​ ​ដែល​បាត់​ ​។
    6. ​អតិថិជន​នឹង​ត្រូវ​បាន​ផ្តល់​នូវ​សៀវភៅ​គណនី​សន្សំ ឬ​វិញ្ញាបនបត្រ​ប្រាក់​បញ្ញើ​មាន​កាល​កំណត់ថ្មី​ជំនួស​ឯកសារ​គណនី​ដែល​បាន​បាត់ ប៉ុន្តែ​ត្រូវ​យល់​ព្រម​បង់​កម្រៃ​សេវា​ទៅ​តាម​ការ​កំណត់​ដោយ​ប្រាសាក់ ។
    7. ​ប្រាសាក់​មិន​ទទួល​ខុស​ត្រូវ​ចំពោះ​អតិថិជន ឬ​ភាគី​ទីបី​ណាមួយ ប្រសិន​បើ​មាន​ប្រតិបត្តិ​ការ​គណនី​​ណាមួយកើត​ឡើង​ទាក់​ទង​ទៅ​នឹង​គណនី​នោះ មុន​ពេល​អតិថិជន​ជូន​ដំណឹង​មក​ប្រាសាក់​ឡើយ ។
  19. របាយការណ៍​គណនី​
    1. ​ប្រាសាក់​នឹង​ផ្តល់​របាយការណ៍​គណនី​ទាក់​ទង​ទៅ​នឹង​ប្រតិបត្តិ​ការ​ចេញ ឬ​ចូល​ក្នុង​គណនី​របស់​អតិថិជន​ទៅ​តាម​ការ​ស្នើសុំ​ជាក់​ស្តែង​ពី​អតិថិជន ។
    2. ​អតិថិជន​ត្រូវ​ត្រួត​ពិនិត្យ​របាយការណ៍​គណនី​របស់​ខ្លួន​ដែល​បង្ហាញ​ក្នុង​របាយការណ៍​គណនី​នោះ និង​ត្រូវ​ជូន​ដំណឹង​មក​ប្រាសាក់​ភ្លាម​ក្នុង​អំឡុង​ពេល​១៤​ថ្ងៃ​បន្ទាប់ពីកាលបរិច្ឆេទ​នៃ​ការ​បោះ​ពុម្ពទិន្នន័យ ក្នុង​ករណី​ឃើញ​ភាព​មិន​ប្រក្រតី ឬ​មិន​ត្រឹម​ត្រូវ ឬ​មាន​ការកោសលុប​ផ្សេងៗ ។
  20. ​សិទ្ធិ​ក្នុង​ការ​ទូទាត់​
    1. ​​បន្ថែម​លើ​ការ​ព្រមព្រៀង​ផ្សេងៗ​ ​ប្រា​សាក់​មាន​សិទ្ធិ​ក្នុង​ការ​ទូទាត់​ទឹកប្រាក់​នៅ​ក្នុង​គណនី​ ​ដើម្បី​ទូទាត់​បំណុល​ដោយ​ពុំ​តម្រូវ​ឱ្យ​ធ្វើការ​ជូនដំណឹង​ដល់​អតិថិជន​ជាមុន​ឡើយ​ ​។​ ​ប្រា​សាក់​នឹង​ធ្វើការ​ទូទាត់​ទឹកប្រាក់​ចេញពី​គណនី​នូវ​ចំនួន​ទឹកប្រាក់​ដែល​អតិថិជន​ជំពាក់​ប្រា​សាក់​ ​ទោះ​ជា​បំណុល​រួម​ ​ឬ​ដាច់ដោយឡែក​ក៏ដោយ​ ​។
    2. ​​ប្រា​សាក់​រក្សា​សិទិ្ធ​ក្នុង​ការ​កែតម្រូវ​ ​ឬ​ទូទាត់​ចេញពី​គណនី​អតិថិជន​ ​ចំពោះ​ប្រតិបត្តិការ​ដាក់​ប្រាក់​ ​ដកប្រាក់​ ​ផ្ទេរ​ប្រាក់​ ​ឬ​ការ​ទូទាត់​ទាំងឡាយ​ណា​ ​ដែល​ធើ្វ​ឡើង​ដោយ​កំហុស​បច្ចេកទេស​ ​ឬ​ ​ការ​ដោះស្រាយ​បណ្ដឹង​លើ​ការផ្ទេរ​/​ដាក់​ប្រាក់​ខុស​លេខ​គណនី​ ​ដោយ​ពុំ​តម្រូវ​ឱ្យ​ធ្វើការ​ស្នើសុំ​ការអនុញ្ញាត​ពី​អតិថិជន​ឡើយ​ ​។
  21. ការរំខាន​ដល់​សេវា​កម្ម និង​ប្រធាន​សក្តិ
    1. ​ប្រា​សាក់​នឹង​មិន​ទទួលរ៉ាប់រង​លើ​ការ​ខាតបង់​ទាំងឡាយ​ណា​ ​ដែល​បណ្តាលមកពី​ការរអាក់រអួល​របស់​ប្រព័ន្ធ​ ​ឬ​ឧបករណ៍​ដំណើរការ​មិន​ប្រក្រតី​ឡើយ​ ​។
    2. ​​ដូចគ្នា​នេះ​ដែរ​ ​ប្រា​សាក់​ក៏​នឹង​មិន​ទទួលខុសត្រូវ​ ​ចំពោះ​ការខូចខាត​ទាំងឡាយ​ណា​ ​ដែល​បណ្តាលមកពី​ការ​ខក​ខានមិនបាន​បំពេញ​សេវាកម្ម​ ​ឬ​កាតព្វកិច្ច​របស់​ខ្លួន​ដោយសារ​ករណី​ប្រធានសក្តិ​រួម​មាន​ ​គ្រោះ​ទឹកជំនន់​ ​ខ្យល់ព្យុះ​ ​គ្រោះ​រាំង​ស្ងួត​ ​ភេរវកម្ម​ ​កុប្បកម្ម​ ​សង្គ្រាម​ ​ឬក៏​មូលហេតុ​ផ្សេងទៀត​ដែល​ហួសពី​លទ្ធភាព​គ្រប់គ្រង​បាន​របស់​ប្រា​សាក់​ ​។
  22. ការ​រក្សា​ព័ត៌មាន​អតិថិជន​ជាការ​សម្ងាត់​
    1. ​ប្រាសាក់​នឹង​រក្សា​រាល់​ព័ត៌មាន​ទាំង​អស់​របស់​អតិថិជន​ជាការ​សម្ងាត់ ។
    2. ​ប្រាសាក់​នឹង​មិន​បញេ្ចញ​ព័ត៌មាន​អតិថិជន​របស់​ខ្លួន​ទៅ​កាន់​ភាគី​ទីបី ដោយ​មិន​មាន​ការ​អនុញ្ញា​ត​ពី​អតិថិជន​ឡើយ លើក​លែងតែការ​ស្នើសុំ​នោះ​តម្រូវ​ដោយ​ច្បាប់ ឬ​ធ្វើ​ឡើង​ដោយ​ស្ថាប័ន​មាន​សមត្ថកិច្ច ។
  23. ការ​ប្រឆាំង​ការសម្អាត​ប្រាក់ ហិរញ្ញប្បទានភេរវកម្ម និង​បទឧក្រិដ្ឋ​ផ្សេងៗ
    1. ​ប្រាសាក់​ត្រូវ​បាន​តម្រូវ​ឱ្យ​អនុ​វត្ត​ឱ្យបាន​ត្រឹម​ត្រូវ​តាម​ច្បាប់ និង​បទប្បញ្ញាតិ ជាធរ​មាន ពាក់​ព័ន្ធ​ការ​ប្រឆាំង​ការសម្អាត​ប្រាក់​និង​ហិរញ្ញប្បទានភេរវកម្ម និង​បទឧក្រិដ្ឋផេ្សងៗ ។
    2. ​ប្រាសាក់​អាច​ចាត់​វិធានការ​នានា​តាម​ឆន្ទានុសិទិ្ធ​របស់​ខ្លួន​​ដើម្បី​គោរព​តាម​ច្បាប់ និង​បទប្បញ្ញាតិ ជាធរ​មាន ។
    3. ​អតិថិជន​យល់​ព្រម​ជា​មួយ​ប្រាសាក់​ថា ប្រាសាក់​អាច​នឹង​ពន្យារ​ពេល ឬ​បង្ខាំង​ទុក ឬ​បដិសេធ​មិន​ឱ្យដំណើរ​ការ​នូវ​ប្រតិបត្តិ​ការ​ណាមួយ​ដែល​មិន​មាន​ការ​ទទួល​ខុស​ត្រូវ ប្រសិន​បើ​ប្រាសាក់​សង្ស័យ​ថា៖
      • ​ប្រតិបត្តិ​ការ​ដែល​បាន​ធ្វើ​ឡើង​នោះ​អាចផ្ទុយ​នឹង​ច្បាប់​នៃ​ព្រះ​រាជា​ណា​ចក្រ​កម្ពុជា ឬ​ច្បាប់​អន្តរជាតិ​ ។
      • ​ប្រតិបត្តិ​ការ​ដែល​បាន​ធ្វើ​ឡើង​នោះ​អាច​នឹង​ពាក់​ព័ន្ធ​ដោយ​ផ្ទាល់ និង​/​ឬ​ដោយ​ប្រយោលទៅ​នឹង​ដំណើរ​ការ ឬ​គោល​បំណង​នៃ​ការ​ប្រព្រឹត្ត​សកម្មភាព​ខុស​ច្បាប់ ។
  24. ​ច្បាប់អនុវត្ត​
    1. ​រាល់​លក្ខខណ្ឌ​ទាំង​ឡាយ​ដែល​មាន​ចែង​នៅ​ក្នុង​លក្ខខណ្ឌ​ទូ​ទៅ​នេះ ត្រូវ​អនុ​វត្ត​ឱ្យ​ស្រប​តាម​ច្បាប់ គោល​ការណ៍ និង​នីតិ​វិធី​របស់​ប្រាសាក់ ។
    2. ​​ប្រសិនបើលក្ខខណ្ឌណាមួយនៅក្នុងលក្ខខណ្ឌទូទៅនេះ មិនអាចអនុវត្តបាន ឬគ្មានសុពលភាពស្របតាមផ្លូវច្បាប់ លក្ខខណ្ឌទាំងនោះនឹងអស់សុពលភាពត្រឹមកម្រិតដែលលក្ខខណ្ឌនោះមិនអាចអនុវត្តបាន ឬអសុពលភាពនៃលក្ខខណ្ឌនោះតែប៉ុណ្ណោះ ចំណែកលក្ខខណ្ឌផ្សេងៗទៀតនៃលក្ខខណ្ឌទូទៅនេះនៅតែបន្តមានសុពលភាពអនុវត្តដដែល ។
    3. ​រាល់​វិវាទ​ដែល​កើត​ចេញ​ពីការបក​ស្រាយ​ខ្លឹមសារ​ផ្សេង​គ្នា​រវាង​អតិថិជន (ម្ចាស់​​គណនី) និង​ប្រាសាក់​ គឺ​ត្រូវ​បក​ស្រាយ​ដោយ​អនុលោម​ទៅ​តាម​ច្បាប់​នៃ​ព្រះ​រាជា​ណា​ចក្រ​កម្ពុជា។
    4. ​រាល់​ផលិត​ផល និង​សេវា​កម្ម​ទាំង​អស់​របស់​ប្រាសាក់ ត្រូវ​អនុ​វត្ត​តាម​លក្ខខណ្ឌ​ទូ​ទៅ​នេះ ។ ក្នុង​ករណី​លក្ខខណ្ឌ​ទាំង​ឡាយណា​ ដែល​មាន​ចែង​នៅ​ក្នុង​លក្ខខណ្ឌ​ទូ​ទៅ​នេះ​ផ្ទុយ​ទៅ​នឹង​លក្ខខណ្ឌ​លម្អិត ឬ​លក្ខខណ្ឌ​ជាក់​លាក់​នៃ​ផលិត​ផលនី​មួយៗ នោះ​លក្ខខណ្ឌ​លម្អិត ឬ​លក្ខខណ្ឌ​ជាក់​លាក់​របស់​ផលិតផល​នោះ​ត្រូវ​យកជា​គោល ។
    5. លក្ខខណ្ឌ​ទូទៅ​នេះ​ត្រូវ​បាន​ធ្វើឡើង​ជា​ភាសា​ខែ្ម​រ​ ​និង​អង់គ្លេស​ ​។​ ​ករណី​មាន​ចំណុច​ណាមួយ​រវាង​អត្ថបទ​ទាំងពីរ​មានន័យ​មិន​ស្រប​ ​ឬ​មិនស៊ីគ្នា​ ​នោះ​អត្ថបទ​ជា​ភាសា​រ​ខែ្ម​រ​ចាត់ទុកជា​ផ្លូវការ​ ​។
  1. សេចក្តីផ្តើម
    1. លក្ខខណ្ឌ​នៃ​ការប្រើប្រាស់​សេវា​ធនាគារ​ចល័ត​ប្រា​សាក់​ ​តទៅ​ហៅថា​ ​«​លក្ខខណ្ឌ​ប្រើប្រាស់​»​ ​គឺជា​កិច្ចព្រមព្រៀង​រវាង​ ​លោក​-​លោកស្រី​ ​ជាមួយ​ ​គ្រឹះស្ថាន​មីក្រូ​ហិរញ្ញវត្ថុ​ប្រា​សាក់​ ​ម​.​ក​ ​តទៅ​ហៅថា​ ​«​ប្រា​សាក់​»​ ​ទាក់ទង​ទៅ​នឹង​ការប្រើប្រាស់​សេវា​ធនាគារ​ចល័ត​ប្រា​សាក់​ ​។
    2. ​សូម​ ​លោក​-​លោកស្រី​ ​អាន​ ​លក្ខខណ្ឌ​ប្រើប្រាស់​ ​នេះ​ដោយ​ប្រុងប្រយ័ត្ន​ ​មុននឹង​ចុច​ ​«​យល់ព្រម​»​ ​ដើម្បី​បន្ត​ចុះឈ្មោះ​ប្រើប្រាស់​សេវា​ធនាគារ​ចល័ត​ប្រា​សាក់​ ​។
    3. នៅ​ពេល​ ​លោក​-​លោកស្រី​ ​បាន​ចុច​ ​«​យល់ព្រម​»​ ​មានន័យ​ថា​ ​លោក​-​លោកស្រី​ ​បាន​អាន​ ​បាន​យល់​ ​និង​ព្រម​អនុវត្ត​នូវ​គ្រប់​លក្ខខណ្ឌ​ដែល​បាន​ចែង​នៅ​ក្នុង​លក្ខខណ្ឌ​ប្រើប្រាស់​នេះ​ ​ព្រមទាំង​លក្ខខណ្ឌ​ទូទៅ​នៃ​ការប្រើប្រាស់​ផលិតផល​ ​និង​សេវាកម្ម​ប្រា​សាក់​ ​ហើយ​ ​លោក​-​លោកស្រី​ ​យល់ព្រម​ទទួលខុសត្រូវ​លើ​ការប្រើប្រាស់​សេវា​ធនាគារ​ចល័ត​ប្រា​សាក់​ ​។
  2. និយមន័យនៃពាក្យគន្លឹះ
    ពាក្យ​ ​«​លោក​-​លោកស្រី​»៖​​​ សំដៅ​ដល់​អតិថិជន​ជា​ ​ម្ចាស់​គណនី​ ​ដែល​បាន​ចុះឈ្មោះ​ប្រើប្រាស់​សេវា​ធនាគារ​ចល័ត​ប្រា​សាក់​ ​។
    ​សេវា​ធនាគារ​ចល័ត​ប្រា​សាក់​៖​​​ សំដៅ​លើ​ ​កម្មវិធី​សេវា​ធនាគារ​ចល័ត​ប្រា​សាក់​ ​ដែល​អនុញ្ញាត​ឱ្យ ​លោក​-​លោកស្រី​អាច​ធ្វើការ​ចុះឈ្មោះ​ប្រើប្រាស់​ ​និង​អាច​ធ្វើ​ប្រតិបត្តិការ​ហិរញ្ញវត្ថុ​លើ​គណនី​របស់​ខ្លួន​បាន​ដោយ​សុវត្ថិភាព​ ​នៅ​គ្រប់​ទីកន្លែង​ ​និង​គ្រប់ពេល​វេលា​ (24/7) ​ដែល​ប្រតិបត្តិការ​រួម​មាន​៖​ ​ផ្ទេរ​ប្រាក់​ ​ទូទាត់​វិក្កយបត្រ​ ​ទិញ​កាត​ទូរស័ព្ទ​ ​ទូទាត់​ទំនិញ​/​សេវាកម្ម​ ​ពិនិត្យ​ព័ត៌មាន​គណនី​ ​ឬ​ ​បើក​គណនី​បញ្ញើ​មានកាល​កំណត់​ ​។​ល​។
    គណនី​៖​​​ សំដៅ​លើ​គណនី​ប្រាក់​បញ្ញើ​សន្សំ​ទាំងឡាយ​ណា​ដែល​ ​លោក​-​លោកស្រី​បាន​បើក​ជាមួយ​ប្រា​សាក់​អាច​ជា​៖​ ​គណនី​សន្សំ​ ​ឬ​ ​គណនី​ចម្រើន​គ្មាន​កាល​កំណត់​ ​ឬ​ ​គណនី​ចម្រើន​តាមលំដាប់​ ​ឬ​ ​គណនី​បើកប្រាក់​បៀវត្ស​ ​។​ល​។
    ​លេខ​កូ​ដ​សម្ងាត់​ (​P​IN​)៖​​​ គឺជា​លេខ​កូ​ដ​សម្ងាត់​ផ្ទាល់ខ្លួន​ចំនួន​ 06 ​ខ្ទង់​ (​ជា​លេខ​សុទ្ធ​) ​ដែល​ត្រូវ​បាន​កំណត់​ដោយ​ផ្ទាល់​ពី​ ​លោក​-​លោកស្រី​ ​នៅ​ពេល​ចុះឈ្មោះ​ប្រើប្រាស់​កម្មវិធី​សេវា​ធនាគារ​ចល័ត​ប្រា​សាក់​ ​។​ ​លេខ​កូ​ដ​សម្ងាត់​នេះ​ ​ប្រើ​ដើម្បី​ចូល​ទៅ​ប្រើប្រាស់​ (​Log​in​) ​កម្មវិធី​សេវា​ធនាគារ​ចល័ត​ប្រា​សាក់​ ​។
    ​Dynamic​ ​Code៖​​​ អាច​ហៅថា​ ​One​ ​Time​ ​Password​ (O​T​P​) ​ជា​លេខ​កូ​ដ​សម្ងាត់​ចំនួន​ 06 ​ខ្ទង់​ ​ផ្សេង​មួយទៀត​ ​ដែល​ត្រូវ​បាន​បង្កើត​ឡើង​ដោយស្វ័យប្រវត្តិ​ពី​ប្រព័ន្ធ​ ​និង​ត្រូវ​បាន​ផ្ញើ​សារ​ទៅកាន់​លេខ​ទូរស័ព្ទ​ ​របស់​លោក​-​លោកស្រី​ ​ដើម្បី​អនុម័ត​លើ​ការ​ចុះឈ្មោះ​ប្រើប្រាស់​កម្មវិធី​សេវា​ធនាគារ​ចល័ត​ប្រា​សាក់​ ​ឬ​ការ​ធ្វើ​ប្រតិបត្តិការ​ហិរញ្ញវត្ថុ​ផ្សេងៗ​តាមរយៈ​កម្មវិធី​សេវា​ធនាគារ​ចល័ត​ប្រា​សាក់​ ​។ ​លេខ​កូ​ដ​ O​T​P​ ​នេះ​មាន​សុពលភាព​ប្រើប្រាស់​បាន​តែមួយដង​ ​ឬ​ ​មួយ​ប្រតិបត្តិការ​គត់​ ​និង​អស់​សុពលភាព​ក្រោយ​ពី​បាន​បង្កើត​ឡើង​ក្នុងរយៈពេល​ត្រឹម​ 01 ​នាទី​ ​។
    ​ការ​ស្កេន​ស្នាម​ខ្ចៅដៃ​/​ផ្ទៃមុខ៖​​​ សំដៅ​ដល់​ប្រព័ន្ធ​សុវត្ថិភាព​នៃ​ការ​ស្កេន​ស្នាម​ខ្ចៅដៃ​ ​ឬ​ ​ផ្ទៃមុខ​នៅ​លើ​ទូរស័ព្ទ​ចល័ត​ (​Fingerprint​ / ​Facial​ ​Recognition​) ​សម្រាប់​បញ្ជាក់​អត្តសញ្ញាណ​អតិថិជន​ ​នៅ​ពេល​ចូល​ប្រើ​ទូរស័ព្ទ​ ​ឬ​ ​កម្មវិធី​សេវា​ធនាគារ​ចល័ត​ប្រា​សាក់​បន្ថែម​ពីលើ​ការប្រើប្រាស់​ ​លេខ​កូ​ដ​សម្ងាត់​ (​P​IN​) ​។​ ​លោក​-​លោកស្រី​ ​អាច​កំណត់​ការ​ចូល​ប្រើប្រាស់​កម្ម​វី​ធី​សេវា​ធនាគារ​ចល័ត​ប្រា​សាក់​ដោយ​ប្រើការ​ស្កេន​ស្នាម​ខ្ចៅដៃ​/​ផ្ទៃមុខ​ ​លុះត្រាតែ​ ​លោក​-​លោកស្រី​ ​បាន​កំណត់​ ​លក្ខខណ្ឌ​សុវត្ថិភាព​នេះ​នៅ​ពេល​ចូល​ប្រើប្រាស់​ទូរស័ព្ទ​ចល័ត​របស់​ ​លោក​-​លោកស្រី​ ​ជាមុន​ ​។
    QR ​Code​៖​​​ ជា​ QR (​Quick​ ​Response​ ​code​) ​តំណាង​ឱ្យ​លេខ​គណនី​របស់​ ​លោក​-​លោកស្រី​ ​ឬ​ ​ភាគី​ផ្សេងទៀត​ប្រើប្រាស់​សម្រាប់​ទទួល​ប្រាក់​ ​ឬ​ ​ទូទាត់​ថ្លៃ​ទំនិញ​/​សេវាកម្ម​តាមរយៈ​មុខងារ​ស្កេន​ QR ​Code​ ​។
    ​ផ្ទេរ​ប្រាក់​តាម​លេខ​កូ​ដ​សម្ងាត់​​៖​​​ ជា​ប្រតិបត្តិការ​ផ្ទេរ​ប្រាក់​ពី​ ​គណនី​ ​ទៅ​ ​លេខ​ទូរស័ព្ទ​ ​ហើយ​ទទួល​បាន​លេខ​កូ​ដ​ចំនួន​ 06 ​ខ្ទង់​ ​ដើម្បី​យកទៅ​ដកប្រាក់​តាម​ទូ​អេ​ធី​អឹ​ម​ ​ឬ​ ​ម៉ាស៊ីន​ឆូត​កាត​ប្រា​សាក់​ (​មិន​តម្រូវ​ប្រើ​ប័ណ្ណ​អេ​ធី​អឹ​ម​) ​។
    ​របាយការណ៍​គណនី​ (​Statement​)៖​​​ សំដៅ​លើ​កំណត់​ត្រា​នៃ​ប្រតិបត្តិការ​ចេញ​ ​ឬ​ ​ចូល​ទំា​ង​ឡាយ​នៅ​ក្នុង​គណនី​ ​ដែល​លោក​-​លោកស្រី​អាច​ពិនិត្យ​តាមរយៈ​កម្មវិធី​សេវា​ធនាគារ​ចល័ត​ប្រា​សាក់​ ​។
    ករណី​ប្រធានសក្តិ​​៖​​​ សំដៅ​លើ​អំពើ​ទាំងឡាយ​ណា​ ​ដែល​កើតឡើង​ក្រៅពី​ឆន្ទៈ​ ​ដោយ​មិន​អាច​ប៉ាន់ស្មាន​ជាមុន​ ​និង​មិន​អាច​ជំនះ​បាន​ ​ឬ​ ​ដែល​មិន​អនុញ្ញាត​ឱ្យ​ភាគី​ណាមួយ​ ​ឬ​ ​ទាំងពីរ​អាចប​ន្ត​បំពេញ​កាតព្វកិច្ច​របស់​ខ្លួន​ជាប្រក្រតី​បាន​ដូចជា​៖​ ​បន្ទុះ​ភ្នំភ្លើង​ ​ទឹកជំនន់​ ​គ្រោះ​រញ្ជួយ​ដី​ ​ព្យុះសង្ឃរា​ ​ភេរវកម្ម​ ​កុបកម្ម​ ​សង្គ្រាម​ ​។​ល​។
  3. ​ប្រភេទ​មុខងារ​សំខាន់​ៗ​នៃ​កម្មវិធី​សេវា​ធនាគារ​ចល័ត​ប្រា​សាក់
    • ផ្ទេរ​ប្រាក់​រវាង​ ​គណនី​ប្រា​សាក់​ ​ទៅ​/​មក​ ​គណនី​ប្រា​សាក់
    • ផ្ទេរ​ប្រាក់​ពី​គណនី​ប្រា​សាក់​ ​ទៅ​ ​គណនី​បាគង​ (​ក្នុង​គ្រឹះស្ថាន​តែមួយ​ ​ឬ​ ​ឆ្លង​គ្រឹះស្ថាន​ធនាគារ​និង​ហិរញ្ញវត្ថុ​)
    • ផ្ទេរ​ប្រាក់​ពី​ ​គណនី​ប្រា​សាក់​ ​ទៅ​ ​គណនី​ធនាគារ​ ​ឆ្លង​គ្រឹះស្ថាន​ធនាគារ​និង​ហិរញ្ញវត្ថុ​ ​តាម​ប្រព័ន្ធ​បាគង​ ​ឬ​ ​ប្រព័ន្ធ​រី​ធែ​ល​ផេ
    • ​ផ្ទេរ​ប្រាក់​ពី​ ​គណនី​ប្រា​សាក់​ ​ទៅ​ ​លេខ​ទូរស័ព្ទ​ ​ឆ្លង​គ្រឹះស្ថាន​ធនាគារ​និង​ហិរញ្ញវត្ថុ​ ​តាម​ប្រព័ន្ធ​រី​ធែ​ល​ផេ
    • ផ្ទេរ​ប្រាក់​តាម​លេខ​កូ​ដ​សម្ងាត់
    • ទូទាត់​វិក្កយបត្រ​ទឹក​ ​ភ្លើង​ ​សំរាម​ ​ថ្លៃ​សិក្សា​ ​។​ល​។
    • បញ្ចូល​ទឹកប្រាក់​ក្នុង​ទូរស័ព្ទ​ដៃ
    • បើក​គណនី​បញ្ញើ​មានកាល​កំណត់
    • កំណត់កាល​វិភាគ​ផ្ទេរ​ប្រាក់​ ​និង​ ​ទូទាត់​វិក្កយបត្រ
    • ទូទាត់​ទំនិញ​ / ​សេវាកម្ម​តាមរយៈ​ការ​ស្កេន​ QR ​Code​ / K​H​QR ​Code​ (​ក្នុង​គ្រឹះស្ថាន​តែមួយ​ ​ឬ​ ​ឆ្លង​គ្រឹះស្ថាន​ធនាគារ​ ​និង​ហិរញ្ញវត្ថុ​)
    • ​ពិនិត្យ​សមតុល្យ​គណនី​ ​ឬ​ ​របាយការណ៍​គណនី​
    • ពិនិត្យ​ព័ត៌មាន​គណនី​បញ្ញើ​មានកាល​កំណត់​ ​និង​ព័ត៌មាន​ក​ម្ចី
    • ពិនិត្យ​អត្រា​ប្តូរ​ប្រាក់​
    • ​បង្ខាំង​ ​ឬ​ ​ដោះ​បង្ខាំង​ប័ណ្ណ​អេ​ធី​អឹ​ម​
    • ​ប្តូរ​លេខ​កូ​ដ​សម្ងាត់​ (​P​IN​) ​សម្រាប់​ចូល​ប្រើប្រាស់​កម្មវិធី​សេវា​ធនាគារ​ចល័ត​
    • កំណត់​លេខ​កូ​ដ​សម្ងាត់​ថ្មី​ ​ករណី​ភ្លេច​
    • ​ពិនិត្យ​ទីតាំង​ម៉ាស៊ីន​អេ​ធី​អឹ​ម​ ​និង​សាខា​ប្រា​សាក់​
    • ​បង្កើត​ទម្រង់​ផ្ទេរ​ប្រាក់​ ​និង​ ​ទូទាត់​វិក្កយបត្រ​
    • ​ព័ត៌មាន​ផ្សេងៗ​ ​ឬ​ ​ប្រតិបត្តិការ​ថ្មីៗ​ ​ដែល​អាច​នឹង​ដាក់​ឱ្យ​ប្រើប្រាស់​នា​ពេល​អនាគត​ ​។​ល​។
  4. ការ​ចុះឈ្មោះ​ប្រើប្រាស់​កម្មវិធី​សេវា​ធនាគារ​ចល័ត​ប្រា​សាក់
    1. លក្ខខណ្ឌ​តម្រូវ​នៃ​ការ​ចុះឈ្មោះ​ប្រើប្រាស់
      ក​) ជា​អតិថិជន​ឯកត្តជន​ (​Individual​) ​ដែល​មាន​អាយុ​ចាប់ពី​ 16 ​ឆ្នាំ​ ​ឡើង​ទៅ​
      ខ​) មាន​គណនី​ប្រាក់​បញ្ញើ​សន្សំ​នៅ​ប្រា​សាក់​​​
      គ​) មាន​ទូរស័ព្ទ​ចល័ត​ឆ្លាតវៃ​ (​Smart​ ​Phone​) ​ដែល​ប្រតិបត្តិ​ដោយ​ប្រព័ន្ធ​ ​i​OS ​ឬ​ ​And​ro​i​d​ ​និង​លេខ​ទូរស័ព្ទ​ប្រើប្រាស់​ជា​កម្មសិទ្ធិ​ផ្ទាល់ខ្លួន​ ​ហើយ​ទូរស័ព្ទ​ ​និង​លេខ​ទូរស័ព្ទ​នេះ​ត្រូវ​នៅ​ជាមួយគ្នា​
      ឃ​) ត្រូវ​ដំឡើង​ ​កម្មវិធី​សេវា​ធនាគារ​ចល័ត​ប្រា​សាក់​ (​P​R​A​SAC​ ​Mobile​ ​Banking​ ​application​) ​នៅ​លើ​ទូរស័ព្ទ​ជាមួយ​លេខ​ទូរស័ព្ទ​ដែល​មាន​សុពលភាព​ ​និង​ជា​លេខ​ដែល​បាន​ផ្តល់​មក​ប្រា​សាក់​ពេល​ស្នើសុំ​បើក​គណនី​
      ង​) ​ត្រូវ​បញ្ចូល​ព័ត៌មាន​ចាំបាច់​មួយ​ចំនួន​រួម​មាន​ ​លេខ​គណនី​ ​ថ្ងៃខែ​ឆ្នាំ​កំណើត​ ​និង​ ​លេខ​ទូរស័ព្ទ​ ឱ្យ​បាន​ត្រឹមត្រូវ​ទៅតាម​នីតិវិធី​តម្រូវ​នៃ​ប្រព័ន្ធ​សម្រាប់​ការ​ចុះឈ្មោះ​ប្រើប្រាស់​​​
      ច​) ត្រូវ​កំណត់​ ​លេខ​កូ​ដ​សម្ងាត់​ (​P​IN​) ​ផ្ទាល់ខ្លួន​ ​ចំនួន​ 06 ​ខ្ទង់​ ​សម្រាប់​ចូល​ប្រើប្រាស់​ (​Log​in​) ​កម្មវិធី​សេវា​ធនាគារ​ចល័ត​ប្រា​សាក់​ដោយខ្លួនឯង​ ​និង​/​ឬ​ ​អាច​កំណត់​ការ​ ​ស្កេន​ស្នាម​ខ្ចៅដៃ​/​ផ្ទៃមុខ​ (​Fingerprint​ /​Facial​ ​Recognition​) ​ដើម្បី​បង្កើន​សុវត្ថិភាព​នៃ​ការ​ចូល​ប្រើប្រាស់​កម្មវិធី​សេវា​ធនាគារ​ចល័ត​ប្រា​សាក់​​
      ឆ​) ​ត្រូវ​យល់ព្រម​គោរព​តាម​ ​លក្ខខណ្ឌ​នៃ​ការប្រើប្រាស់​សេវា​ធនាគារ​ចល័ត​ប្រា​សាក់​ ​នេះ​ ​។​
    2. នៅ​ក្នុង​ដំណើរការ​នៃ​ការ​ចុះឈ្មោះ​ប្រើប្រាស់​កម្មវិធី​សេវា​ធនាគារ​ចល័ត​ប្រា​សាក់​ ​តាមរយៈ​ទូរស័ព្ទ​ចល័ត​ ​លោក​-​លោកស្រី​ ​នឹង​ទទួល​បាន​ ​លេខ​កូ​ដ​ ​One​-​Time​ ​Password​ (O​T​P​) ​ចំនួន​ 06 ​ខ្ទង់​ ​ដែល​ប្រព័ន្ធ​នឹង​ផ្ញើ​ចូល​ទៅកាន់​ប្រអប់​សារលេខ​ទូរស័ព្ទ​ចល័ត​របស់​ ​លោក​-​លោកស្រី​ ​ដែល​ផ្តល់​មក​ប្រា​សាក់​ចុងក្រោយបំផុត​ ​ដើម្បី​អនុម័ត​លើ​ប្រតិបត្តិការ​នៃ​ការ​ស្នើសុំ​ចុះឈ្មោះ​ប្រើប្រាស់​កម្មវិធី​សេវា​ធនាគារ​ចល័ត​តាមរយៈ​ទូរស័ព្ទ​ចល័ត​ ​។
    3. បន្ទាប់ពី​បាន​ចុះឈ្មោះ​ប្រើប្រាស់​កម្មវិធី​សេវា​ធនាគារ​ចល័ត​ប្រា​សាក់​ជោគជ័យ​ ​លោក​-​លោកស្រី​ ​អាច​ប្រើប្រាស់​កម្មវិធី​សេវា​ធនាគារ​ចល័ត​ប្រា​សាក់​ ​ដើម្បី​ធ្វើ​គ្រប់​ប្រតិបត្តិការ​ហិរញ្ញវត្ថុ​ជាមួយនឹង​គណនី​ប្រាក់​បញ្ញើ​សន្សំ​ ​ដែល​ ​លោក​-​លោកស្រី​ ​ប្រើ​ដើម្បី​ចុះឈ្មោះ​ប្រើប្រាស់​កម្មវិធី​សេវា​ធនាគារ​ចល័ត​ ​។
    4. រាល់​ការ​ចូល​ប្រើប្រាស់​ (​Log​in​) ​កម្មវិធី​សេវា​ធនាគារ​ចល័ត​ប្រា​សាក់​ ​លោក​-​លោកស្រី​ ​អាច​ប្រើ​លេខ​ទូរស័ព្ទ​ (​លេខ​ទូរស័ព្ទ​ចុងក្រោយបំផុត​ដែល​ផ្តល់​មក​ប្រា​សាក់​) ​ធ្វើជា​ ​អត្តលេខ​អ្នកប្រើប្រាស់​ (​User​ ​I​D​) ​និង​ ​លេខ​កូ​ដ​សម្ងាត់​ (​P​IN​) ​ចំនួន​ 06 ​ខ្ទង់​ ​ឬ​ ​ការ​ស្កេន​ស្នាម​ខ្ចៅដៃ​/​ផ្ទៃមុខ​ (​Fingerprint​/​Facial​ ​Recognition​) ​ដែល​លោក​-​លោកស្រី​ ​បាន​កំណត់​ដោយខ្លួនឯង​នៅ​ពេល​ចុះឈ្មោះ​ប្រើប្រាស់​កម្មវិធី​សេវា​ធនាគារ​ចល័ត​ប្រា​សាក់​ ​។
  5. លក្ខខណ្ឌ​ប្រើប្រាស់​គណនី​ភ្ជាប់​កម្មវិធី​សេវា​ធនាគារ​ចល័ត​ប្រា​សាក់
    1. ​លក្ខខណ្ឌ​គណនី​ភ្ជាប់​កម្មវិធី​សេវា​ធនាគារ​ចល័ត​ប្រា​សាក់
      1. ក​ម្រិ​ត​សិទ្ធិ​ប្រើប្រាស់​គណនី​ភ្ជាប់​កម្មវិធី​សេវា​ធនាគារ​ចល័ត​ប្រា​សាក់​ចែកចេញជា​ 02 ​ប្រភេទ​ ​គឺ​ ​៖
        • ក​ម្រិ​ត​សិទ្ធិ​ ​«​ពេញលេញ​ / ​Full​ ​Access​»​៖​ ​ជា​ក​ម្រិ​ត​សិទ្ធិ​នៃ​ការប្រើប្រាស់​គណនី​នៅ​ក្នុង​កម្មវិធី​សេវា​ធនាគារ​ចល័ត​ប្រា​សាក់​ដែល​អនុញ្ញាត​ឱ្យ ​លោក​-​លោកស្រី​ ​អាច​ធ្វើ​ប្រតិបត្តិការ​ហិរញ្ញវត្ថុ​បាន​គ្រប់មុខ​ងារ​ប្រតិបត្តិការ​ (​ផ្ទេរ​ប្រាក់​/​ទូទាត់​…) ​និង​ពិនិត្យ​ព័ត៌មាន​គណនី​ ​ក​ម្ចី ​អត្រា​ប្តូរ​ប្រាក់​ ​ឬ​ ​ព័ត៌មាន​ផ្សេងៗ​ ​។
        • ​ក​ម្រិ​ត​សិទ្ធិ​ ​«​ពិនិត្យ​ព័ត៌មាន​ / ​View​ ​Only​»​៖​ ​ជា​ក​ម្រិ​ត​សិទ្ធិ​នៃ​ការប្រើប្រាស់​គណនី​នៅ​ក្នុង​កម្មវិធី​សេវា​ធនាគារ​ចល័ត​ប្រា​សាក់​ ​ដែល​អនុញ្ញាត​ឱ្យ ​លោក​-​លោកស្រី​ ​មាន​សិទ្ធិ​ត្រឹមតែ​ពិនិត្យ​ព័ត៌មាន​គណនី​ក​ម្ចី ​អត្រា​ប្តូរ​ប្រាក់​ ​ឬ​ ​ព័ត៌មាន​ផ្សេងៗ​ ​ដោយ​មិន​អាច​ធ្វើ​ប្រតិបត្តិការ​ហិរញ្ញវត្ថុ​ (​ផ្ទេរ​ប្រាក់​/​ទូទាត់​…) ​បាន​ឡើយ​ ​។
      2. គណនី​ផ្ទាល់ខ្លួន​ (​Single​ ​Account​) ​ដែល​ ​លោក​- ​លោកស្រី​ ​បាន​ប្រើប្រាស់​ដើម្បី​ធ្វើការ​ចុះឈ្មោះ​ប្រើប្រាស់​កម្មវិធី​សេវា​ធនាគារ​ចល័ត​ប្រា​សាក់​ ​នឹង​ត្រូវ​បាន​កំណត់​ក​ម្រិ​ត​សិទ្ធិ​ប្រើប្រាស់​គណនី​ ​«​ពេញលេញ​ / ​Full​ ​Access​»​ ​ដោយស្វ័យប្រវត្តិ​ពី​ប្រព័ន្ធ​ ​។
      3. ​ករណី​ ​លោក​-​លោកស្រី​ ​ចង់​ប្តូរ​ក​ម្រិ​ត​សិទ្ធិ​ប្រើប្រាស់​គណនី​ពី​ ​«​ពេញលេញ​ / ​Full​ ​Access​»​ ​ទៅ​/​មក​ ​«​ពិនិត្យ​ព័ត៌មាន​ / ​View​ ​Only​»​ ​លោក​-​លោកស្រី​ ​អាច​ស្នើសុំ​ប្តូរ​ក​ម្រិ​ត​សិទ្ធិ​ប្រើប្រាស់​ជាលា​យ​​លក្ខណ៍​អក្សរ​នៅ​តាម​សាខា​ប្រា​សាក់​ណាមួយ​ដែល​នៅ​ជិត​បំផុត​ ​។
      4. ករណី​ ​លោក​-​លោកស្រី​ ​មានបំណង​ចង់​ភ្ជាប់​គណនី​បន្ថែម​ទៅ​ក្នុង​កម្មវិធី​សេវា​ធនាគារ​ចល័ត​ប្រា​សាក់ ​នោះ​លោក​-​លោកស្រី​ ​អាច​ធ្វើការ​ភ្ជាប់​គណនី​បន្ថែម​បាន​ដោយខ្លួនឯង​តាមរយៈ​កម្មវិធី​សេវា​ធនាគារ​ចល័ត​ប្រា​សាក់​ ​ដោយ​ត្រូវ​អនុវត្ត​តាម​នីតិវិធី​តម្រូវ​ពី​ប្រព័ន្ធ​ ​ឬ​ ​ត្រូវ​ស្នើសុំ​ជាលាយលក្ខណ៍អក្សរ​មកកាន់​សាខា​ប្រា​សាក់​ណាមួយ​ដែល​នៅ​ជិត​ ​លោក​-​លោកស្រី​ ​។
      5. ករណី​ស្នើសុំ​ភ្ជាប់​ ​គណនី​ឯកត្តជន​រួម​ (​Joint Account​) ​ទៅ​ក្នុង​កម្មវិធី​សេវា​ធនាគារ​ចល័ត​ប្រា​សាក់ លោក​-​លោកស្រី​អាច​ស្នើសុំ​ភ្ជាប់​បាន​ជាលាយលក្ខណ៍អក្សរ​នៅ​តាម​សាខា​ប្រា​សាក់​ណាមួយ​ដែល​នៅ​ជិត​បំផុត​ ​។
      6. គណនី​បញ្ញើ​មានកាល​កំណត់​ (​Term​ ​Deposit Account​) ​នឹង​ត្រូវ​បាន​ភ្ជាប់​ដោយស្វ័យប្រវត្តិ​ទៅ​ក្នុង​កម្មវិធី​សេវា​ធនាគារ​ចល័ត​ប្រា​សាក់​ ​ក្នុង​ករណី​ ​គណនី​ប្រភព​ ​ត្រូវ​បាន​ភ្ជាប់​នៅ​ក្នុង​កម្មវិធី​សេវា​ធនាគារ​ចល័ត​ ​។
      7. គណនី​ក​ម្ចី (​Loan​ ​Account​) ​ត្រូវ​បាន​ភ្ជាប់​ដោយស្វ័យប្រវត្តិ​ទៅ​ក្នុង​កម្មវិធី​សេវា​ធនាគារ​ចល័ត​ប្រា​សាក់​ ​ករណី​អ្នក​ឈរឈ្មោះ​ខ្ចី​ ​បាន​ចុះឈ្មោះ​ប្រើប្រាស់​កម្មវិធី​សេវា​ធនាគារ​ចល័ត​ប្រា​សាក់​ ​។
    2. លក្ខខណ្ឌ​ដក​គណនី​ភ្ជាប់​កម្មវិធី​សេវា​ធនាគារ​ចល័ត​ប្រា​សាក់

      3. ​លោក​-​លោកស្រី​ ​អាច​ធ្វើការ​ដកចេញ​នូវ​គណនី​ដែល​ភ្ជាប់​ជាមួយ​កម្មវិធី​សេវា​ធនាគារ​ចល័ត​ប្រា​សាក់​បាន​ដោយខ្លួនឯង​តាមរយៈ​ទូរស័ព្ទ​ ​ដោយ​ត្រូវ​អនុវត្ត​តាម​នីតិវិធី​តម្រូវ​ពី​ប្រព័ន្ធ​ ​ឬ​ ​ត្រូវ​ស្នើសុំ​ជាលាយលក្ខណ៍អក្សរ​នៅ​សាខា​ប្រា​សាក់​ណាមួយ​ដែល​នៅ​ជិត​ ​លោក​-​លោកស្រី​ ​។

  6. ម៉ោង​ប្រតិបត្តិការ
    1. ​លោក​-​លោកស្រី​ ​អាច​ធ្វើ​ប្រតិបត្តិការ​តាមរយៈ​កម្មវិធី​សេវា​ធនាគារ​ចល័ត​ប្រា​សាក់​បាន​ 24 ​ម៉ោង​ ​ជា​ប្រចាំថ្ងៃ​ (24/7) ​លើកលែងតែ​មានការ​ផ្អាក​ជា​បណ្តោះអាសន្ន​ដោយមាន​ការ​ជូនដំណឹង​ពី​ប្រា​សាក់​ ​។
    2. ​ប្រា​សាក់​នឹង​ធ្វើការ​ជូនដំណឹង​ដល់​ ​លោក​-​លោកស្រី​ ​ករណី​មានការ​ផ្អាក​ប្រតិបត្តិការ​ដើម្បី​ជួសជុល​ ​ឬ​ ​ធ្វើ​បច្ចុប្បន្ន​ភាព​ប្រព័ន្ធ​ ​។
    3. ​ប្រា​សាក់​ ​រក្សាសិទ្ធិ​ក្នុង​ការ​ផ្អាក​ប្រតិបត្តិការ​ពេល​មាន​បញ្ហា​ផ្សេងៗ​ ​ឬ​ ​ពេល​មាន​ការចាំបាច់​ណាមួយ​ ​។
  7. ​រូបិយប័ណ្ណ​ ​និង​ ​អ​តា្រ​ប្តូរ​ប្រាក់
    1. លោក​-​លោកស្រី​ ​អាច​ធ្វើ​ប្រតិបត្តិការ​តាមរយៈ​កម្មវិធី​សេវា​ធនាគារ​ចល័ត​ប្រា​សាក់​ជាមួយ​រូបិយប័ណ្ណ​ចំនួន​ 02 (​ពីរ​) ​ប្រភេទ​ ​រួម​មាន​៖
      • ប្រាក់​រៀល​ (K​H​R) ​និង
      • ​ប្រាក់ដុល្លារ​អាមេរិក​ (​US​D​)
    2. រាល់​ប្រតិបត្តិការ​ឆ្លង​រូបិយប័ណ្ណ​ ​អត្រា​ប្ដូរ​ប្រាក់​ត្រូវ​យោងទៅតាម​អត្រា​ប្តូរ​ប្រាក់​ជាក់ស្តែង​របស់​ប្រា​សាក់​នៅ​ក្នុង​ថ្ងៃ​ ​និង​ម៉ោង​នៃ​ការ​ធ្វើ​ប្រតិបត្តិការ​ ​ឬ​ ​យោង​តាម​អត្រា​ប្តូរ​ប្រាក់​នៃ​ធនាគារ​អ្នកទទួល​ផល​ ​ករណី​ផ្ទេរ​ឆ្លង​រូបិយប័ណ្ណ​ទៅ​គ្រឹះស្ថាន​ធនាគារ​ ​និង​ហិរញ្ញវត្ថុ​ផ្សេង​ ​។
  8. ទំហំ​កំណត់​នៃ​ប្រតិបត្តិការ​ ​និង​ ​ក​ម្រៃ​សេវា
    1. លោក​-​លោកស្រី​ ​អាច​ធ្វើ​ប្រតិបត្តិការ​ហិរញ្ញវត្ថុ​បាន​នៅ​ពេលណា​ដែល​គណនី​របស់​ ​លោក​-​លោកស្រី​ ​មាន​សមតុល្យ​គ្រប់គ្រាន់​ ​និង​ត្រូវ​គោរព​ទៅតាម​ទំហំ​កំណត់​ដោយ​ប្រា​សាក់​ ​។
    2. ​លោក​-​លោកស្រី​ ​យល់ព្រម​ ​បង់ក​ម្រៃ​សេវា​ផ្សេងៗ​ ​ពាក់ព័ន្ធ​ទៅ​នឹង​ការប្រើប្រាស់​ ​និង​/​ឬ​ ​ធ្វើ​ប្រតិបត្តិការ​តាមរយៈ​កម្មវិធី​សេវា​ធនាគារ​ចល័ត​ប្រា​សាក់​ ​ព្រមទាំង​យល់ព្រម​ឱ្យ​ប្រា​សាក់​ទូទាត់​ក​ម្រៃ​សេវា​ដោយ​ផ្ទាល់​ចេញពី​គណនី​របស់​ ​លោក​-​លោកស្រី​ ​ដោយ​ពុំ​ចាំបាច់​ធ្វើការ​ជូនដំណឹង​ជាមុន​ឡើយ​ ​។
    3. លោក​-​លោកស្រី​ ​អាច​ស្វែងរក​ព័ត៌មាន​ស្តីពី​ ​ក​ម្រៃ​សេវា​ ​និង​/​ឬ​ ​ទំហំ​កំណត់​ក្នុង​មួយ​ប្រតិបត្តិការ​ ​និង​ក្នុងមួយថ្ងៃ​ ​ទៅតាម​ប្រភេទ​ប្រតិបត្តិការ​នីមួយៗ​ ​នៅ​លើ​គេហទំព័រ​ផ្លូវការ​របស់​ប្រា​សាក់​ ​និង​/​ឬ​ ​គ្រប់​សាខា​ប្រា​សាក់​ និង​/​ឬ​ ​កម្មវិធី​សេវា​ធនាគារ​ចល័ត​ប្រា​សាក់​ ​។
  9. សារ​ជូនដំណឹង​ស្តីពី​ប្រតិបត្តិការ​កើតឡើង​ក្នុង​គណនី​ (​Push​ ​Notification​)

    10. ​លោក​-​លោកស្រី​ ​នឹង​ទទួល​បាន​សារ​ជូនដំណឹង​តាមរយៈ​កម្មវិធី​សេវា​ធនាគារ​ចល័ត​ប្រា​សាក់​ (​Push​ ​Notification​) ​ស្តី​អំពី​ប្រតិបត្តិការ​ហិរញ្ញវត្ថុ​ដែល​បាន​កើតឡើង​នៅ​ក្នុង​គណនី​របស់​លោក​-​លោកស្រី​ ​លើកលែងតែ​មាន​ភាព​រអាក់រអួល​ពី​ប្រព័ន្ធ​ ​។

  10. លក្ខណៈ​ពិសេស​ផ្សេងៗ​ពី​ប្រតិបត្តិការ​តាមរយៈ​កម្មវិធី​សេវា​ធនាគារ​ចល័ត​ប្រា​សាក់
    1. ​រាល់​ការ​បញ្ចូល​លេខ​កូ​ដ​សម្ងាត់​ (​P​IN​) ​ឬ​ ​លេខ​កូ​ដ​ O​T​P​ ​ខុស​ 03 ​ដង​ ​នោះ​កម្មវិធី​សេវា​ធនាគារ​ចល័ត​ ​ប្រា​សាក់​នឹង​ត្រូវ​បាន​បង្ខាំង​ដោយស្វ័យប្រវត្តិ​ ​។​ ​លោក​-​លោកស្រី​ ​អាច​ទាក់ទង​មក​ប្រា​សាក់​តាមរយៈ​លេខ​ 023/086 999 911 ​ឬ​ ​អញ្ជើញ​មក​សាខា​ប្រា​សាក់​ណាមួយ​ដើម្បី​ស្នើសុំ​ដោះ​បង្ខាំង​ ​។
    2. រាល់​ការ​បញ្ចូល​ព័ត៌មាន​ ​ដើម្បី​ចុះឈ្មោះ​ប្រើប្រាស់​កម្មវិធី​សេវា​ធនាគារ​ចល័ត​ប្រា​សាក់​ (On​line​ ​Self​-​Registration​) ​ឬ​ ​ការកំណត់​លេខ​កូ​ដ​សម្ងាត់​ថ្មី​ (​Self​ ​P​IN​ ​Reset​) ​ខុស​ចំនួន​ 03 ​ដង​ ​នោះ​មុខងារ​នៃ​ការ​ចុះឈ្មោះ​ប្រើប្រាស់​កម្មវិធី​សេវា​ធនាគារ​ចល័ត​ប្រា​សាក់​ ​ឬ​ ​មុខងារ​កំណត់​លេខ​កូ​ដ​សម្ងាត់​ថ្មី​ (​Self​ ​P​IN​ ​Reset​) ​នឹង​ត្រូវ​បាន​បង្ខាំង​ដោយស្វ័យប្រវត្តិ​ ​។​ ​ករណី​នេះ​ ​លោក​-​លោកស្រី​ ​អាច​ទាក់ទង​មក​ប្រា​សាក់​តាមរយៈ​លេខ​ 023/086 999 911 ​ឬ​ ​អញ្ជើញ​មក​សាខា​ប្រា​សាក់​ណាមួយ​ដើម្បី​ស្នើសុំ​ដោះ​បង្ខាំង​ ​។
    3. រាល់​ការ​ ​ផ្ទេរ​ប្រាក់​តាម​លេខ​សម្ងាត់​ (​Cash​-​by​-​Code​) ​លោក​-​លោកស្រី​ ​នឹង​ទទួល​បាន​លេខ​កូ​ដ​សម្ងាត់​ចំនួន​ 06 ​ខ្ទង់​ ​ដើម្បី​ធ្វើការ​ដកប្រាក់​តាមរយៈ​ ​ម៉ាស៊ីន​អេ​ធី​អឹ​ម​ ​ឬ​ ​ម៉ាស៊ីន​ឆូត​កាត​ប្រា​សាក់​ ​ក្នុងរយៈពេល​ 48 ​ម៉ោង​ ​។​ ​ករណី​ហួស​រយៈពេល​ 48 ​ម៉ោង​ ​ទឹកប្រាក់​ផ្ទេរ​នឹង​បង្វិល​ចូល​ទៅ​ក្នុង​គណនី​ដើម​របស់​លោក​-​លោកស្រី​ ​វិញ​ដោយស្វ័យប្រវត្តិ​ ​។
  11. ​ការ​ស្នើសុំ​បង្ខាំង​ ​ឬ​ ​ដោះ​បង្ខាំង​កម្មវិធី​សេវា​ធនាគារ​ចល័ត​ប្រា​សាក់
    1. លោក​-​លោកស្រី​ ​អាច​ស្នើសុំ​បង្ខាំង​ (​Block​) ​កម្មវិធី​សេវា​ធនាគារ​ចល័ត​ប្រា​សាក់​ ​តាមរយៈ​ទូរស័ព្ទ​មក​មន្ត្រី​បម្រើ​សេវា​អតិថិជន​ (023/086 999 911) ​ឬ​ ​អញ្ជើញ​មកកាន់​សាខាប្រាសាក់​​ណាមួយ​ដែល​នៅ​ជិត​បំផុត ។
    2. ករណី​ស្នើសុំ​ដោះ​បង្ខាំង​ (Un​block​) ​កម្មវិធី​សេវា​ធនាគារ​ចល័ត​ប្រា​សាក់​ឡើងវិញ​ ​លោក​-​លោកស្រី​ ​ត្រូវ​អញ្ជើញ​មក​ស្នើសុំ​ជាលាយលក្ខណ៍អក្សរ​នៅ​សាខា​ប្រា​សាក់​ណាមួយ​ដែល​នៅ​ជិត​បំផុត​ ​។
  12. ការបញ្ឈប់​ការប្រើប្រាស់​សេវា​ធនាគារ​ចល័ត​ប្រា​សាក់

    13. ​លោក​-​លោកស្រី​ ​អាច​ស្នើសុំ​បញ្ឈប់​ការប្រើប្រាស់​សេវា​ធនាគារ​ចល័ត​ប្រា​សាក់​ ​ជាលាយលក្ខណ៍អក្សរ​បាន​ ​ដោយ​ត្រូវ​អញ្ជើញ​ទៅកាន់​សាខា​ប្រា​សាក់​ណាមួយ​ដែល​នៅ​ជិត​បំផុត​ ​។

  13. ​សុវត្ថិភាព​លើ​ការប្រើប្រាស់​កម្មវិធី​សេវា​ធនាគារ​ចល័ត​ប្រា​សាក់
    1. សុវត្ថិភាព​ទូរស័ព្ទ​ចល័ត​ ​ឬ​ ​ឧបករណ៍​ពាក់ព័ន្ធ
      1. សូម​បង្កើត​ ​លេខ​សម្ងាត់​ (​Password​) ​ឬ​ ​កំណត់​ការ​ ​ស្កេន​ស្នាម​ខ្ចៅដៃ​/​ផ្ទៃមុខ​ (​Fingerprint​ / ​Facial​ ​Recognition​) ​ដើម្បី​ការពារ​ទូរស័ព្ទ​ចល័ត​ ​ឬ​ ​ឧបករណ៍​ពាក់ព័ន្ធ​ ​របស់​ ​លោក​-​លោកស្រី​ ​ពី​ការ​ចូល​ប្រើប្រាស់​ពី​បុគ្គល​ផ្សេង​ដោយ​ពុំ​មាន​ការអនុញ្ញាត​ ​។
      2. មិន​ត្រូវ​ផ្តល់​ ​ឬ​ ​បង្ហាញ​ ​លេខ​សម្ងាត់​ (​Password​) ​ឬ​ ​អនុញ្ញាត​ឱ្យ​បុគ្គល​ណា​ម្នាក់​ធ្វើ​ការកំណត់​ការ ​ស្កេន​ស្នាម​ខ្ចៅដៃ​ / ​ផ្ទៃមុខ​ ​ឬ​ ​ចូល​ប្រើប្រាស់​ទូរស័ព្ទ​ចល័ត​ ​ឬ​ ​ឧបករណ៍​ពាក់ព័ន្ធ​ ​របស់​លោក​-​លោកស្រី​ ​បើ​ទោះបីជា​បុគ្គល​នោះ​ជា​ ​អ្នក​រួម​គណនី​ ​ឬ​ ​សាច់ញាតិ​ ​ឬ​ ​មិត្ត​ភ​ក្កិ ​ឬ​ ​បុគ្គលិក​ប្រា​សាក់​ ​ឬ​ ​បុគ្គល​មានសមត្ថកិច្ច​ណាមួយ​ក៏ដោយ​ ​។​ល​។
      3. ​ត្រូវ​ប្រាកដ​ថា​រាល់​ការ​បញ្ចូល​ ​លេខ​សម្ងាត់​ (​Password​) ​ដើម្បី​ចូល​ប្រើប្រាស់​ទូរស័ព្ទ​មិន​ត្រូវ​បាន​លបមើល​ ​ឬ​ ​ដឹង​ដោយ​បុគ្គល​ណា​ម្នាក់​ឡើយ​ ​។
      4. ត្រូវធ្វើ​ការផ្លាស់ប្តូរ​ ​លេខ​សម្ងាត់​ (​Password​) ឱ្យ​បាន​ញឹកញាប់​ ​ឬ​ ​ករណី​សង្ស័យ​ថា​លេខ​សម្ងាត់​ត្រូវ​បាន​ដឹង​ដោយ​បុគ្គល​ណា​ម្នាក់​ ​។
      5. មិន​ត្រូវ​ភ្ជាប់​ប្រព័ន្ធ​ ​ឬ​ ​បញ្ចូល​កម្មវិធី​ ​ដែល​មិន​ស្គាល់​ក្នុង​ទូរស័ព្ទ​ឡើយ​ ​។​ ​ករណី​បាន​ភ្ជាប់​ ​ត្រូវ​បិទ​ ​និង​ស​ម្អា​ត​ភ្លាម​ៗ​ដើម្បី​ចៀសវាង​ការ​ឆ្លង​មេរោគ​ ​ឬ​ ​ការ​បន្លំ​លួច​ប្រាក់​របស់​ ​លោក​-​លោកស្រី​ (​Virus​ ​and​/or ​Hack​e​r) ​។
      6. ​សូម​កុំ​ប្រើ​ទូរស័ព្ទ​ចល័ត​ ​ឬ​ ​ឧបករណ៍​ពាក់ព័ន្ធ​ដែល​ភ្ជាប់​កម្មវិធី​សេវា​ធនាគារ​ចល័ត​ប្រា​សាក់​ ​ជាមួយ​សេវា​អុីន​ធឺ​ណែ​ត​សាធារណៈ​ ​ឬ​ ​ប្រើ​រួម​ជាមួយ​អ្នកដទៃ​ ​ដើម្បី​ចៀសវាង​ពី​ការ​បន្លំ​លួច​ដោយ​ ​Hack​e​r ​។
      7. ​សូម​កុំ​ទុក​ទូរស័ព្ទ​ចល័ត​ ​ឬ​ ​ឧបករណ៍​ពាក់ព័ន្ធ​ ​ដែល​កំពុង​បើក​កម្មវិធី​សេវា​ធនាគារ​ចល័ត​ប្រា​សាក់​ចោល​នៅ​ទី​សាធារណៈ​ ​និង​ត្រូវ​ ​ចាក់សោ​រ​ទូរស័ព្ទ​ (​Lock​ ​Phone​) ​ភ្លាម​ៗ​ករណី​ឈប់​ប្រើប្រាស់​ ​។
      8. សូម​ចាកចេញ​ (​Logo​u​t​) ​ឬ​ ​បិទ​កម្មវិធី​សេវា​ធនាគារ​ចល័ត​ប្រា​សាក់​ (​P​R​A​SAC​ ​Mobile​ ​Banking​ ​application​) ​នៅ​ពេល​ធ្វើ​ប្រតិបត្តិការ​រួចរាល់​ ​។
      9. ​ក្នុង​ករណី​ ​លោក​-​លោកស្រី​ ​លក់​ ​ឬ​ ​ផ្ទេរ​ទូរស័ព្ទ​ឱ្យ​អ្នក​ផ្សេង​ ​ត្រូវ​លុប​កម្មវិធី​សេវា​ធនាគារ​ចល័ត​ប្រា​សាក់​ ឬ​ ​ព័ត៌មាន​ពាក់ព័ន្ធ​ផ្សេងៗ​ចេញពី​ក្នុង​ទូរស័ព្ទ​ឱ្យ​បាន​រួចរាល់​ជាមុន​ ​។
      10. ករណី​បាត់​ទូរស័ព្ទ​ ​ឬ​ ​សង្ស័យ​មាន​អ្នក​ផ្សេង​ស្គាល់​លេខ​សម្ងាត់​ចូល​ប្រើប្រាស់​ទូរស័ព្ទ​ ​ត្រូវ​ជូនដំណឹង​មក​ប្រា​សាក់​ជាបន្ទាន់​តាមរយៈ​លេខ​ 023/086 999 911 ​ដើម្បី​បង្ខាំង​សេវា​ធនាគារ​ចល័ត​ ​ឬ​ ​ចាត់វិធានការ​ផ្សេងៗ​តាម​លក្ខណៈ​បច្ចេកទេស​ ​ដើម្បី​ទប់​ស្កាត់​ការ​បន្លំ​ធ្វើ​ប្រតិបត្តិការ​ ​។
    2. សុវត្ថិភាព​នៃ​លេខ​កូ​ដ​សម្ងាត់​ (​P​IN​/O​T​P​) ​និង​ព័ត៌មាន​ពាក់ព័ន្ធ
      1. ​សូម​រក្សា​ ​លេខ​កូ​ដ​សម្ងាត់​ (​P​IN​) ​លេខ​កូ​ដ​ O​T​P​ ​និង​ព័ត៌មាន​ផ្សេងៗ​ ​របស់​ ​លោក​-​លោកស្រី​ ឱ្យ​មាន​សុវត្ថិភាព​ ​។​ ​រាល់​ការខូចខាត​ដែល​កើត​ចេញពី​ការ​ធ្វេសប្រហែស​ក្នុង​ការ​រក្សា​ព័ត៌មាន​សម្ងាត់​ខាងលើ​ ​គឺជា​ការទទួលខុសត្រូវ​ទាំងស្រុង​របស់​ ​លោក​-​លោកស្រី​ ​។
      2. សូម​កុំ​ប្រើ​ ​ថ្ងៃខែ​ឆ្នាំ​កំណើត​ ​ឬ​ ​លេខ​ទូរស័ព្ទ​ ​ឬ​ ​លេខ​គណនី​ ​ឬ​ ​លេខ​អត្តសញ្ញាណប័ណ្ណ​ ​ឬ​ ​លេខរៀង​ដែល​ងាយស្រួល​ចាំ​ ​ឬ​ ​ស្រួល​ស្មាន​ដឹង​ (​ឧ.​ 111111 ​ឬ​ 123456…) ​មក​ធ្វើជា​ ​លេខ​កូ​ដ​សម្ងាត់​ (​P​IN​) ​ដើម្បី​ចូល​ប្រើប្រាស់​កម្មវិធី​សេវា​ធនាគារ​ចល័ត​របស់​ ​លោក​-​លោកស្រី​ ​ឡើយ​ ​។
      3. សូម​ធ្វើ​ការផ្លាស់ប្តូរ​ ​លេខ​កូ​ដ​សម្ងាត់​ (​P​IN​) ឱ្យ​បាន​ញឹកញាប់​ ​និង​ក្នុង​ករណី​សង្ស័យ​ថា​ ​លេខ​កូ​ដ​សម្ងាត់​ (​P​IN​) ​ត្រូវ​បាន​ដឹង​ដោយ​អ្នកដទៃ​ ​។
      4. ​សូម​ចងចាំ​លេខ​កូ​ដ​សម្ងាត់​ (​P​IN​) ​របស់​ ​លោក​-​លោកស្រី​ ​ហើយ​កុំ​កត់ត្រា​លើ​អ្វីមួយ​ ​ឬ​ ឱ្យ​អ្នកដទៃ​ដឹង​ ​។
      5. សូម​កុំ​ផ្តល់​ ​ឬ​ ​ផ្ញើ​លេខ​កូ​ដ​សម្ងាត់​ (​P​IN​) ​និង​/​ឬ​ ​លេខ​កូ​ដ​ O​T​P​ ​និង​/​ឬ​ ​ព័ត៌មាន​ផ្ទាល់ខ្លួន​ផ្សេងទៀត​ ​ដល់​បុគ្គល​ណា​ម្នាក់​ឡើយ​ ​ទោះ​ដោយ​ផ្ទាល់មាត់​ ​ឬ​ ​តាមរយៈ​ការ​ផ្ញើ​សារ​អេ​ឡិច​ត្រូនិ​ក​ ​។​ល​។
      6. ត្រូវ​ធានា​ឱ្យ​ច្បាស់​ថា​ ​រាល់​ពេល​ ​លោក​-​លោកស្រី​ ​បញ្ចូល​ ​លេខ​កូ​ដ​សម្ងាត់​ (​P​IN​) ​ដើម្បី​ចូល​ប្រើប្រាស់​កម្មវិធី​សេវា​ធនាគារ​ចល័ត​ (​Log​in​) ​មិន​ត្រូវ​បាន​អ្នកដទៃ​ឃ្លាំមើល​ ​ឬ​ ​ក៏មាន​មនុស្ស​នៅក្បែរ​អ្នក​ឡើយ​ ​។
      7. ​លោក​-​លោកស្រី​ ​គួរ​កំណត់​ ​លេខ​កូ​ដ​សម្ងាត់​ (​P​IN​) ​ចូល​ប្រើប្រាស់​កម្មវិធី​សេវា​ធនាគារ​ចល័ត​ ឱ្យ​ខុស​ពី​ ​លេខ​សម្ងាត់​ (​Password​) ​បើក​សោ​ទូរស័ព្ទ​ចល័ត​របស់​ខ្លួន​ ​។
    3. សារ​បោកបញ្ឆោត​តាមរយៈ​អុី​ម៉ែ​ល​ ​ឬ​ ​ទូរស័ព្ទ
      1. សូម​ប្រុងប្រយ័ត្ន​ការ​បោកបញ្ឆោត​យក​ព័ត៌មាន​ ​តាមរយៈ​ទូរស័ព្ទ​ អុីម៉ែ​ល​ វេ​ប​សាយ​ត៍ ​កម្មវិធី​ដែ​លលោត​ផ្ទាំង​មក​ (​pop​-​up​ ​window​) ​ឬ​ ​សារ​ (S​MS​) ​ដែល​ជា​ល្បិច​ឱ្យ ​លោក​-​លោកស្រី​ ​បញ្ចូល​ព័ត៌មាន​សំខាន់​ៗ​របស់​លោក​-​លោកស្រី​ ​ដូចជា​៖​ ​អត្តលេខ​អ្នកប្រើប្រាស់​ (​User​ ​I​D​/​User​name​) ​ឬ​ ​លេខ​កូ​ដ​សម្ងាត់​ (​P​IN​) ​ឬ​ ​លេខ​កូ​ដ​ O​T​P​ ​ឬ​ ​លេខ​ទូរស័ព្ទ​ (​Phone​) ​ឬ​ ​ថ្ងៃខែ​ឆ្នាំ​កំណើត​ (​Date of Birth​) ​ឬ​ ​ព័ត៌មាន​ផ្សេងៗ​ ​ជាដើម​ ​។​ល​។
      2. ​ប្រា​សាក់​នឹង​មិន​ស្នើសុំ​ ​លោក​-​លោកស្រី​ ឱ្យ​ប្រាប់​ពី​ ​លេខ​កូ​ដ​សម្ងាត់​ (​P​IN​) ​និង​/​ឬ​ ​លេខ​កូ​ដ​ O​T​P​ ​ដើម្បី​ចូល​ប្រើប្រាស់​កម្មវិធី​សេវា​ធនាគារ​ចល័ត​ប្រា​សាក់​ ​ទោះ​ដោយ​ផ្ទាល់មាត់​ ​ទូរស័ព្ទ​ ​អុីម៉ែ​ល​ ​ឬ​ ​តាមមធ្យោបាយ​ទំនាក់ទំនង​ណាមួយ​ឡើយ​ ​។
      3. ​ប្រសិនបើ​ ​លោក​-​លោកស្រី​ ​ទទួល​បាន​អុី​ម៉ែ​ល​ ​ឬ​ ​សារ​ទូរស័ព្ទ​ ​ឬ​ ​ការ​ហៅ​ទូរស័ព្ទ​ ​ដែល​ស្នើសុំ​ព័ត៌មាន​ខាងលើ​ ​សូម​លុបចោល​ ​ឬ​ ​បដិសេធ​ជាបន្ទាន់​ ​និង​/​ឬ​ ​មិន​ត្រូវ​ចុច​លើ​តំណ​ភ្ជាប់​បណ្តាញ ​(​Link​) ​ឬ​ ​បើក​ឯកសារ​ភ្ជាប់​ណាមួយ​ដែល​មាននៅ​ក្នុងអុីម៉ែ​ល​នោះ​ឡើយ​ ​។
  14. សិទ្ធិ​ ​និង​កាតព្វកិច្ច​របស់​អតិថិជន
    1. ​លោក​-​លោកស្រី​ ​ត្រូវ​ធានា​ថា​គ្រប់​ព័ត៌មាន​ដែល​បាន​ផ្តល់​មក​ប្រា​សាក់​ ​ជា​ព័ត៌មាន​ត្រឹមត្រូវ​ ​និង​ ​ថ្មី​បំផុត​ ​។​ ​ករណី​ ​លោក​-​លោកស្រី​ ​ផ្តល់​ព័ត៌មាន​មិន​ពិត​ ​ឬ​ ​ក្លែងក្លាយ​ ​នោះ​ ​លោក​-​លោកស្រី​ ​ត្រូវ​ទទួលខុសត្រូវ​ទាំងស្រុង​ចំពោះមុខ​ច្បាប់​ ​។
    2. លោក​-​លោកស្រី​ ​ត្រូវធ្វើ​ការ​ត្រួតពិនិត្យ​ក​ម្រៃ​សេវា​ ​និង​ព័ត៌មាន​នៃ​ការ​ទូទាត់​ឱ្យ​បាន​ត្រឹមត្រូវ​មុននឹង​បញ្ជាការ​ទូទាត់​នៅ​ក្នុង​កម្មវិធី​សេវា​ធនាគារ​ចល័ត​ប្រា​សាក់​ ​។​ ​រាល់​ការ​បញ្ចូល​ព័ត៌មាន​ ​ឬ​ ​លេខ​គណនី​ខុស​ ​ឬ​ ​ផ្ទេរ​សមតុល្យ​លើស​ ​ឬ​ ​ខ្វះ​ ​ជាដើម​ ​ជា​ការទទួលខុសត្រូវ​ទាំងស្រុង​របស់​លោក​-​លោកស្រី​ ​។
    3. លោក​-​លោកស្រី​ ​ត្រូវ​ទទួលខុសត្រូវ​លើ​ការប្រើប្រាស់​កម្មវិធី​សេវា​ធនាគារ​ចល័ត​ប្រា​សាក់​ ​។​ ​រាល់​ការ​បាត់បង់​ទឹកប្រាក់​ក្នុង​គណនី​ផ្ទាល់ខ្លួន​ ​ឬ​ ​គណនី​របស់​អ្នក​ផេ្ស​ង​ ​ដែល​ប្រព្រឹត្ត​ដោយចេតនា​ ​ឬ​ ​អចេតនា​ ​ឬ​ ​ដោយ​ការ​ធ្វេសប្រហែស​ ​ឬ​ ​ដោយ​ការសាកល្បង​ធ្វើ​ប្រតិ​ប​តិ្ត​ការ​ផ្សេងៗ​ ​ការលុកលុយ​រុករក​ ​ការ​កែ​បន្លំ​ទិន្នន័យ​ ​ការ​លួច​បន្លំ​ដោយ​ផ្ទាល់​ ​ឬ​ ​ដោយប្រយោល​ ​តែម្នាក់ឯង​ ​ឬ​ ​ដោយមាន​ការចូលរួម​ពី​អ្នកដទៃ​ ​លោក​-​លោកស្រី​ ​ត្រូវ​ទទួលខុសត្រូវ​ចំពោះមុខ​ច្បាប់​ ​។
    4. លោក-លោកស្រី យល់ព្រមដោយឥតលក្ខខណ្ឌក្នុងការទូទាត់សំណងមកប្រាសាក់ករណីមានការប្តឹងតវ៉ា ការទាមទារ ការទទួលខុសត្រូវ ការខាតបង់ ឬ ការចំណាយផ្សេងៗដែលប្រាសាក់ទទួលរងទាក់ទងនឹងប្រតិបត្តិការសេវាធនាគារចល័ត ដោយការអនុវត្តបំពានរបស់ លោក-លោកស្រី លើលក្ខខណ្ឌនៃការប្រើប្រាស់សេវាកម្មនេះ រួមទាំងការខកខានមិនបានចាត់វិធានការទប់ស្កាត់ ការធើ្វប្រតិបត្តិការដោយគ្មានការអនុញ្ញាត ឬ ប្រតិបត្តិការកែ្លងបន្លំ ។ល។
    5. ​លោក​-​លោកស្រី​ ​ត្រូវ​ធានា​ពី​ការ​រក្សា​សុវត្ថិភាព​ទូរស័ព្ទ​ ​និង​ព័ត៌មាន​សម្ងាត់​ ​ដើម្បី​ចូល​ប្រើប្រាស់​កម្មវិធី​សេវា​ធនាគារ​ចល័ត​ប្រា​សាក់​ ​ដូចជា​លេខ​កូ​ដ​សម្ងាត់​ ​និង​ព័ត៌មាន​ផ្ទាល់ខ្លួន​ ​។​ល​។
    6. លោក​-​លោកស្រី​ ​ត្រូវ​ធានា​ថា​បាន​ដំឡើង​ ​ឬ​ ​ធ្វើ​បច្ចុប្បន្ន​ភាព​ ​កម្មវិធី​សេវា​ធនាគារ​ចល័ត​ប្រា​សាក់​ (​P​R​A​SAC​ ​Mobile​ ​Banking​ ​application​) ​ដោយ​ផ្ទាល់​ពី​ ​Goo​g​l​e​ ​Play​ ​Store​ ​ឬ​ ​Apple​ ​Store​ ​និង​ធានា​ថា​បាន​ប្រើប្រាស់​កម្មវិធី​សេវា​ធនាគារ​ចល័ត​ប្រា​សាក់​ជំនាន់​ថ្មី​បំផុត​ ​ដែល​បាន​ដាក់​ឱ្យ​ប្រើប្រាស់​ ​ឬ​ ​ធ្វើ​បច្ចុប្បន្ន​ភាព​ពី​​ប្រា​សាក់​ ​។
    7. លោក​-​លោកស្រី​ ​ត្រូវ​ជូនដំណឹង​មក​ប្រា​សាក់​ជាលាយលក្ខណ៍អក្សរ​ឱ្យ​បាន​ទាន់ពេល​វេលា​ ​ក្នុង​ករណី​មាន​ការផ្លាស់ប្តូរ​លេខ​ទូរស័ព្ទ​ អុីម៉ែ​ល​ ​និង​/​ឬ​ព័ត៌មាន​ផ្ទាល់ខ្លួន​ផ្សេងៗ​ ​ដែល​បាន​ផ្តល់​មក​ប្រា​សាក់​ ​។​ ​រាល់​ការ​ខាតបង់​ ​ឬ​ ​ការ​ពន្យារពេល​ផ្សេងៗ​ដែល​អាច​កើតមក​ពី​ការ​ខក​ខានមិនបាន​ជូនដំណឹង​មក​ប្រា​សាក់​ ​ជា​ការទទួលខុសត្រូវ​ទាំងស្រុង​របស់​ ​លោក​-​លោកស្រី​ ​។
    8. ​លោក​-​លោកស្រី​ ​មិន​ត្រូវធ្វើ​ប្រតិបត្តិការ​ណាមួយ​ដែល​ខុសច្បាប់​ ​ឬ​ ​សកម្មភាព​អាជីវកម្ម​ណាមួយ​ដែល​ត្រូវ​បាន​ហាមឃាត់​តាមរយៈ​កម្មវិធី​សេវា​ធនាគារ​ចល័ត​ប្រា​សាក់​ ​ឡើយ​ ​។
    9. លោក​-​លោកស្រី​ ​មាន​សិទ្ធិ​ក្នុង​ការ​ផ្ទៀងផ្ទាត់​ព័ត៌មាន​នៅ​ក្នុង​របាយការណ៍​គណនី​របស់​ខ្លួន​ ​និង​សាកសួរ​មក​ប្រា​សាក់​ក្នុង​ករណី​មាន​ភាព​មិន​ប្រក្រតី​ណាមួយ​កើតឡើង​ ​។
    10. ​ក្នុង​ករណី​ ​លោក​-​លោកស្រី​ ​មាន​បញ្ហា​ផ្សេងៗ​ពាក់ព័ន្ធ​នឹង​ការប្រើប្រាស់​កម្មវិធី​សេវា​ធនាគារ​ចល័ត​ប្រា​សាក់​ ​លោក​-​លោកស្រី​ ​ត្រូវ​ជូនដំណឹង​ជាបន្ទាន់​មក​ប្រា​សាក់​តាមរយៈ​ទូរស័ព្ទ​ 023/086 999 911 ​។
    11. លោក​-​លោកស្រី​ ​ត្រូវ​អនុវត្ត​ឱ្យ​បាន​ខ្ជាប់ខ្ជួន​នូវ​គ្រប់​ចំណុច​នៅ​លើ​ ​លក្ខខណ្ឌ​នៃ​ការប្រើប្រាស់​សេវា​ធនាគារ​ចល័ត​ប្រា​សាក់​ ​នេះ​ ​។
  15. សិទ្ធិ​ ​និង​កាតព្វកិច្ច​របស់​ប្រា​សាក់
    1. ប្រា​សាក់​មាន​សិទ្ធិ​ផ្ទៀងផ្ទាត់​ព័ត៌មាន​របស់​ ​លោក​-​លោកស្រី​ ​និង​សម្រេច​ក្នុង​ការ​ផ្តល់​ជូន​នូវ​សេវា​ធនាគារ​ចល័ត​ដល់​ ​លោក​-​លោកស្រី​ ​។
    2. ប្រា​សាក់​នឹង​អនុវត្ត​តាម​ការ​បញ្ជា​លើ​ប្រតិបត្តិការ​ទូទាត់​តាមរយៈ​សេវា​ធនាគារ​ចល័ត​ ​របស់​ ​លោក​-​លោកស្រី​ ​តែ​ប្រា​សាក់​មិន​ទទួលខុសត្រូវ​ ​ក្នុង​ករណី​ដែល​ ​លោក​-​លោកស្រី​ ​បាន​បញ្ចូល​ព័ត៌មាន​ ​ឬ​ ​លេខ​គណនី​ខុស​ ​ឬ​ ​ផ្ទេរ​សមតុល្យ​លើស​ ​ឬ​ ​ខ្វះ​ ​ជាដើម​ ​។
    3. ប្រា​សាក់​មាន​សិទ្ធិ​សហការ​ជាមួយ​អាជ្ញាធរ​មានសមត្ថកិច្ច​ក្នុង​ការស៊ើបអង្កេត​ ​បង្ខាំង​ ​ឬ​ ​បញ្ឈប់​ការប្រើប្រាស់​សេវា​ធនាគារ​ចល័ត​ ​របស់​ ​លោក​-​លោកស្រី​ ​ដោយ​យោង​លើ​ច្បាប់​/​បទបញ្ញត្តិ​ ​ឬ​ ​ដីកា​ពី​តុលាការ​ ​។
    4. ​ប្រា​សាក់​នឹង​រក្សា​ការសម្ងាត់​នូវ​រាល់​ព័ត៌មាន​របស់​ ​លោក​-​លោកស្រី​ ​លើកលែង​មានការ​យល់ព្រម​ពី​ ​លោក​-​លោកស្រី​ ​ឬ​ ​ច្បាប់​តម្រូវ​ ​ឬ​ ​មាន​ដីកា​ពី​តុលាការ​បង្គាប់​ឱ្យ​បង្ហាញ​ព័ត៌មាន​សម្ងាត់​ទាំងនោះ​ ​។
    5. ​ប្រា​សាក់​រក្សាសិទ្ធិ​ក្នុង​ការ​កែប្រែ​ ​ឬ​ ​អនុវត្ត​ការ​យក​ក​ម្រៃ​សេវា​ប្រ​ចំា​ឆ្នាំ​/​ប្រចាំខែ​ ​និង​/​ឬ​ ​ក​ម្រៃ​សេវា​ពាក់ព័ន្ធ​លើ​ការប្រើប្រាស់​ ​និង​/​ឬ​ ​ធ្វើ​ប្រតិបត្តិការ​តាមរយៈ​កម្មវិធី​សេវា​ធនាគារ​ចល័ត​ប្រា​សាក់​ ​អាស្រ័យ​លើ​លក្ខ​ខ​ណ្ខ ​និង​ស្ថានភាព​អាជីវកម្ម​ជាក់ស្តែង​ ​។
    6. ប្រា​សាក់​រក្សាសិទ្ធិ​ក្នុង​ការ​ធ្វើ​បច្ចុប្បន្ន​ភាព​ជាប្រចាំ​លើ​កម្មវិធី​សេវា​ធនាគារ​ចល័ត​ប្រា​សាក់​ទៅ​ជំនាន់​ថ្មីៗ​ ​ដោយ​ប្រា​សាក់​អាច​នឹង​៖
      • ដាក់​បន្ថែម​នូវ​មុខងារ​ប្រតិបត្តិការ​ថ្មីៗ​ ​ដោយ​យោងទៅតាម​និន្នាការ​ទី​ផ្សារ​ ​និង​/​ឬ​ ​ការ​ប្រែប្រួល​បច្ចេកវិទ្យា​ ​ឬ
      • លុប​ ​ឬ​ ​ផ្អាក​ជា​បណ្តោះអាសន្ន​លើ​មុខងារ​ណាមួយ​ ​ប្រសិនបើ​មាន​បញ្ហា​បច្ចេកទេស​ណាមួយ​កើតឡើង​ដែល​អាច​មានផល​ប៉ះពាល់​ដល់​ប្រព័ន្ធ​ធនាគារ​ ​ឬ​ ​ក្នុង​គោលបំណង​ថែទាំ​ប្រព័ន្ធ​ ​ឬ​ ​ផ្សេងៗ​ ​។
    7. នៅ​ក្នុង​ដំណាក់កាល​ណាមួយ​ ​ប្រា​សាក់​អាច​នឹង​ជំរុញ​ឱ្យ ​លោក​-​លោកស្រី​ ​ធ្វើ​បច្ចុប្បន្ន​ភាព​កម្មវិធី​សេវា​ធនាគារ​ចល័ត​ប្រា​សាក់​មក​ជំនាន់​ថ្មី​ចុងក្រោយបង្អស់​ (​Update​ ​Last​ ​Version​) ​ដើម្បី​បង្កើន​សុវត្ថិភាព​ ​និង​ភាព​ដូចគ្នា​លើ​ការប្រើប្រាស់​កម្មវិធី​សេវា​ធនាគារ​ចល័ត​ប្រា​សាក់​ ​។
    8. ប្រសិនបើ​ ​កម្មវិធី​សេវា​ធនាគារ​ចល័ត​ប្រា​សាក់​ ​របស់​ ​លោក​-​លោកស្រី​ ​មិន​អាច​ប្រើប្រាស់​បាន​ដោយ​ករណី​ប្រធានសក្តិ​ ​ប្រា​សាក់​នឹង​ជួយ​ដល់​ ​លោក​-​លោកស្រី​ ​ក្នុង​ការ​រក​ដំណោះស្រាយ​ ​ឬ​ ​ផ្តល់​ជំនួយ​ការចាំបាច់​ណាមួយ​យោង​លើ​ហេតុផល​ជាក់ស្តែង​ ​ប៉ុន្តែ​ប្រា​សាក់​មិន​ទទួលខុសត្រូវ​ទៅលើ​ហេតុការណ៍​ទាំងនោះ​ទេ​ ​។
    9. ប្រា​សាក់​រក្សាសិទ្ធិ​ក្នុង​ការ​ផ្អាក​ប្រតិបត្តិការ​ពេល​មាន​បញ្ហា​ផ្សេងៗ​ ​និង​ពេល​មាន​ការចាំបាច់​ជាដើម​ ​។
    10. ប្រា​សាក់​ផ្តល់​លេខ​ទូរស័ព្ទ​សម្រាប់​បម្រើ​សេវា​ប្រឹក្សា​អំពី​សេវាកម្ម​ ​និង​ការ​រាយការណ៍​ពី​ការ​ភ្លេច​លេខ​សម្ងាត់​ ​ឬ​ ​បញ្ហា​ផ្សេងៗ​ដែល​កើតមាន​ ​តាមរយៈ​លេខ​ 023/086 999 911 ​។
  16. ការ​កែប្រែ​ក​ម្រៃ​សេវា​ ​ទំហំ​កំណត់​ ​លក្ខខណ្ឌ​ផ្សេងៗ​ ​និង​ការ​ជូនដំណឹង​ពី​ប្រា​សាក់
    1. ​ប្រា​សាក់​រក្សាសិទ្ធិ​ក្នុង​ការ​កែប្រែ​ក​ម្រៃ​សេវា​ ​ទំហំ​កំណត់​ ​និង​/​ឬ​លក្ខខណ្ឌ​ផ្សេងៗ​ដែល​ត្រូវ​អនុវត្ត​ចំពោះ​ការប្រើប្រាស់​សេវា​ធនាគារ​ចល័ត​ ​របស់​ ​លោក​-​លោកស្រី​ ​ដោយ​ប្រា​សាក់​នឹង​ធ្វើការ​ជូនដំណឹង​ទៅ​អតិថិជន​ ឱ្យ​បាន​ត្រឹមត្រូវតាម​លក្ខខណ្ឌ​តម្រូវ​នៃ​ច្បាប់​ ​។
    2. ​ក្នុងរយៈពេល​នៃ​ការ​ជូនដំណឹង​ខាងលើ​ ​ករណី​មិន​មានការ​តវ៉ា​ពី​ ​លោក​-​លោកស្រី​ ​ត្រូវ​សន្មត​ថា​ ​លោក​-​លោកស្រី​បាន​យល់ព្រម​ ​និង​ទទួលយក​ការ​កែប្រែ​ទាំងនោះ​មក​អនុវត្ត​ភ្លាម​ៗ​បន្ទាប់ពី​ការ​កែប្រែ​ចូលជាធរមាន​ដែល​ត្រូវ​បាន​ផ្សព្វផ្សាយ​តាមរយៈ​មធ្យោបាយ​ណាមួយ​ខាងក្រោម​៖
      3. 1). តាមរយៈ​សាខា​របស់​ប្រា​សាក់​ ​និង​/​ឬ​​
      2). តាមរយៈ​វេ​ប​សាយ​ត៍ ​និង​/​ឬ​ ​បណ្តាញទំនាក់ទំនងសង្គម​ផ្លូវការ​របស់​ប្រា​សាក់​ ​និង​/​ឬ​​
      3). ការ​ផ្ញើ​សារ​ ​និង​/​ឬ​ ​អុី​ម៉ែ​ល​ទៅកាន់​ ​លោក​-​លោកស្រី​​
      4). តាមរយៈ​ការ​ផ្សព្វផ្សាយ​នៅ​លើ​ទំព័រ​ការ​សែត​ ​ទស្សនាវដ្តី​ ​កម្មវិធី​សេវា​ធនាគារ​ចល័ត​ប្រា​សាក់​ ​ឬ​ ​មធ្យោបាយ​ផ្សេងៗ​ដែល​ប្រា​សាក់​បាន​ជ្រើសរើស​ ​។​ល​។​
    3. អតិថិជន​ត្រូវ​បាន​សន្មត​ថា​បាន​ទទួលការ​ជូនដំណឹង​ស្តីពី​ការ​កែប្រែ​ខាងលើ​ភ្លាម​ៗ​ ​បន្ទាប់ពី​ប្រា​សាក់​បាន​ធ្វើការ​ចុះផ្សាយ​ពី​ការ​កែប្រែ​ព័ត៌មាន​នានា​របស់​ខ្លួន​ ​តាមរយៈ​មធ្យោបាយ​ណាមួយ​ក្នុងចំណោម​មធ្យោបាយ​ខាងលើ​ ​។
  17. ការ​ទប់​ស្កាត់​ការ​ស​ម្អា​ត​ប្រាក់​ ​និង​ហិរញ្ញប្បទាន​ភេរវកម្ម

    18. ​អនុលោម​តាម​បទ​ប្បញ្ញត្តិ​ទាំងឡាយ​នៃ​ព្រះរាជាណាចក្រកម្ពុជា​ ​ស្តីពី​ការ​ប្រឆាំង​ការ​ស​ម្អា​ត​ប្រាក់​ ​និង​ហិរញ្ញប្បទាន​ភេរវកម្ម​ ​ប្រា​សាក់​អាច​នឹង​ពន្យារពេល​ ​ឬ​ ​មិន​ធ្វើ​ប្រតិបត្តិការ​ជូន​ ​លោក​-​លោកស្រី​ ​បាន​ ​ប្រសិនបើ​ប្រា​សាក់​មានការ​ជឿជាក់​ដោយ​ផ្អែកលើ​មូលហេតុ​ដូច​ខាងក្រោម​៖

    1). ប្រា​សាក់​មាន​ការសង្ស័យ​ចំពោះ​ប្រភព​ដើម​នៃ​ប្រាក់​បញ្ញើ​នោះ​
    2). ប្រតិបត្តិការ​ ​ឬ​ ​គណនី​នោះ​មាន​ទំនាក់ទំនង​ ​ឬ​ ​ពាក់ព័ន្ធ​ដោយ​ផ្ទាល់​ ​ឬ​ ​ដោយប្រយោល​ជាមួយនឹង​សកម្មភាព​ល្មើសច្បាប់​ណាមួយ​ក្នុង​ព្រះរាជាណាចក្រកម្ពុជា​ ​ឬ​ ​ច្បាប់អន្តរជាតិ​
    3). មានការ​បង្គាប់បញ្ជា​ពី​តុលាការ​ ​ឬ​ ​ធនាគារ​ជាតិ​ ​នៃ​ ​កម្ពុជា​ ​។​ល​។
  18. ​ច្បាប់​ ​និង​ការ​ដោះស្រាយ​វិវាទ
    1. លក្ខខណ្ឌ​ប្រើប្រាស់​នេះ​ ​ត្រូវ​បាន​គ្រប់គ្រង​ ​និង​បកស្រាយ​ដោយ​យោង​តាមច្បាប់​នៃ​ព្រះរាជាណាចក្រកម្ពុជា​ ​។
    2. ​ករណី​មាន​វិវាទ​កើតឡើង​ ​ភាគី​ទាំងពីរ​ត្រូវ​ដោះស្រាយ​ដោយ​សន្តិវិធី​ ​។​ ​ករណី​វិវាទ​មិន​អាច​ដោះស្រាយ​បាន​ដោយ​សន្តិវិធី​ ​ឬ​ ​ក្រៅ​ប្រព័ន្ធ​តុលាការ​ ​នោះ​វិវាទ​ត្រូវ​ដោះស្រាយ​ទៅតាម​ប្រព័ន្ធ​តុលាការ​ដោយ​យោង​ទៅ​តាមច្បាប់​នៃ​ព្រះរាជាណាចក្រកម្ពុជា​ ​។
    3. លក្ខខណ្ឌ​ផ្សេងៗ​ដែល​មិន​មាន​ចែង​នៅ​ក្នុង​ ​«​លក្ខខណ្ឌ​ប្រើប្រាស់​»​ ​នេះ​ ​ត្រូវ​អនុវត្ត​តាម​គោល​នយោបាយ​របស់​ប្រា​សាក់​ ​និង​/​ឬ​ ​ច្បាប់​នៃ​ព្រះរាជាណាចក្រកម្ពុជា​ ​។
  19. ​វិភាគ​ភាព

    20. ​ប្រសិនបើ​ប្រការ​ណាមួយ​នៃ​លក្ខខណ្ឌ​ប្រើប្រាស់​នេះ​ ​មិន​អាច​អនុវត្ត​បាន​ ​ឬ​ ​គ្មាន​សុពលភាព​តាម​ផ្លូវច្បាប់​ ​ប្រការ​ទាំងនោះ​នឹង​អស់​សុពលភាព​ត្រឹម​ក​ម្រិ​ត​ដែល​ប្រការ​នោះ​មិន​អាច​អនុវត្ត​បាន​ ​ឬ​ ​អ​សុពលភាព​នៃ​ប្រការ​នោះ​តែប៉ុណ្ណោះ​ ​ចំណែក​ប្រការ​ផ្សេងៗ​ទៀត​នៃ​លក្ខខណ្ឌ​ប្រើប្រាស់​នេះ​នៅតែ​បន្ត​មាន​សុពលភាព​អនុវត្ត​ដដែល​ ​។

  20. ភាសា

    21. លក្ខខណ្ឌ​ប្រើប្រាស់​នេះ​ ​ត្រូវ​បាន​ធ្វើឡើង​ជា​ភាសាខ្មែរ​ ​និង​អង់គ្លេស​ ​។​ ​ករណី​មាន​ចំណុច​ណាមួយ​រវាង​អត្ថបទ​ទាំងពីរ​មានន័យ​មិន​ស្រប​ ​ឬ​ ​មិនស៊ីគ្នា​ ​នោះ​អត្ថបទ​ជា​ភាសា​រ​ខ្មែរ​ចាត់ទុកជា​ផ្លូវការ​ ​៕

  1. ​លក្ខខណ្ឌ​ទូទៅ
    1. លក្ខខណ្ឌ​ទូទៅ​ ​លើ​កា​របើក​គណនី​បញ្ញើ​មានកាល​កំណត់​ ​តាមរយៈ​កម្មវិធី​សេវា​ធនាគារ​ចល័ត​ហៅ​កាត់​ថា​ ​«​លក្ខខណ្ឌ​ទូទៅ​»​ ​គឺជា​កិច្ចព្រមព្រៀង​រវាង​ ​លោក​-​លោកស្រី​ ​ជាមួយ​គ្រឹះស្ថាន​មីក្រូ​ហិរញ្ញវត្ថុ​ប្រា​សាក់​ ​ម​.​ក​ ​ហៅ​កាត់​ថា​ ​«​ប្រា​សាក់​»​ ​ក្នុង​ការប្រើប្រាស់​សេវាកម្ម​នេះ​ជាមួយ​ប្រា​សាក់​ ​។
    2. សូម​ ​លោក​-​លោកស្រី​ ​អាន​លក្ខខណ្ឌ​ទូទៅ​នេះ​ដោយ​ប្រុងប្រយ័ត្ន​ ​មុននឹង​ចុច​ ​«​យល់ព្រម​»​ ​ដើម្បី​បន្ត​លើ​កា​របើក​គណនី​បញ្ញើ​មានកាល​កំណត់​ ​តាមរយៈ​កម្មវិធី​សេវា​ធនាគារ​ចល័ត​របស់​ប្រា​សាក់​ ​។
    3. នៅ​ពេល​ ​លោក​-​លោកស្រី​ ​បាន​ចុច​ ​«​យល់ព្រម​»​ ​មានន័យ​ថា​ ​លោក​-​លោកស្រី​ ​បាន​អាន​ ​បាន​យល់​ ​និង​ព្រម​អនុវត្ត​នូវ​គ្រប់​លក្ខខណ្ឌ​ដែល​បាន​ចែង​នៅ​ក្នុង​កិច្ចព្រមព្រៀង​នេះ​ ​និង​ទទួលខុសត្រូវ​លើ​កា​របើក​ ​និង​ប្រើប្រាស់​គណនី​បញ្ញើ​មានកាល​កំណត់​តាមរយៈ​កម្មវិធី​សេវា​ធនាគារ​ចល័ត​របស់​ប្រា​សាក់​ ​។
  2. និយមន័យ​នៃ​ពាក្យគន្លឹះ
    ពាក្យ​ ​«​​លោក​-​លោកស្រី​​»​៖​ សំដៅ​ដល់​ ​ម្ចាស់​គណនី​ ​ឬ​អ្នកមាន​សិទ្ធិ​ក្នុង​គណនី​ ​ដែល​បាន​បើក​គណនី​បញ្ញើ​មានកាល​កំណត់​តាមរយៈ​កម្មវិធី​សេវា​ធនាគារ​ចល័ត​របស់​ប្រា​សាក់​ ​។
    ​កម្មវិធី​សេវា​ធនាគារ​ចល័ត​៖​ សំដៅ​លើ​ការប្រើប្រាស់​កម្មវិធី​នៅ​លើ​ទូរស័ព្ទ​ចល័ត​ ​ដែល​អនុញ្ញាត​ឱ្យ ​លោក​-​លោកស្រី​ ​អាច​ធ្វើ​ប្រតិបត្តិការ​លើ​គណនី​របស់​ខ្លួន​បាន​ដោយ​សុវត្ថិភាព​ ​នៅ​គ្រប់​ទីកន្លែង​ ​និង​គ្រប់ពេល​វេលា​ (24/7) ​រួម​មាន​ប្រតិបត្តិការ​ផ្ទេរ​ប្រាក់​ ​ទូទាត់​វិក្កយបត្រ​ ​ឬ​បើក​គណនី​បញ្ញើ​មានកាល​កំណត់​ ​ជាដើម​ ​។​​
    គណនី​បញ្ញើ​មានកាល​កំណត់​៖​ គឺជា​គណនី​ប្រាក់​បញ្ញើ​សន្សំ​ ​ដែល​មាន​រយៈពេល​ជាក់លាក់​ក្នុង​កា​រដាក់​ប្រាក់​បញ្ញើ​ ​ហើយ​គណនី​នេះ​ទទួល​បាន​អត្រា​ការប្រាក់​ខ្ពស់​ទៅ​តាមរយៈ​ពេល​ដាក់​ប្រាក់​បញ្ញើ​នីមួយៗ​ ​។​​
    ​គណនី​ប្រភព​៖​ គឺជា​គណនី​គោល​សម្រាប់​ការ​ដក​ប្រាក់ដើម​នៅ​ពេល​បើក​គណនី​ ​ឬ​ទូទាត់​ការប្រាក់​ ​និង​ប្រាក់ដើម​ចូល​វិញ​នៅ​ពេល​បិទ​គណនី​បញ្ញើ​មានកាល​កំណត់​ ​ឬ​ទទួល​ការប្រាក់​ប្រចាំខែ​ជាដើម​ ​។​ ​រាល់​កា​របើក​ ​ឬ​បិទ​គណនី​ ​ឬ​ធ្វើ​ប្រតិបត្តិការ​ផ្សេងៗ​នៅ​លើ​គណនី​បញ្ញើ​មានកាល​កំណត់​ ​នៅ​តាម​បញ្ជរ​បេឡា​ ​គឺ​ត្រូវ​គោរព​ទៅតាម​ ​គំរូ​ហត្ថលេខា​ ​និង​ ​លក្ខខណ្ឌ​ចុះហត្ថលេខា​ ​នៃ​ ​គណនី​ប្រភព​ ​ជាគោល​ ​។​​
    គណនីរួម​៖​ សំដៅ​លើ​គណនី​ប្រាក់​បញ្ញើ​សន្សំ​ទាំងឡាយ​ណា​ ​ដែល​មាន​ស​មា​ជិ​ក​រួម​គណនី​ចាប់ពី​ 02 (​ពីរ​) ​នាក់​ ​ឡើង​ទៅ​ ​។​​
    របាយការណ៍​គណនី​៖​ សំដៅ​លើ​កំណត់​ត្រា​នៃ​ប្រតិបត្តិការ​ចេញ​ ​ឬ​ចូល​ទាំងឡាយ​នៅ​ក្នុង​គណនី​ ​។​​
    លក្ខខណ្ឌ​បន្ត​តែ​ប្រាក់ដើម​​៖​ នៅ​ពេល​ដល់​កាល​កំណត់​នៃ​គណនី​បញ្ញើ​មានកាល​កំណត់​ ការប្រាក់​ ​នឹង​ផ្ទេរ​ចូល​ទៅ​ក្នុង​គណនី​ប្រភព​ ​ហើយ​ប្រាក់ដើម​នឹង​បន្ត​ទៅ​វគ្គ​បន្ទាប់​ដោយស្វ័យប្រវត្តិ​ ​។​​
    លក្ខខណ្ឌ​បន្ត​ទាំង​ប្រាក់ដើម​ និងការប្រាក់​​៖​ នៅ​ពេល​ដល់​កាល​កំណត់​នៃ​គណនី​បញ្ញើ​មានកាល​កំណត់​ ​ប្រាក់ដើម​ ​និង​ការប្រាក់​ ​បង្គរ​ជា​ប្រាក់ដើម​ ​ហើយ​បន្ត​ទៅ​វគ្គ​បន្ទាប់​ដោយ​ស្វ័យប្រវត្តិ​ ​។​
    លក្ខខណ្ឌ​មិន​បន្ត​គណនី​​​៖​
    ​     		​នៅ​ពេល​គណនី​ដល់​កាល​កំណត់​ ​គណនី​បញ្ញើ​មានកាល​កំណត់​នឹង​ត្រូវ​បាន​បិទ​ដោយស្វ័យប្រវត្តិ​ ​ហើយ​ប្រាក់ដើម​ ​និង​ការប្រាក់​ ​នឹង​ត្រូវ​ផ្ទេរ​ចូល​ទៅ​ក្នុង​គណនី​ប្រភព​ដោយស្វ័យប្រវត្តិ​ ​។​
  3. លក្ខខណ្ឌ​នៃ​កា​របើក​គណនី​បញ្ញើ​មានកាល​កំណត់

    លោក​-​លោកស្រី​ ​ត្រូវ​បញ្ចូល​ព័ត៌មាន​ ​និង​ជ្រើសរើស​លក្ខខណ្ឌ​សម្រាប់​កា​របើក​គណនី​បញ្ញើ​មានកាល​កំណត់​ឱ្យ​បាន​ត្រឹមត្រូវ​ ​និង​គ្រប់គ្រាន់​ទៅតាម​ព័ត៌មាន​តម្រូវ​ ​ដូច​ខាងក្រោម​៖

    1. ​​​​​​​​​​​​​​​ម៉ោង​ប្រតិបត្តិការ

      2. លោក​-​លោកស្រី​ ​អាច​បើក​គណនី​បញ្ញើ​មានកាល​កំណត់​តាមរយៈ​កម្មវិធី​សេវា​ធនាគារ​ចល័ត​ ​បាន​គ្រប់ពេល​វេលា​ (24/7) ​និង​គ្រប់​ទីកន្លែង​ ​លើកលែងតែ​មានការ​ជូនដំណឹង​ស្តីពី​ការ​ផ្អាក​ជា​បណ្តោះអាសន្ន​ពី​ប្រា​សាក់​ ​។

    2. ​លក្ខខណ្ឌ​តម្រូវ​នៃ​គណនី​ប្រភព
      1. ​ដើម្បី​បើក​គណនី​បញ្ញើ​មានកាល​កំណត់​បាន​ ​លោក​-​លោកស្រី​ ​ត្រូវ​ជ្រើសរើស​ ​គណនី​ប្រភព​ ​ដែល​ជា​គណនី​ប្រាក់​បញ្ញើ​សន្សំ​ ​ភ្ជាប់នឹង​សេវា​ធនាគារ​ចល័ត​ ​ជាមួយ​ក​ម្រិ​ត​សិទ្ធិ​ប្រើប្រាស់​គណនី​ ​«​ពេញលេញ​/​Full​ ​Access​»​ ​ដែល​អនុញ្ញាត​ឱ្យ ​លោក​-​លោកស្រី​ ​អាច​ធ្វើ​ប្រតិបត្តិការ​គណនី​បាន​គ្រប់​ប្រភេទ​ ​។
      2. ​គណនី​ប្រភព​ ​អាច​ជា​ ​គណនី​សន្សំ​ ​ឬ​គណនី​ចម្រើន​គ្មាន​កាល​កំណត់​ ​ឬ​គណនី​ចម្រើន​តាមលំដាប់​ ​ឬ​គណនី​បើក​ប្រាក់បៀវត្ស​ ​។​ល​។
      3. គណនី​ប្រភព​ ​មិន​ត្រូវ​បាន​អនុញ្ញាត​ឱ្យ​ស្នើសុំ​បិទ​ឡើយ​ ​ប្រសិនបើ​គណនី​នេះ​មាន​ភ្ជាប់​គណនី​បញ្ញើ​មានកាល​កំណត់​ដែល​កំពុង​នៅ​ដំណើរការ​ ​។
      4. លោក​-​លោកស្រី​ ​យល់ព្រម​ ​និង​អនុញ្ញាត​ឱ្យ​ប្រា​សាក់​ ​យក​ ​គំរូ​ហត្ថលេខា​ ​និង​ ​លក្ខខណ្ឌ​ចុះហត្ថលេខា​ ​នៃ​គណនី​ប្រភព​ ​ជាគោល​ ​ដើម្បី​ធ្វើការ​ផ្ទៀងផ្ទាត់​ពី​ភាពជា​ម្ចាស់​គណនី​ ​ករណី​មានការ​ស្នើសុំ​បិទ​គណនី​បញ្ញើ​មានកាល​កំណត់​ ​ឬ​ធ្វើ​ប្រតិបត្តិការ​ពាក់ព័ន្ធ​ផ្សេងៗ​នៅ​តាម​បញ្ជរ​បេឡា​ (​អាច​ជា​ការ​ស្នើសុំ​លិខិត​បញ្ជាក់​សមតុល្យ​គណនី​ ​ឬ​របាយការណ៍​គណនី​ ​។​ល​។​) ​។
      5. ករណី​ ​គណនី​ប្រភព​ ​គឺជា​គណនីរួម​ ​ឬ​គណនី​នីតិបុគ្គល​ដែល​មាន​ ​អ្នកមាន​សិទ្ធិ​ក្នុង​គណនី​ ​ចាប់ពី​ 02 (​ពីរ​) ​នាក់​ឡើង​ទៅ​ ​នោះ​ ​លោក​-​លោកស្រី​ ​ត្រូវ​ទទួលស្គាល់​ ​និង​យល់ព្រម​ថា​សមាជិក​ផ្សេងទៀត​ក្នុង​គណនី​របស់​ ​លោក​-​លោកស្រី​ ​មាន​សិទ្ធិ​ក្នុង​ការ​ស្នើសុំ​បិទ​គណនី​បញ្ញើ​មានកាល​កំណត់​ ​ឬ​ធ្វើ​ប្រតិបត្តិការ​ពាក់ព័ន្ធ​ផ្សេងៗ​បាន​ ​ដោយ​គោរព​ទៅតាម​ ​គំរូ​ហត្ថលេខា​ ​និង​ ​លក្ខខណ្ឌ​ចុះហត្ថលេខា​ ​នៃ​គណនី​ប្រភព​ ​។
    3. រូបិយប័ណ្ណ
      1. លោក​-​លោកស្រី​ ​អាច​ជ្រើសរើស​បើក​គណនី​បញ្ញើ​មានកាល​កំណត់​ជាមួយ​រូបិយប័ណ្ណ​ចំនួន​ 02 (​ពីរ​) ​ប្រភេទ​ ​រួម​មាន​៖
        • គណនី​ប្រាក់​រៀល​ (K​H​R) ​និង​
        • គណនី​ប្រាក់ដុល្លារ​អាមេរិក​ (​US​D​)
      2. ប្រភេទ​រូបិយប័ណ្ណ​នឹង​ត្រូវ​បាន​កំណត់​ដោយ​ផ្អែក​ទៅតាម​ប្រភេទ​រូបិយប័ណ្ណ​នៃ​គណនី​ប្រភព​ ​។​ ​ដូច្នេះ​ ​លោក​-​លោកស្រី​ ​មិន​អាច​ជ្រើសរើស​ប្រភេទ​រូបិយប័ណ្ណ​ខុស​ពី​រូបិយប័ណ្ណ​នៃ​គណនី​ប្រភព​បាន​ឡើយ​ ​។
    4. ទំហំ​ទឹកប្រាក់​ដាក់​បញ្ញើ​ ​និង​ ​ចំនួន​គណនី
      1. ទំហំ​ទឹកប្រាក់​បញ្ញើ​អប្បបរមា​ ​សម្រាប់​កា​របើក​គណនី​បញ្ញើ​មានកាល​កំណត់​ ​គឺ​ចាប់ពី​ចំនួន​ 200,000 ​រៀល​ ​ឬ​ 50 ​ដុល្លារ​អាមេរិក​ ​និង​មិន​ឱ្យ​លើស​ពី​ 3% ​នៃ​មូលនិធិ​ផ្ទាល់​សុទ្ធ​របស់​ប្រា​សាក់​ ​ដោយ​រាប់បញ្ចូល​ទាំង​រូបិយប័ណ្ណ​ប្រាក់​រៀល​ ​និង​ ​ដុល្លារ​អាមេរិក​ ​សម្រាប់​អតិថិជន​ម្នាក់​ ​។
      2. មិន​មាន​ការកំណត់​ទៅលើ​ចំនួន​គណនី​បញ្ញើ​មានកាល​កំណត់​ ​ដែល​ត្រូវ​បាន​បើក​ដោយ​លោក​-​លោកស្រី​ ​ឡើយ​ ​។
    5. រយៈពេល​ដាក់​ប្រាក់​បញ្ញើ

      6. ​លោក​-​លោកស្រី​ ​អាច​ជ្រើសរើស​រយៈពេល​ដាក់​ប្រាក់​បញ្ញើ​ចាប់ពី​ 01 ​ខែ​ ​រហូតដល់​ 60 ​ខែ​ ​ទៅតាម​តម្រូវ​ការ​ ​និង​ការ​បង្វិល​សាច់ប្រាក់​ជាក់ស្តែង​ ​។

    6. អត្រា​ការប្រាក់
      1. លោក​-​លោកស្រី​ ​នឹង​ទទួល​បាន​អត្រា​ការប្រាក់​ទៅតាម​ជម្រើស​នៃ​រយៈពេល​ដាក់​ប្រាក់​បញ្ញើ​នីមួយៗ​ដែល​បាន​ជ្រើសរើស​ ​។
      2. ការប្រាក់​នឹង​ត្រូវ​បាន​បង្គរ​ជា​ប្រចាំថ្ងៃ​ ​និង​ទូទាត់​ចូល​ទៅ​ក្នុង​គណនី​ប្រភព​របស់​លោក​-​លោកស្រី​ ​ជាប្រចាំ​ខែ​ ​ឬនៅ​ចុង​គ្រា​ (​ដល់​កាល​កំណត់​) ​ទៅតាម​ប្រភេទ​គណនី​បញ្ញើ​មានកាល​កំណត់​ដែល​លោក​-​លោកស្រី​ ​បាន​ជ្រើសរើស​ ​។
      3. ​លោក​-​លោកស្រី​ ​អាច​ស្វែងរក​ព័ត៌មាន​អំពី​អត្រា​ការប្រាក់​នៃ​គណនី​បញ្ញើ​មានកាល​កំណត់​បាន​នៅ​ពេល​បើក​គណនី​តាមរយៈ​សេវា​ធនាគារ​ចល័ត​ ​ឬ​តាមរយៈ​វេ​ប​សាយ​ត៍​ផ្លូវការ​របស់​ប្រា​សាក់​ ​ឬ​សាខា​ប្រា​សាក់​ណាមួយ​ដែល​នៅ​ជិត​ ​លោក​-​លោកស្រី​ ​បំផុត​ ​។
    7. ពន្ធ​កាត់​ទុក​ (​ពន្ធ​លើ​ការប្រាក់​)
      1. លោក​-​លោកស្រី​ ​ទទួលស្គាល់​ថា​រាល់​ការប្រាក់​ដែល​ទទួល​បាន​ពី​កា​រដាក់​ប្រាក់​បញ្ញើ​សន្សំ​នឹង​ត្រូវ​​​ជាប់​កាតព្វកិច្ច​ពន្ធ​កាត់​ទុក​ ​ឬ​ពន្ធ​ផ្សេងៗ​តាមច្បាប់​ ​ឬ​លិខិត​បទដ្ឋាន​គតិ​យុត្តិ​ជាធរមាន​ ​។
      2. លោក​-​លោកស្រី​ ​ទទួលស្គាល់​ថា​ ​ពន្ធ​កាត់​ទុក​ ​ជា​បន្ទុក​របស់​ ​លោក​-​លោកស្រី​ ​និង​យល់ព្រម​ឱ្យ ​ប្រា​សាក់​ធ្វើការ​ទូទាត់​ ​ពន្ធ​កាត់​ទុក​ ​ចេញពី​គណនី​បញ្ញើ​មានកាល​កំណត់​ ​របស់​ ​លោក​-​លោកស្រី​ ​ដោយស្វ័យប្រវត្តិ​នៅ​រាល់​ពេល​ដែល​ប្រា​សាក់​បាន​បញ្ចូល​ការប្រាក់​ទៅ​ក្នុង​គណនី​នីមួយៗ​របស់​លោក​-​លោកស្រី​ ​។
      3. អត្រា​ពន្ធ​កាត់​ទុក​ត្រូវ​បាន​កំណត់​ ​ទៅតាម​អត្រា​ពន្ធ​ ​ដូច​ខាងក្រោម​៖
        • 6% ​សម្រាប់​និវាស​ន​ជន​ ឬ​
        • 14% ​សម្រាប់​អ​និវាស​ន​ជន​
    8. ​ប្រភេទ​គណនី​បញ្ញើ​មានកាល​កំណត់

      ​លោក​-​លោកស្រី​ ​អាច​ជ្រើសរើស​បើក​គណនី​បញ្ញើ​មានកាល​កំណត់​ ​ចំនួន​ 02 (​ពីរ​) ​ប្រភេទ​រួម​មាន​៖​

      • គណនី​បញ្ញើ​មានកាល​កំណត់​-​ចម្រើន​ការប្រាក់​ប្រចាំខែ​ ​៖​ ​ជា​ប្រភេទ​គណនី​ដែល​លោក​-​លោកស្រី​ ​នឹង​ទទួល​បាន​ការប្រាក់​ជាប្រចាំ​ខែ​ ​ដែល​ការប្រាក់​នឹង​បញ្ចូល​ដោយស្វ័យប្រវត្តិ​ទៅ​ក្នុង​គណនី​ប្រភព​ ​។​
      • គណនី​បញ្ញើ​មានកាល​កំណត់​-​ចម្រើន​ការប្រាក់​ចុង​គ្រា ​៖​ ​លោក​-​លោកស្រី​ ​នឹង​ទទួល​បាន​ការប្រាក់​នៅ​ពេល​គណនី​ដល់​កាល​កំណត់​ ​ហើយ​ការប្រាក់​នឹង​បញ្ចូល​ទៅ​ក្នុង​គណនី​ប្រភព​ ​ឬ​បង្គរ​ជា​ប្រាក់ដើម​ ​អាស្រ័យ​ទៅលើ​ការ​ជ្រើសរើស​ ​លក្ខខណ្ឌ​បន្ត​គណនី​បញ្ញើ​មានកាល​កំណត់​ ​។
    9. លក្ខខណ្ឌ​បន្ត​គណនី​បញ្ញើ​មានកាល​កំណត់
      1. នៅ​ពេល​បើក​គណនី​ ​លោក​-​លោកស្រី​ ​អាច​ជ្រើសរើស​លក្ខខណ្ឌ​បន្ត​គណនី​បញ្ញើ​មានកាល​កំណត់​ ​ទៅតាម​ជម្រើស​ដូច​ខាងក្រោម​៖
        • បន្ត​ប្រាក់ដើម​ ​និង​ ​ការប្រាក់​ (Ro​l​lover​ ​Principle​ ​and​ ​Interest​)
        • បន្ត​តែ​ប្រាក់ដើម​ (Ro​l​lover​ ​Principle​ ​only​)
        • មិន​បន្ត​គណនី​ (​Close​ on ​Maturity​)
      2. ករណី​ ​លោក​-​លោកស្រី​ ​ជ្រើសរើស​លក្ខខណ្ឌ​បន្ត​គណនី​ដោយស្វ័យប្រវត្តិ​ (​បន្ត​ប្រាក់ដើម​ ​និង​ការប្រាក់​ ​ឬ​ ​បន្ត​តែ​ប្រាក់ដើម​) ​ប្រសិនបើ​ពុំ​មានការ​ស្នើសុំ​ផ្លាស់ប្តូរ​លក្ខខណ្ឌ​ផ្សេងៗ​នៅ​ពេល​គណនី​ដល់​កាល​កំណត់​ ​នោះ​មានន័យ​ថា​ ​លោក​-​លោកស្រី​ ​យល់ព្រម​បន្ត​គណនី​បញ្ញើ​មានកាល​កំណត់​ទៅ​វគ្គ​បន្ទាប់​ ​ទៅ​តាមរយៈ​ពេល​ ​និង​លក្ខខណ្ឌ​ដាក់​ប្រាក់​បញ្ញើ​ដូចមុន​ ​ហើយ​ព្រម​ទទួលយក​អត្រា​ការប្រាក់​ស្តង់​ដារ​ដែល​ប្រា​សាក់​កំពុង​មាន​ជាធរមាន​ ​។
      3. ករណី​ ​លោក​-​លោកស្រី​ ​ជ្រើសរើស​ប្រភេទ​ ​«​គណនី​បញ្ញើ​មានកាល​កំណត់​-​ចម្រើន​ការប្រាក់​ចុង​គ្រា​»​ ​នោះ​ ​លោក​-​លោកស្រី​ ​អាច​ជ្រើសរើស​លក្ខខណ្ឌ​បន្ត​ ​ឬ​មិន​បន្ត​គណនី​ ​ណាមួយ​ក្នុងចំណោម​លក្ខខណ្ឌ​បន្ត​ទាំង​ 03 (​បី​) ​ដូច​បញ្ជាក់​ក្នុង​ចំណុច​ 3.9.1 ​ខាងលើ​ ​។
      4. ករណី​លោក​-​លោកស្រី​ ​ជ្រើសរើស​ប្រភេទ​ ​«​គណនី​បញ្ញើ​មានកាល​កំណត់​-​ចម្រើន​ការប្រាក់​ប្រចាំខែ​»​ ​នោះ​លោក​-​លោកស្រី​ ​អាច​ជ្រើសរើស​លក្ខខណ្ឌ​បន្ត​គណនី​បានតែ​ 02 (​ពីរ​) ​ជម្រើស​ប៉ុណ្ណោះ​ ​គឺ​បន្ត​តែ​ប្រាក់ដើម​ (Ro​l​lover​ ​Principle​ ​only​) ​ឬ​ ​មិន​បន្ត​គណនី​ (​Close​ on ​Maturity​) ​។​ ​ករណី​នេះ​ ​លោក​-​លោកស្រី​ ​មិន​អាច​ជ្រើសរើស​លក្ខខណ្ឌ​ ​បន្ត​ប្រាក់ដើម​ ​និង​ ​ការប្រាក់​ ​បាន​ឡើយ​ ​ពីព្រោះ​ការប្រាក់​ត្រូវ​បាន​បញ្ចូល​ទៅ​ក្នុង​គណនី​ប្រភព​ជាប្រចាំ​ខែ​រួចរាល់​ ​។
    10. ​ថ្ងៃ​ប្រសិទ្ធ​ភាព​នៃ​កា​របើក​គណនី
      1. ​ថ្ងៃ​ប្រសិទ្ធ​ភាព​ (​Effective Date​) ​នៃ​កា​របើក​គណនី​បញ្ញើ​មានកាល​កំណត់​ ​គឺ​នៅ​ថ្ងៃ​ជាក់ស្តែង​ដែល​ ​លោក​-​លោកស្រី​ ​បាន​បើក​គណនី​បញ្ញើ​មានកាល​កំណត់​ ​តាមរយៈ​សេវា​ធនាគារ​ចល័ត​ ​។
      2. ករណី​ ​លោក​-​លោកស្រី​ ​បើក​គណនី​បញ្ញើ​មានកាល​កំណត់​នៅ​ថ្ងៃ​ចុង​ស​ប្តាហ៍ ​ឬ​ថ្ងៃឈប់​សម្រាក​ ​ឬ​បន្ទាប់ពី​ប្រព័ន្ធ​ធនាគារ​ស្នូល​របស់​ប្រា​សាក់​បាន​ធ្វើការ​បិទ​បញ្ជី​ជា​ប្រចាំថ្ងៃ​ (​E​O​D​ / C​losing​ ​Business​ ​Day​) ​នោះ​ថ្ងៃ​ប្រសិទ្ធ​ភាព​នៃ​កា​របើក​គណនី​ (​Effective Date​) ​នឹង​ត្រូវ​ ​លើក​ទៅ​ថ្ងៃធ្វើការ​បន្ទាប់​ (​Next​ ​Working Day​) ​ដោយស្វ័យប្រវត្តិ​ ​។
    11. កាលបរិច្ឆេទ​ដល់​កាល​កំណត់​នៃ​គណនី
      1. កាលបរិច្ឆេទ​ដល់​កាល​កំណត់​ ​ឬ​ថ្ងៃ​ផុត​កំណត់​ (​Maturity Date​) ​នៃ​គណនី​បញ្ញើ​មានកាល​កំណត់​ ​ត្រូវ​បាន​កំណត់​ដោយស្វ័យប្រវត្តិ​ពី​ប្រព័ន្ធ​ ​ដោយ​ផ្អែក​ទៅតាម​ ​«​រយៈពេល​ដាក់​ប្រាក់​បញ្ញើ​»​ ​នីមួយៗ​ ​ដែល​លោក​-​លោកស្រី​ ​បាន​ជ្រើសរើស​ ​។
      2. ករណី​ ​កាលបរិច្ឆេទ​ដល់​កាល​កំណត់​ ​ប៉ះចំ​ថ្ងៃ​ចុង​ស​ប្តាហ៍ ​ឬ​ថ្ងៃឈប់​សម្រាក​ ​នោះ​កាលបរិច្ឆេទ​ដល់​កាល​កំណត់​ (​Maturity Date​) ​នឹង​ត្រូវលើ​ក​ថយក្រោយ​ឱ្យ​ចំ​ថ្ងៃធ្វើការ​ ​ដោយស្វ័យប្រវត្តិ​ ​។
    12. វិញ្ញា​បន​ប​ត្រ​ប្រាក់​បញ្ញើ​មានកាល​កំណត់​ ​ឬ​ ​របាយការណ៍​គណនី
      1. លោក​-​លោកស្រី​ ​អាច​ពិនិត្យ​ព័ត៌មាន​នៃ​គណនី​បញ្ញើ​មានកំណត់​ដែល​បាន​បើក​ ​ឬ​ប្រតិបត្តិការ​គណនី​ផ្សេងៗ​តាមរយៈ​កម្មវិធី​សេវា​ធនាគារ​ចល័ត​របស់​ប្រា​សាក់​ ​បាន​គ្រប់ពេល​វេលា​ ​និង​គ្រប់​ទីកន្លែង​ ​។
      2. ​លោក​-​លោកស្រី​ ​អាច​ធ្វើការ​បោះពុម្ព​ វិញ្ញា​បន​ប​ត្រ​ប្រាក់​បញ្ញើ​មានកាល​កំណត់​ ​ដែល​ជា​ព័ត៌មាន​លម្អិត​នៃ​គណនី​បញ្ញើ​មានកាល​កំណត់​ ​បាន​ដោយខ្លួនឯង​ ​ដោយ​គ្រាន់តែ​ទាញ​យក​ព័ត៌មាន​នៃ​គណនី​បញ្ញើ​មានកាល​កំណត់​នីមួយៗ​ពី​កម្មវិធី​សេវា​ធនាគារ​ចល័ត​របស់​ខ្លួន​ ​។
      3. ករណី​ ​លោក​-​លោកស្រី​ ​មានបំណង​ស្នើសុំ​ វិញ្ញា​បន​ប​ត្រ​ប្រាក់​បញ្ញើ​មានកាល​កំណត់​ ​ឬ​របាយការណ៍​គណនី​ ​ជា​ច្បាប់ដើម​ ​នោះ​ ​លោក​-​លោកស្រី​ ​អាច​អញ្ជើញ​មក​ស្នើសុំ​នៅ​សាខា​ប្រា​សាក់​ណាមួយ​ដែល​នៅ​ជិត​បំផុត​ ​ដោយ​ការ​ស្នើសុំ​ត្រូវ​គោរព​ទៅតាម​លក្ខខណ្ឌ​កំណត់​ដោយ​ប្រា​សាក់​ ​។
  4. កា​រដាក់​ប្រាក់
    1. កា​រដាក់​ប្រាក់​បន្ថែម​ទៅ​ក្នុង​គណនី​បញ្ញើ​មានកាល​កំណត់​ដែល​បាន​បើក​រួចរាល់​ ​មិន​ត្រូវ​បាន​អនុញ្ញាត​នោះ​ទេ​ ​។
    2. រាល់​កា​រដាក់​ប្រាក់​បន្ថែម​ ​គឺ​ស្មើនឹង​កា​របើក​គណនី​បញ្ញើ​មានកាល​កំណត់​ថ្មី​បន្ថែម​ទៀត​ ​ដោយ​កា​របើក​គណនី​ ​ត្រូវ​អនុវត្ត​ទៅតាម​លក្ខខណ្ឌ​បើក​គណនី​ដូច​មាន​ចែង​នៅ​ក្នុង​លក្ខខណ្ឌ​ទូទៅ​នេះ​ ​។
  5. ការ​ដកប្រាក់

    6. រាល់​ការ​ស្នើសុំ​ដកប្រាក់​ដោយ​ផ្នែក​ណាមួយ​ ​ឬ​ទាំងស្រុង​ ​ចេញពី​គណនី​បញ្ញើ​មានកាល​កំណត់​ ​គឺ​ស្មើនឹង​ការ​ស្នើសុំ​បិទ​គណនី​បញ្ញើ​មានកាល​កំណត់​ ​ដោយ​ត្រូវ​អនុលោម​ទៅតាម​លក្ខខណ្ឌ​បិទ​គណនី​ ​ដូច​មាន​ចែង​នៅ​ក្នុង​លក្ខខណ្ឌ​ទូទៅ​នេះ​ ​។

  6. លក្ខខណ្ឌ​នៃ​ការ​បិទ​គណនី​បញ្ញើ​មានកាល​កំណត់
    1. រាល់​ការ​ស្នើសុំ​បិទ​គណនី​ ​លោក​-​លោកស្រី​ ​ត្រូវ​អញ្ជើញ​មក​ស្នើសុំ​បិទ​ជាលាយលក្ខណ៍អក្សរ​នៅ​តាម​សាខា​ប្រា​សាក់​ណាមួយ​ដែល​នៅ​ជិត​លោក​-​លោកស្រី​ ​ឬ​ ​គណនី​ត្រូវ​បាន​បិទ​ដោយស្វ័យប្រវត្តិ​នៅ​ពេល​គណនី​ដល់​កាល​កំណត់​ ​ករណី​ ​លោក​-​លោកស្រី​ ​បាន​ជ្រើសរើស​ប្រភេទ​លក្ខខណ្ឌ​មិន​បន្ត​គណនី​ (​Close​ on ​Mature​) ​។
    2. អ្នកមាន​សិទ្ធិ​ស្នើសុំ​បិទ​គណនី​ ​អាច​ជា​ ​លោក​-​លោកស្រី​ ​និង​/​ឬ​ ​អ្នក​រួម​គណនី​ (​ករណី​គណនីរួម​) ​និង​/​ឬ​ ​អ្នកមាន​សិទ្ធិ​ក្នុង​គណនី​ផ្សេងទៀត​ (​ចំពោះ​គណនី​នីតិបុគ្គល​) ​បើ​ទោះបីជា​គណនី​បញ្ញើ​មានកាល​កំណត់​ត្រូវ​បាន​បើក​ដោយ​ ​លោក​-​លោកស្រី​ ​ក៏ដោយ​ ​។
    3. ការ​ស្នើសុំ​បិទ​គណនី​ ​គឺ​ត្រូវ​យោងទៅតាម​ ​គំរូ​ហត្ថលេខា​ ​និង​ ​លក្ខខណ្ឌ​ចុះហត្ថលេខា​ ​នៃ​ ​គណនី​ប្រភព​ ​។
    4. លោក​-​លោកស្រី​ ​នឹង​ទទួល​បាន​ការប្រាក់​ពេញ​ ​ករណី​ស្នើសុំ​បិទ​គណនី​ ​ដែល​ដល់​កាល​កំណត់​ ​។
    5. ករណី​ ​លោក​-​លោកស្រី​ ​ស្នើសុំ​បិទ​គណនី​ ​មុន​កាល​កំណត់​ ​លោក​-​លោកស្រី​ ​យល់ព្រម​ចំពោះ​ការ​ខាតបង់​ការប្រាក់​ដែល​នឹង​ទទួល​បាន​ ​ហើយ​ប្រា​សាក់​រក្សាសិទ្ធិ​គ្រប់បែបយ៉ាង​ក្នុង​ការកំណត់​អត្រា​ការប្រាក់​ដែល​ត្រូវ​ផ្តល់​ជូន​ ​លោក​-​លោកស្រី​ ​នៅ​ពេល​ស្នើសុំ​បិទ​គណនី​ ​។
    6. ​បន្ទាប់ពី​បិទ​គណនី​ ​ប្រាក់ដើម​ ​និង​ការប្រាក់​ ​នឹង​ត្រូវ​បង្វិល​ចូល​ទៅ​ក្នុង​គណនី​ប្រភព​របស់​លោក​-​លោកស្រី​ ​ហើយ​ ​លោក​-​លោកស្រី​ ​អាច​ធ្វើការ​ត្រួតពិនិត្យ​បាន​តាមរយៈ​របាយការណ៍​គណនី​ ​។
    7. ករណី​ ​លោក​-​លោកស្រី​ ​ស្នើសុំ​បិទ​ ​គណនី​បញ្ញើ​មានកាល​កំណត់​ ​ប្រភេទ​ ​ចម្រើន​ការប្រាក់​ប្រចាំខែ​ ​មុន​កាល​កំណត់​ ​នោះ​ ​លោក​-​លោកស្រី​ ​ត្រូវ​ទូទាត់​នូវ​រាល់​ការប្រាក់​ទាំងអស់​ដែល​បាន​ទទួល​ជាប្រចាំ​ខែ​ត្រលប់​មក​ប្រា​សាក់​វិញ​ ​ដោយ​យល់ព្រម​ឱ្យ​ប្រា​សាក់​ធ្វើការ​ទូទាត់​សាច់ប្រាក់​ចេញពី​សមតុល្យ​នៃ​គណនី​បញ្ញើ​មានកាល​កំណត់​របស់​ ​លោក​-​លោកស្រី​ ​ដោយស្វ័យប្រវត្តិ​ ​។
    8. ​ប្រសិនបើ​ ​លោក​-​លោកស្រី​ ​មាន​ជាប់​កាតព្វកិច្ច​ក​ម្ចី ​ដោយ​ដាក់​ ​សមតុល្យ​នៃ​គណនី​បញ្ញើ​មានកាល​កំណត់​ណាមួយ​ជា​ទ្រព្យ​ធានា​ក​ម្ចី ​នោះ​ ​លោក​-​លោកស្រី​ ​អាច​ស្នើសុំ​បិទ​គណនី​នោះ​បាន​ ​លុះត្រាតែ​បាន​បំពេញ​កាតព្វកិច្ច​ទូទាត់​សង​ក​ម្ចី​ទាំងមូល​រួចរាល់​ជាមុន​សិន​ ​។
  7. សិទ្ធិ​ ​និង​កាតព្វកិច្ច​របស់​លោក​-​លោកស្រី
    1. លោក​-​លោកស្រី​ ​ត្រូវ​អនុវត្ត​ឱ្យ​បាន​ខ្ជាប់ខ្ជួន​នូវ​គ្រប់​ចំណុច​នៅ​លើ​លក្ខខណ្ឌ​ទូទៅ​នេះ​ ​។
    2. លោក​-​លោកស្រី​ ​ត្រូវ​ប្រាកដ​ថា​ ​លោក​-​លោកស្រី​ ​មាន​សិទ្ធិ​គ្រប់គ្រាន់​ក្នុង​កា​របើក​គណនី​បញ្ញើ​មានកាល​កំណត់​តាមរយៈ​សេវា​ធនាគារ​ចល័ត​ ​និង​បាន​ផ្តល់​ព័ត៌មាន​ត្រឹមត្រូវ​ ​និង​ថ្មី​បំផុត​មក​ប្រា​សាក់​ ​។
    3. លោក​-​លោកស្រី​ ​ត្រូវ​ប្រាកដ​ថា​ ​គណនី​ប្រភព​ ​មាន​សមតុល្យ​គ្រប់គ្រាន់​ក្នុង​ការ​ស្នើសុំ​បើក​គណនី​បញ្ញើ​មានកាល​កំណត់​ ​។
    4. ​លោក​-​លោកស្រី​ ​ត្រូវធ្វើ​ការ​ត្រួតពិនិត្យ​ព័ត៌មាន​ ​និង​លក្ខខណ្ឌ​នៃ​កា​របើក​គណនី​បញ្ញើ​មានកាល​កំណត់​ឱ្យ​បាន​ត្រឹមត្រូវ​ ​មុននឹង​សម្រេច​លើ​ការ​អនុម័ត​ប្រតិបត្តិការ​បើក​គណនី​បញ្ញើ​មានកាល​កំណត់​ ​។​ ​រាល់​ការ​បញ្ចូល​ ​ឬ​ជ្រើសរើស​លក្ខខណ្ឌ​បើក​គណនី​ខុស​ពី​គោលបំណង​របស់​ខ្លួន​ ​ដូចជា​ការ​ជ្រើសរើស​លេខ​គណនី​ប្រភព​ខុស​ ​ឬ​ ​កំណត់​ទំហំ​ទឹកប្រាក់​បញ្ញើ​លើស​ ​ឬ ​ខ្វះ​ ​។​ល​។​ ​គឺជា​ការទទួលខុសត្រូវ​ទាំងស្រុង​របស់​លោក​-​លោកស្រី​ ​។
    5. លោក​-​លោកស្រី​ ​យល់ព្រម​ពិនិត្យ​ ​និង​ជូនដំណឹង​មក​ប្រា​សាក់​ស្តី​អំពី​កំហុស​បច្ចេកទេស​ ​ឬ​ភាព​មិន​ប្រក្រតី​ណាមួយ​ដែល​បាន​កើតឡើង​នៅ​ក្នុង​កំឡុង​ ​ឬ​ក្រោយពេល​បើក​គណនី​បញ្ញើ​មានកាល​កំណត់​ ​។
    6. ​លោក​-​លោកស្រី​ ​មាន​សិទ្ធិ​ទទួល​បាន​ព័ត៌មាន​ពាក់ព័ន្ធ​នឹង​ប្រតិបត្តិការ​បើក​គណនី​បញ្ញើ​មានកាល​កំណត់​ ​ក​ម្រៃ​សេវា​ ​អត្រា​ការប្រាក់​ ​ពន្ធ​កាត់​ទុក​ ​ជាដើម​ ​។
    7. ​លោក​-​លោកស្រី​ ​មាន​សិទ្ធិ​សាកសួរ​ព័ត៌មាន​ ​និង​ការ​បញ្ជាក់​បន្ថែម​ ​ក្នុង​ករណី​ដែល​លោក​-​លោកស្រី​ពិនិត្យ​ឃើញ​ពី​ភាព​មិនស៊ីគ្នា​នៃ​របាយការណ៍​គណនី​ ​ឬ​មាន​ច​ម្ងល់​នានា​ពាក់ព័ន្ធ​នឹង​កា​របើក​ ​ឬ​ប្រើប្រាស់​គណនី​បញ្ញើ​មានកាល​កំណត់​ ​បាន​នៅ​គ្រប់​សាខា​ប្រា​សាក់​ ​ឬ​តាមមធ្យោបាយ​ផ្សេងៗ​ដែល​ផ្តល់​ដោយ​ប្រា​សាក់​ ​។
  8. សិទ្ធិ​ ​និង​កាតព្វកិច្ច​របស់​ប្រា​សាក់
    1. ប្រា​សាក់​ ​មាន​សិទ្ធិ​ផ្ទៀងផ្ទាត់​ ​និង​ពិនិត្យ​ពី​ប្រវត្តិរូប​របស់​ ​លោក​-​លោកស្រី​ ​ហើយ​អាច​ទាមទារ​ព័ត៌មាន​ផ្ទាល់ខ្លួន​បន្ថែម​របស់​លោក​-​លោកស្រី​ ​និង​មាន​សិទ្ធិ​សម្រេច​លើ​ការ​ផ្តល់​ ​ឬ​មិន​ផ្តល់​សេវា​ជូន​ ​លោក​-​លោកស្រី​ ​។
    2. ប្រា​សាក់​នឹង​អនុវត្ត​តាម​ការ​បញ្ជា​លើ​ប្រតិបត្តិការ​របស់​លោក​-​លោកស្រី​ ​តែ​ប្រា​សាក់​មិន​ទទួលខុសត្រូវ​ករណី​ ​លោក​-​លោកស្រី​ ​បាន​បញ្ចូល​ ​និង​/​ឬ​ជ្រើសរើស​ខុស​ ​លេខ​គណនី​ប្រភព​ ​និង​/​ឬ​ ​ទំហំ​ទឹកប្រាក់​បញ្ញើ​ ​និង​/​ឬ​ ​លក្ខខណ្ឌ​ផ្សេងៗ​ជាដើម​ ​។​ល​។
    3. ​ប្រា​សាក់​ ​រក្សាសិទ្ធិ​ក្នុង​ការ​បង្ខាំង​ ​ឬ​ដោះ​បង្ខាំង​ ​ឬ​មិន​អនុញ្ញាត​ឱ្យ​បន្ត​ ​ឬ​បន្ត​ ​ឬ​បញ្ឈប់​គណនី​មុន​កាល​កំណត់​ ​ករណី​ ​លោក​-​លោកស្រី​ ​មិនបាន​បំពេញ​ព័ត៌មាន​ ​និង​/​ឬ​លក្ខខណ្ឌ​ ឱ្យ​បាន​ត្រឹមត្រូវ​ ​និង​គ្រប់គ្រាន់​ ​ទៅតាម​លក្ខខណ្ឌ​តម្រូវ​ពី​ប្រា​សាក់​ ​និង​/​ឬ​តាម​ឆន្ទានុសិទ្ធិ​របស់​ប្រា​សាក់​ ​ដោយ​ប្រា​សាក់​នឹង​មិន​ទទួលខុសត្រូវ​លើ​ការ​ខាតបង់​ការប្រាក់​ ​និង​/​ឬ​ផលប្រយោជន៍​ផ្សេងៗ​ដែល​អាច​បណ្តាលមកពី​ការ​អនុវត្ត​សិទ្ធិ​ទាំងអស់​នេះ​ទេ​ ​។
    4. ប្រា​សាក់​មាន​សិទ្ធិ​សហការ​ជាមួយ​អាជ្ញាធរ​មានសមត្ថកិច្ច​ក្នុង​ការស៊ើបអង្កេត​ ​បង្ខាំង​ ​ឬ​បញ្ឈប់​ការអនុញ្ញាត​ឱ្យ​បើក​គណនី​បញ្ញើ​មានកាល​កំណត់​ ​ដោយ​យោង​លើ​វិធាន​នៃ​ច្បាប់​ ​ឬ​ដីកា​រ​ពី​តុលាការ​ ​។
    5. ​ប្រា​សាក់​រក្សាសិទ្ធិ​ក្នុង​ផ្អាក​ប្រតិបត្តិការ​លើ​កា​របើក​គណនី​បញ្ញើ​មានកាល​កំណត់​ ​ករណី​មាន​បញ្ហា​ប​ច្ចេ​ក​​ទេស​ ​និង​/​ឬ​ពេល​មាន​ការចាំបាច់​ណាមួយ​ជាដើម​ ​។
    6. ​ប្រា​សាក់​រក្សាសិទ្ធិ​ក្នុង​ការ​កែប្រែ​ ​អត្រា​ការប្រាក់​ ​ក​ម្រៃ​សេវា​ ​និង​/​ឬ​លក្ខខណ្ឌ​ផ្សេងៗ​ ​អាស្រ័យ​លើ​ស្ថានភាព​នៃ​អាជីវកម្ម​ជាក់ស្តែង​ ​។
    7. ​ប្រា​សាក់​ ​នឹង​រក្សា​ការសម្ងាត់​នូវ​រាល់​ព័ត៌មាន​របស់​លោក​-​លោកស្រី​ ​លើកលែងតែ​ច្បាប់​តម្រូវ​ ​ឬ​ដីកា​រ​ពី​តុលាការ​ ​ឬ​មានការ​យល់ព្រម​ពី​លោក​-​លោកស្រី​ ​។
    8. ប្រា​សាក់​ផ្តល់​លេខ​ទូរស័ព្ទ​សម្រាប់​បម្រើ​សេវាកម្ម​ 24 ​ម៉ោង​ ​ហើយ​ផ្តល់​សេវា​ប្រឹក្សា​អំពី​សេវាកម្ម​ ​ឬ​ការ​រាយការណ៍​ ​ឬ​បញ្ហា​ផ្សេងៗ​ដែល​កើតមានឡើង​ ​។
  9. ការ​ទប់​ស្កាត់​ការ​ស​ម្អា​ត​ប្រាក់​ ​និង​ហិរញ្ញប្បទាន​ភេរវកម្ម

    ​អនុលោម​តាម​បទ​ប្បញ្ញត្តិ​ទាំងឡាយ​នៃ​ព្រះរាជាណាចក្រ​ម្ពុ​ជា​ ​ស្តីពី​ការ​ប្រឆាំង​ការ​ស​ម្អា​ត​ប្រាក់​ ​និង​ហិរញ្ញប្បទាន​ភេរវកម្ម​ ​ប្រា​សាក់​អាច​នឹង​ពន្យារពេល​ ​ឬ​មិន​ធ្វើ​ប្រតិបត្តិការ​ជូន​ម្ចាស់​គណនី​បាន​ ​ប្រសិនបើ​ប្រា​សាក់​មានការ​ជឿជាក់​ដោយ​ផ្អែកលើ​មូលហេតុ​ដូច​ខាងក្រោម​៖

    • ​ប្រា​សាក់​មាន​ការសង្ស័យ​ចំពោះ​ប្រភព​ដើម​នៃ​ប្រាក់​បញ្ញើ​នោះ
    • ប្រតិបត្តិការ​ ​ឬ​គណនី​នោះ​មាន​ទំនាក់ទំនង​ ​ឬ​ពាក់ព័ន្ធ​ដោយ​ផ្ទាល់​ ​ឬ​ដោយប្រយោល​ជាមួយនឹង​សកម្មភាព​ល្មើសច្បាប់​ណាមួយ​ក្នុង​ព្រះរាជាណាចក្រកម្ពុជា​ ​ឬ​ច្បាប់អន្តរជាតិ
    • មានការ​បង្គាប់បញ្ជា​តុលាការ​ ​ឬ​ពី​ធនាគារ​ជាតិ​ ​នៃ​ ​កម្ពុជា​ ​។
  10. ការ​កែប្រែ​ ​អត្រា​ការប្រាក់​ ​ក​ម្រៃ​សេវា​ ​លក្ខខណ្ឌ​ ​និង​ការ​ជូនដំណឹង
    1. ប្រា​សាក់​រក្សាសិទ្ធិ​ក្នុង​ការ​កែប្រែ​ ​អត្រា​ការប្រាក់​ ​ក​ម្រៃ​សេវា​ ​និង​លក្ខខណ្ឌ​ផ្សេងៗ​ដែល​ត្រូវ​អនុវត្ត​ចំពោះ​ការប្រើប្រាស់​គណនី​របស់​ ​លោក​-​លោកស្រី​ ​ដោយ​ប្រា​សាក់​នឹង​ធ្វើការ​ជូនដំណឹង​ទៅ​លោក​-​លោកស្រី​ ឱ្យ​បាន​ត្រឹមត្រូវតាម​លក្ខខណ្ឌ​តម្រូវ​នៃ​ច្បាប់​ ​។
    2. ​ក្នុងរយៈពេល​នៃ​ការ​ជូនដំណឹង​ ​ករណី​មិន​មានការ​តវ៉ា​ពី​លោក​-​លោកស្រី​ ​ត្រូវ​សន្មត​ថា​អតិថិជន​បាន​យល់ព្រម​ ​និង​ទទួលយក​ការ​កែប្រែ​ខាងលើ​មក​អនុវត្ត​ភ្លាម​ៗ​បន្ទាប់ពី​ការ​កែប្រែ​ចូលជាធរមាន​ ​ដែល​ត្រូវ​បាន​ផ្សព្វផ្សាយ​តាមរយៈ​មធ្យោបាយ​ណាមួយ​ខាងក្រោម​៖
      1). តាមរយៈ​សាខា​របស់​ប្រា​សាក់​ ​និង​/​ឬ
      2). តាមរយៈ​វេ​ប​សាយ​ត៍ ​និង​/​ឬ​បណ្តាញទំនាក់ទំនងសង្គម​ផ្លូវការ​របស់​ប្រា​សាក់​ ​និង​/​ឬ
      3). ការ​ផ្ញើ​សារ​ ​និង​/​ឬ​អុី​ម៉ែ​ល​ទៅកាន់​ ​លោក​-​លោកស្រី​
      4). តាមរយៈ​ការ​ផ្សព្វផ្សាយ​នៅ​លើ​ទំព័រ​ការ​សែត​ ​ទស្សនាវដ្តី​ ​កម្មវិធី​សេវា​ធនាគារ​ចល័ត​ ​ឬ​មធ្យោបាយ​ផ្សេងៗ​ដែល​ប្រា​សាក់​បាន​ជ្រើសរើស​ ​។​ល​។
    3. អតិថិជន​ត្រូវ​បាន​សន្មត​ថា​បាន​ទទួលការ​ជូនដំណឹង​ស្តីពី​ការ​កែប្រែ​ខាងលើ​ភ្លាម​ៗ​ ​បន្ទាប់ពី​ប្រា​សាក់​បាន​ធ្វើការ​ចុះផ្សាយ​ពី​ការ​កែប្រែ​ព័ត៌មាន​នានា​របស់​ខ្លួន​ ​តាមរយៈ​មធ្យោបាយ​ណាមួយ​ក្នុងចំណោម​មធ្យោបាយ​ខាងលើ​ ​។
  11. ច្បាប់​ ​និង​ការ​ដោះស្រាយ​វិវាទ
    1. លក្ខខណ្ឌ​ទូទៅ​នេះ​ ​ត្រូវ​បាន​គ្រប់គ្រង​ ​និង​បកស្រាយ​ដោយ​យោង​តាមច្បាប់​នៃ​ព្រះរាជាណាចក្រកម្ពុជា​ ​។
    2. ​ករណី​មាន​វិវាទ​កើតឡើង​ ​ភាគី​ទាំងពីរ​ត្រូវ​ដោះស្រាយ​ដោយ​សន្តិវិធី​ ​។​ ​ករណី​វិវាទ​មិន​អាច​ដោះស្រាយ​បាន​ដោយ​សន្តិវិធី​ ​ឬ​ក្រៅ​ប្រព័ន្ធ​តុលាការ​ ​នោះ​វិវាទ​ត្រូវ​ដោះស្រាយ​ទៅតាម​ប្រព័ន្ធ​តុលាការ​ដោយ​យោង​ទៅ​តាមច្បាប់​នៃ​ព្រះរាជាណាចក្រកម្ពុជា​ ​។
    3. បញ្ហា​ផ្សេងៗ​ដែល​មិន​មាន​ចែង​នៅ​ក្នុង​ប្រការ​ទាំងនេះ​ ​ត្រូវ​អនុវត្ត​តាមច្បាប់​នៃ​ព្រះរាជាណាចក្រកម្ពុជា​ ​។
    4. រាល់​លក្ខខណ្ឌ​ផ្សេងៗ​ដែល​មិន​មាន​ចែង​នៅ​ក្នុង​លក្ខខណ្ឌ​ទូទៅ​នេះ​ ​ត្រូវ​អនុវត្ត​ដោយ​យោងទៅតាម​ ​«​លក្ខខណ្ឌ​ទូទៅ​នៃ​ការប្រើប្រាស់​ផលិតផល​ ​និង​សេវាកម្ម​របស់​ប្រា​សាក់​»​ ​ដែល​ ​លោក​-​លោកស្រី​ ​អាច​ស្វែងរក​បាន​នៅ​តាម​វេ​ប​សាយ​ត៍​ផ្លូវការ​របស់​ប្រា​សាក់​ ​w​w​w​.​p​r​a​sac​.​co​m​.k​h​ ​ឬ​តាម​សាខា​ប្រា​សាក់​ណាមួយ​ដែល​នៅ​ជិត​ ​លោក​-​លោកស្រី​ ​បំផុត​ ​។
  12. វិភាគ​ភាព

    13. ​ប្រសិនបើ​ប្រការ​ណាមួយ​នៃ​កិច្ចព្រមព្រៀង​នេះ​ ​មិន​អាច​អនុវត្ត​បាន​ ​ឬ​គ្មាន​សុពលភាព​តាម​ផ្លូវច្បាប់​ ​ប្រការ​ទាំងនោះ​នឹង​អស់​សុពលភាព​ត្រឹម​ក​ម្រិ​ត​ដែល​ប្រការ​នោះ​មិន​អាច​អនុវត្ត​បាន​ ​ឬ​អ​សុពលភាព​នៃ​ប្រការ​នោះ​តែប៉ុណ្ណោះ​ ​ចំណែក​ប្រការ​ផ្សេងៗ​ទៀត​នៃ​កិច្ចព្រមព្រៀង​នេះ​នៅតែ​បន្ត​មាន​សុពលភាព​អនុវត្ត​ដដែល​ ​។

  13. ភាសា

    14. ​លក្ខខណ្ឌ​ទូទៅ​នេះ​ ត្រូ​វបាន​ធ្វើឡើង​ជា​ភាសាខ្មែរ​ ​និង​អង់គ្លេស​ ​។​ ​ករណី​មាន​ចំណុច​ណាមួយ​រវាង​អត្ថបទ​ទាំងពីរ​មានន័យ​មិន​ស្រប​ ​ឬ​មិនស៊ីគ្នា​ ​នោះ​អត្ថបទ​ជា​ភាសា​រ​ខ្មែរ​ចាត់ទុកជា​ផ្លូវការ​ ​៕

  1. ​ប្រការ 1. លក្ខខណ្ឌ​ទូទៅ
    1. លក្ខខណ្ឌ​ទូទៅ​សម្រាប់​ប្រើប្រាស់​សេវា​ទូទាត់​បាគង​ ​ហៅ​កាត់​ថា​ “​លក្ខខណ្ឌ​ទូទៅ​” ​គឺជា​កិច្ចព្រមព្រៀង​រវាង​អតិថិជន​ជាមួយ​ ​គ្រឹះស្ថាន​មីក្រូ​ហិរញ្ញវត្ថុ​ប្រា​សាក់​ ​ម​.​ក​ ​ហៅ​កាត់​ថា​ “​ប្រា​សាក់​” ​ទាក់ទង​ទៅ​នឹង​ការប្រើប្រាស់​សេវា​ទូទាត់​បាគង​ ​។
    2. ​សូម​ ​លោក​-​លោកស្រី​ ​អាន​លក្ខខណ្ឌ​ទូទៅ​នេះ​ដោយ​ប្រុងប្រយ័ត្ន​ ​មុននឹង​ចុច​ “​យល់ព្រម​” ​ដើម្បី​ចុះឈ្មោះ​ប្រើប្រាស់​សេវា​ទូទាត់​បាគង​ ​។
    3. នៅ​ពេល​ ​លោក​-​លោកស្រី​ ​បាន​ចុច​ “​យល់ព្រម​” ​មានន័យ​ថា​ ​លោក​-​លោកស្រី​ ​បាន​យល់ព្រម​គ្រប់​លក្ខខណ្ឌ​ដែល​បាន​ចែង​នៅ​ក្នុង​កិច្ចព្រមព្រៀង​នេះ​ ​និង​ទទួលខុសត្រូវ​លើ​ការប្រើប្រាស់​សេវា​ទូទាត់​បាគង​របស់​ ​លោក​-​លោកស្រី​ ​។
  2. ប្រការ​ 2. ​និយមន័យ​នៃ​ពាក្យគន្លឹះ
    • ពាក្យ​ “​លោក​-​លោកស្រី​” ​៖​ ​សំដៅ​ដល់​អតិថិជន​ទាំងឡាយ​ដែល​បាន​ចុះឈ្មោះ​ប្រើប្រាស់​សេវា​ទូទាត់​បាគង​ ​នៅ​លើ​ទូរស័ព្ទ​ចល័ត​របស់​ខ្លួន​ ​។​
    • ​ប្រព័ន្ធ​បាគង​ ​៖​ ​សំដៅ​លើ​ប្រព័ន្ធ​ទូទាត់ប្រាក់​ ​ដែល​អនុញ្ញាត​ឱ្យ​ធ្វើ​ប្រតិបត្តិការ​ទូទាត់​ភ្លាម​ៗ​ជា​អេ​ឡិច​ត្រូនិ​ក​ឆ្លង​គ្រឹះស្ថាន​ធនាគារ​ ​និង​ហិរញ្ញវត្ថុ​ ​ជា​សមាជិក​ប្រព័ន្ធ​បាគង​ ​។​
    • កម្មវិធី​បាគង​ (B​a​kon​g​ ​A​p​p​) ​៖​ ​សំដៅ​លើ​កម្មវិធី​ទូរស័ព្ទ​ចល័ត​ ​ដែល​ដំណើរការ​លើ​ប្រព័ន្ធ​ ​i​OS ​ឬ​ ​And​ro​i​d​ ​និង​ដាក់​ឱ្យ​អតិថិជន​អាច​ទាញ​យកមក​ប្រើប្រាស់​បាន​ ​។​
    • គណនី​បាគង​ (B​a​kon​g​ ​Account​)​ ៖​ ​សំដៅ​លើ​គណនី​ប្រភេទ​ជា​ ​អុីវ៉ា​ឡេ​ត​ (​E​-​wallet​) ​រក្សាទុក​ប្រាក់​ជា​អេ​ឡិច​ត្រូនិ​ក​ ​សម្រាប់​ធ្វើការ​ទូទាត់​របស់​អតិថិជន​ ​ដែល​បាន​ចុះឈ្មោះ​ប្រើប្រាស់​ប្រព័ន្ធ​បាគង​ប្រកបដោយ​ភាព​ជោគជ័យ​ ​។​ ​គណនី​បាគង​នេះ​ ​ត្រូវ​បាន​បង្កើត​ឡើង​ដោយស្វ័យប្រវត្តិ​ចំនួន​ពីរ​រូបិយប័ណ្ណ​ (​ជា​គណនី​ប្រាក់​រៀល​ ​និង​ប្រាក់ដុល្លារ​អាមេរិក​) ​។​
    • ​គណនី​ធនាគារ​ ​៖​ ​សំដៅ​លើ​គណនី​ប្រាក់​បញ្ញើ​សន្សំ​ ​ដែល​អតិថិជន​បាន​បើក​ជាមួយ​ប្រា​សាក់​ ​។​
    • ពាក្យសម្ងាត់​ ​ឬ​ ​Pass​code​ ​៖​ ​គឺជា​ពាក្យ​ ​និង​លេខ​កូ​ដ​សម្ងាត់​ផ្ទាល់ខ្លួន​ ​ដែល​មាន​ចំនួន​ចាប់ពី​ ​០​៨​ខ្ទង់​ ​ឡើង​ទៅ​ (​ដែល​រួម​មាន​ជា​ ​អក្សរធំ​ ​បូក​ ​អក្សរតូច​ ​បូក​ ​សញ្ញា​ពិសេស​ ​បូក​ ​លេខ​) ​។​ ​ពាក្យសម្ងាត់​ ​ត្រូវ​បាន​កំណត់​ ​ឬ​ជ្រើសរើស​ដោយ​អតិថិជន​ផ្ទាល់​ ​នៅ​ពេល​ចូល​ទៅ​ចុះឈ្មោះ​ប្រើប្រាស់​សេវា​ទូទាត់​បាគង​ ​។​ ​ពាក្យសម្ងាត់​ ​ឬ​ ​Pass​code​ ​នឹង​ត្រូវ​បាន​ប្រើប្រាស់​សម្រាប់​សង្គ្រោះ​គណនី​បាគង​របស់​ ​លោក​-​លោកស្រី​ ​ករណី​ប្តូរ​ទូរស័ព្ទ​ចល័ត​ ​ឬ​ភ្លេច​លេខ​កូ​ដ​សម្ងាត់​សម្រាប់​ ​Log​ ​in​ ​ចូល​ប្រើប្រាស់​សេវា​ទូទាត់​បាគង​ជាដើម​ ​។​
    • ​លេខ​កូ​ដ​សម្ងាត់​ ​ឬ​ ​P​IN​ ​Code​ ​៖​ ​គឺជា​លេខ​កូ​ដ​សម្ងាត់​ផ្ទាល់ខ្លួន​ចំនួន​ ​០​៦​ ​ខ្ទង់​ ​ដែល​ត្រូវ​បាន​កំណត់​ដោយ​ផ្ទាល់​ពី​អតិថិជន​ ​នៅ​ពេល​ចូល​ទៅ​ចុះឈ្មោះ​ប្រើប្រាស់​សេវា​ទូទាត់​បាគង​ ​។​ ​លេខ​កូ​ដ​សម្ងាត់​នេះ​ ​ត្រូវ​បាន​ប្រើប្រាស់​ដើម្បី​ ​Log​ ​In​ ​ចូល​ទៅ​ប្រើប្រាស់​សេវា​ទូទាត់​បាគង​ ​។​
    • QR ​Code​ ​៖​ ​គឺជា​កូ​ដ​តំណាង​ឱ្យ​គណនី​បាគង​របស់​អតិថិជន​ ​ប្រើប្រាស់​សម្រាប់​ទទួល​ប្រាក់​ ​ឬ​ទូទាត់​ថ្លៃ​ទំនិញ​-​សេវាកម្ម​ ​តាមរយៈ​សេវា​ទូទាត់​បាគង​ ​។​ QR ​Code​ ​ត្រូវ​បាន​បង្កើត​ឡើង​ដោយស្វ័យប្រវត្តិ​ ​បន្ទាប់ពី​អតិថិជន​បាន​ចុះឈ្មោះ​ប្រើប្រាស់​សេវា​ទូទាត់​បាគង​ ​ប្រកបដោយ​ភាព​ជោគជ័យ​ ​។​
    • លេខ​កូ​ដ​គណនី​ (​Account​ ​I​D​) ​៖​ ​គឺ​តំណាង​ឱ្យ ​លេខ​គណនី​បាគង​ ​របស់​អតិថិជន​ ​។​ ​លេខ​កូ​ដ​គណនី​ (​Account​ ​I​D​) ​ត្រូវ​បាន​បង្កើត​ឡើង​ដោយស្វ័យប្រវត្តិ​នៅ​ពេល​អតិថិជន​ចុះឈ្មោះ​ប្រើប្រាស់​សេវា​ទូទាត់​បាគង​ ​។​
    • ​ករណី​ប្រធានសក្តិ​ ​៖​ ​សំដៅ​លើ​អំពើ​ទាំងឡាយ​ណា​ ​ដែល​កើតឡើង​ក្រៅពី​ឆន្ទៈ​ ​ដោយ​មិន​អាច​ប៉ាន់ស្មាន​ជាមុន​ ​និង​មិន​អាច​ជំនះ​បាន​ ​ឬ​ដែល​មិន​អនុញ្ញាត​ឱ្យ​ភាគី​ណាមួយ​ ​ឬ​ទាំងពីរ​អាចប​ន្ត​បំពេញ​កាតព្វកិច្ច​របស់​ខ្លួន​ជាប្រក្រតី​បាន​ដូចជា​៖​ ​បន្ទុះ​ភ្នំភ្លើង​ ​ទឹកជំនន់​ ​គ្រោះ​រញ្ជួយ​ដី​ ​ព្យុះសង្ឃរា​ ​ភេរវកម្ម​ ​កុប្បកម្ម​ ​សង្គ្រាម​ ​។​ល​។
  3. ប្រការ​ 3​. ​លក្ខខណ្ឌ​តម្រូវ​ពី​អតិថិជន​សម្រាប់​ការ​ចុះឈ្មោះ​ប្រើប្រាស់​សេវា​ទូទាត់​បាគង
    • ​ត្រូវ​មាន​អាយុ​យ៉ាងតិច​ ​១​៦​ ​ឆ្នាំ​
    • ​ត្រូវ​មាន​ទូរស័ព្ទ​ចល័ត​ ​និង​លេខ​ទូរស័ព្ទ​ផ្ទាល់ខ្លួន​ ​ដែល​ប្រតិបត្តិការ​ដោយ​ប្រព័ន្ធ​ ​i​OS ​ឬ​ ​And​ro​i​d​
    • ត្រូវ​បំពេញ​ព័ត៌មាន​ផ្ទាល់ខ្លួន​ ​ដែល​ជា​ព័ត៌មាន​ត្រឹមត្រូវ​ ​និង​ថ្មី​បំផុត​
    • ត្រូវ​ថតរូប​ជាក់ស្តែង​របស់​ខ្លួន​ផ្ទាល់​ (​Self​i​e​) ​និង​ឯកសារ​បញ្ជាក់​អត្តសញ្ញាណ​ ​ដូចជា​ ​អត្តសញ្ញាណប័ណ្ណ​សញ្ជាតិ​ខ្មែរ​ ​ឬ​លិខិតឆ្លងដែន​ (​នៅ​មាន​សុពលភាព​យ៉ាងតិច​ ​០​៣​ខែមុន​ថ្ងៃ​ផុត​កំណត់​)
    • ​ត្រូវ​យល់ព្រម​តាម​លក្ខខណ្ឌ​ទូទៅ​សម្រាប់​ប្រើប្រាស់​សេវា​ទូទាត់​បាគង​ ​។
  4. ​ប្រការ​ 4. ​ការ​ផ្តល់​ព័ត៌មាន​ពី​អតិថិជន
    1. ​​នៅ​ពេល​ ​លោក​-​លោកស្រី​ ​បាន​ចុះឈ្មោះ​ប្រើប្រាស់​សេវា​ទូទាត់​បាគង​ ​លោក​-​លោកស្រី​ ​ត្រូវ​បំពេញ​ព័ត៌មាន​ចាំបាច់​ដែល​តម្រូវ​ដោយ​ប្រា​សាក់​ ​និង​ត្រូវ​ប្រាកដ​ថា​រាល់​ព័ត៌មាន​ដែល​ផ្តល់​ឱ្យ​សុទ្ធតែ​ជា​ព័ត៌មាន​ពិតប្រាកដ​ ​ត្រឹមត្រូវ​ ​និង​ថ្មី​បំផុត​ ​។
    2. ​លោក​-​លោកស្រី​ ​បាន​អះអាង​ថា​ខ្លួន​យល់ព្រម​អនុវត្ត​តាម​លក្ខខណ្ឌ​ទូទៅ​នៃ​ការប្រើប្រាស់​សេវាកម្ម​នេះ​ ​និង​ទទួលខុសត្រូវ​នូវ​រាល់​ព័ត៌មាន​ដែល​បាន​បំពេញ​ ​និង​គោរព​តាម​រាល់​វិធាន​ ​ដែល​មាន​ចែង​នៅ​ក្នុង​លក្ខខណ្ឌ​ទូទៅ​ស្តីពី​ការប្រើប្រាស់​សេវា​ទូទាត់​បាគង​ ​។
    3. លោក​-​លោកស្រី​ ​បាន​ទទួលស្គាល់​ ​និង​ព្រមព្រៀង​ថា​ ​តាម​ការ​ស្នើសុំ​របស់​អាជ្ញាធរ​មានសមត្ថកិច្ច​ ​ប្រា​សាក់​មាន​សិទ្ធិ​​ផ្ទេរ​ព័ត៌មាន​របស់​ ​លោក​-​លោកស្រី​ ​ទៅតាម​ដីកា​រ​បញ្ជា​របស់​តុលាការ​ ​ឬ​អាជ្ញាធរ​ពាក់ព័ន្ធ​ (​មិនថា​ក្នុង​ ​ឬ​ក្រៅ​ប្រទេស​កម្ពុជា​) ​។​
  5. ប្រការ​ 5. ​លក្ខណៈ​នៃ​គណនី​បាគង
    1. ​​គណនី​បាគង​ ​នឹង​ត្រូវ​បង្កើត​ឡើង​ដោយស្វ័យប្រវត្តិ​ជា​ប្រាក់​រៀល​ ​និង​ប្រាក់ដុល្លារ​អាមេរិក​ ​បន្ទាប់ពី​អតិថិជន​បាន​ចុះឈ្មោះ​ប្រើប្រាស់​សេវា​ទូទាត់​បាគង​នៅ​លើ​ទូរស័ព្ទ​ចល័ត​របស់​ខ្លួន​ប្រកបដោយ​ភាព​ជោគជ័យ​ ​។
    2. ​​មិន​មានការ​ផ្តល់​ការប្រាក់​ ​ឬ​តម្រូវ​ឱ្យ​ដាក់​សមតុល្យ​ដំបូង​ ​ឬ​តម្កល់​សមតុល្យ​អប្បបរមា​ ​ចំពោះ​គណនី​បាគង​ឡើយ​ ​។
    3. រាល់​កា​រដាក់​ ​ឬ​ដក​ជា​សាច់ប្រាក់​ចេញពី​គណនី​បាគង​ ​គឺ​ត្រូវធ្វើ​នៅ​តាម​បញ្ជរ​បេឡា​ ​ឬ​តាមមធ្យោបាយ​ផ្សេងៗ​ផ្តល់​ដោយ​ប្រា​សាក់​ ​ឬ​គ្រឹះស្ថាន​ធនាគារ​ដែល​ជា​សមាជិក​ប្រព័ន្ធ​បាគង​ ​។​ ​រាល់​ការ​បញ្ជា​ទូទាត់​ថ្លៃ​ទំនិញ​ ​ឬ​ផ្ទេរ​ប្រាក់​ ​គឺ​ត្រូវធ្វើ​នៅ​លើ​ទូរស័ព្ទ​ចល័ត​របស់​អតិថិជន​ដោយ​ផ្ទាល់​ ​។
    4. ​ក​ម្រៃ​សេវាកម្ម​ ​និង​ទឹកប្រាក់​អតិបរមា​ដាក់​ក្នុង​គណនី​បាគង​ ​ត្រូវ​បាន​ដាក់​បង្ហាញ​លើ​គេហទំព័រ​ ​និង​/​ឬ​គ្រប់​សាខា​ប្រា​សាក់​ ​និង​/​ឬ​កម្មវិធី​បាគង​ ​។
    5. គណនី​បាគង​ ​ដែល​គ្មាន​ប្រតិបត្តិការ​កើតឡើង​ក្នុងរយៈពេល​ ​៣​៦​៥​ថ្ងៃ​ (​លើកលែង​ប្រតិបត្តិការ​ដែល​ធ្វើឡើង​ដោយ​ប្រា​សាក់​) ​ត្រូវ​ចាត់ទុកជា​ ​គណនី​គ្មាន​ប្រតិបត្តិការ​ ​ហើយ​គណនី​នេះ​នឹង​ត្រូវ​បាន​ផ្អាក​ដោយស្វ័យប្រវត្តិ​ ​ដោយ​មិន​អាចប​ន្ត​ធ្វើ​ប្រតិបត្តិការ​ចេញ​-​ចូល​បាន​ឡើយ​ ​។
    6. គណនី​បាគង​ ​ដែល​គ្មាន​ប្រតិបត្តិការ​កើតឡើង​ក្នុងរយៈពេល​ ​ដប់​ (​១០) ​ឆ្នាំ​ជាប់ៗ​គ្នា​ ​នោះ​សមតុល្យ​ក្នុង​គណនី​បាគង​ ​ដែល​គ្មាន​ប្រតិបត្តិការ​នោះ​ ​នឹង​ត្រូវ​ផ្ទេរ​ទៅ​ឱ្យ​ធនាគារ​ជាតិ​ ​នៃ​ ​កម្ពុជា​ ​ដើម្បី​ចាត់ចែង​តាម​នីតិវិធី​នៃ​ច្បាប់​ ​។
  6. ​ប្រការ​ 6. ​ប្រភេទ​សេវាកម្ម​តាមរយៈ​ប្រព័ន្ធ​បាគង
    • ​​ផ្ទេរ​ប្រាក់​ពី​ ​គណនី​បាគង​ ​ទៅ​ ​គណនី​បាគង​ ​រវាង​អតិថិជន​ ​និង​អតិថិជន​ ​ក្នុង​គ្រឹះស្ថាន​ប្រា​សាក់
    • ​​​ផ្ទេរ​ប្រាក់​ពី​ ​គណនី​បាគង​ ​ទៅ​ ​គណនី​បាគង​ ​រវាង​អតិថិជន​ ​និង​អតិថិជន​ ​ឆ្លង​គ្រឹះស្ថាន​ (​ជា​សមាជិក​ប្រព័ន្ធ​បាគង​)
    • ផ្ទេរ​ប្រាក់​ពី​ ​គណនី​បាគង​ ​ទៅ​ ​គណនី​ធនាគារ​ ​ក្នុង​គ្រឹះស្ថាន​ប្រា​សាក់
    • ​ផ្ទេរ​ប្រាក់​ពី​ ​គណនី​បាគង​ ​ទៅ​ ​គណនី​ធនាគារ​ ​ឆ្លង​គ្រឹះស្ថាន​ (​ជា​សមាជិក​ប្រព័ន្ធ​បាគង​)
    • ទូទាត់​ថ្លៃ​ទំនិញ​-​សេវាកម្ម​ ​តាមរយៈ​ការ​ស្កែ​ន​ QR ​Code
    • ពិនិត្យ​សមតុល្យ​គណនី​ ​និង​របាយការណ៍​សង្ខេប​គណនី​បាគង
    • សេវាកម្ម​ផ្សេងៗ​ទៀត​ ​ដែល​នឹង​ដាក់​ឱ្យ​ប្រើប្រាស់​ជា​ផ្លូវការ​ទៅតាម​ស្ថានភាព​ជាក់ស្ដែង​ ​។
  7. ​ប្រការ​ 7.​ ​កា​រដាក់​ ​ឬ​ដកប្រាក់​ ​ពី​គណនី​បាគង
    1. លោក​-​លោកស្រី​ ​អាច​ស្នើសុំ​ដាក់​ប្រាក់​ ​ឬ​ដកប្រាក់​ចេញពី​គណនី​បាគង​របស់​ ​លោក​-​លោកស្រី​ ​បាន​នៅ​តាម​បញ្ជរ​បេឡា​ ​ឬ​តាមមធ្យោបាយ​ផ្សេងៗ​ផ្តល់​ដោយ​ប្រា​សាក់​ ​ឬ​គ្រឹះស្ថាន​ធនាគារ​ជា​សមាជិក​នៃ​ប្រព័ន្ធ​បាគង​ ​។
    2. ​​លោក​-​លោកស្រី​ ​ត្រូវ​យល់ព្រម​ទូទាត់​ក​ម្រៃ​សេវា​នៃ​ការ​ស្នើសុំ​ដាក់​ ​ឬ​ដកប្រាក់​ទៅតាម​ក​ម្រៃ​សេវា​ដូច​មាន​បង្ហាញ​នៅ​លើ​គេហទំព័រ​ ​និង​/​ឬ​កម្មវិធី​បាគង​ ​និង​/​ឬ​តាម​ការិយាល័យ​ប្រា​សាក់​ ​ឬ​គ្រឹះស្ថាន​ធនាគារ​ជា​សមាជិក​នៃ​ប្រព័ន្ធ​បាគង​ ​។
  8. ​ប្រការ​ 8​. ​ទំហំ​កំណត់​នៃ​ប្រតិបត្តិការ​ ​និង​ ​ក​ម្រៃ​សេវា
    1. លោក​-​លោកស្រី​ ​យល់ព្រម​បង់ក​ម្រៃ​សេវា​ផ្សេងៗ​ ​ពាក់ព័ន្ធ​ទៅ​នឹង​ការប្រើប្រាស់​សេវា​ទូទាត់​តាមរយៈ​ប្រព័ន្ធ​បាគង​ ​ហើយ​យល់ព្រម​ឱ្យ​ប្រា​សាក់​ទូទាត់​ថ្លៃ​សេវា​ដោយ​ផ្ទាល់​ចេញពី​ ​គណនី​បាគង​ ​របស់​លោក​-​លោកស្រី​ ​ដោយ​ពុំចាំបាច់​​ធ្វើការ​ជូនដំណឹង​ឡើយ​ ​។
    2. ​​លោក​-​លោកស្រី​ ​អាច​ធ្វើ​ប្រតិបត្តិការ​ផ្សេងៗ​បាន​នៅ​ពេលណា​ដែល​គណនី​របស់​ ​លោក​-​លោកស្រី​ ​មាន​សមតុល្យ​គ្រប់គ្រាន់​សម្រាប់​ធ្វើ​ប្រតិបត្តិការ​នោះ​ ​និង​ត្រូវ​គោរព​ទៅតាម​ទំហំ​កំណត់​ដោយ​ប្រា​សាក់​ ​។
    3. ក​ម្រៃ​សេវាកម្ម​ ​និង​ទំហំ​កំណត់​ ​ត្រូវ​បាន​ដាក់​បង្ហាញ​លើ​គេហទំព័រ​ផ្លូវការ​របស់​ប្រា​សាក់​ ​w​w​w​.​p​r​a​sac​.​co​m​.k​h​ ​និង​/​ឬ​គ្រប់​សាខា​ប្រា​សាក់​និង​/​ឬ​កម្មវិធី​បាគង​ ​។​
  9. ​ប្រការ​ 9.​ ​ម៉ោង​ប្រតិបត្តិការ
    1. ​អតិថិជន​អាច​ធ្វើ​ប្រតិបត្តិការ​ទូទាត់​តាមរយៈ​ប្រព័ន្ធ​បាគង​បាន​ ​២​៤​ ​ម៉ោង​ ​ជា​ប្រចាំថ្ងៃ​ (​២​៤​/​៧​) ​លើកលែងតែ​មានការ​ជូនដំណឹង​ស្តីពី​ការ​ផ្អាក​ជា​បណ្តោះអាសន្ន​ពី​ប្រា​សាក់​ ​។
    2. ​ប្រា​សាក់​នឹង​ធ្វើការ​ជូនដំណឹង​ជាមុន​ ​ករណី​មានការ​ផ្អាក​ប្រតិបត្តិការ​ដើម្បី​ជួសជុល​ ​ឬ​ធ្វើ​បច្ចុប្បន្ន​ភាពប្រព័ន្ធ​ ​។
    3. ប្រាសាក់ រក្សាសិទ្ធិក្នុងការផ្អាកប្រតិបត្តិការពេលមានបញ្ហាផ្សេងៗ ឬពេលមានការចាំបាច់ផ្សេងៗ ។​
  10. ប្រការ​ 10​. ​ការបញ្ឈប់​ការប្រើប្រាស់​សេវា​ទូទាត់​បាគង
    1. លោក​-​លោកស្រី​ ​អាច​ធ្វើ​ការបញ្ឈប់​ការប្រើប្រាស់​សេវា​ទូទាត់​បាគង​បាន​ ​ដោយ​ប្រតិបត្តិ​តាមរយៈ​ទូរស័ព្ទ​ចល័ត​របស់​លោក​-​លោកស្រី​ដោយ​ផ្ទាល់​ ​ដោយ​ពុំ​ចាំបាច់​អញ្ជើញ​មក​​ការិយាល័យ​ប្រា​សាក់​ឡើយ​ ​។
    2. ​ដើម្បី​អាច​បញ្ឈប់​ការប្រើប្រាស់​សេវា​ទូទាត់​បាគង​បាន​ ​តម្រូវ​ឱ្យ ​លោក​-​លោកស្រី​ ​ធ្វើការ​ដកប្រាក់​ ​ឬ​ផ្ទេរ​ប្រាក់​ចេញពី​គណនី​បាគង​ឱ្យ​នៅសល់​សមតុល្យ​សូន្យ​ជាមុន​សិន​ ​។
  11. ​ប្រការ​ 11. ​លក្ខខណ្ឌ​សុវត្ថិភាព​នៃ​ពាក្យសម្ងាត់​ (​Pass​code​) ​និង​លេខ​កូ​ដ​សម្ងាត់​ (​P​IN​ ​Code​)
    1. ត្រូវ​ជ្រើសរើស​ពាក្យសម្ងាត់​ (​Pass​code​) ​និង​/​ឬ​លេខ​កូ​ដ​សម្ងាត់​ (​P​IN​ ​Code​) ​ផ្ទាល់ខ្លួន​ដោយ​ក្នុង​នោះ​ត្រូវ​មាន​ជា​អក្សរធំ​ ​អក្សរតូច​ ​លេខ​ ​និង​មាន​សញ្ញា​ពិសេស​ ​ជាដើម​ ​ទៅតាម​លក្ខខណ្ឌ​តម្រូវ​នៃ​ប្រព័ន្ធ​ ​។
    2. ​​សូម​ចងចាំ​ពាក្យសម្ងាត់​ ​និង​/​ឬ​លេខ​កូ​ដ​សម្ងាត់​ ​របស់​ ​លោក​-​លោកស្រី​ ​ហើយ​កុំ​កត់ត្រា​លើ​អ្វីមួយ​ ​ឬ​ ឱ្យ​អ្នក​ដ៏​ទៃ​ដឹង​ ​។
    3. សូម​កុំ​ផ្តល់​ពាក្យសម្ងាត់​ ​ឬ​លេខ​កូ​ដ​សម្ងាត់​ ​និង​/​ឬ​ព័ត៌មាន​ផ្ទាល់ខ្លួន​ដល់​នរណា​ម្នាក់​ឡើយ​ ​។
    4. សូម​ធ្វើ​ការផ្លាស់ប្តូរ​ពាក្យសម្ងាត់​ ​និង​/​ឬ​លេខ​កូ​ដ​សម្ងាត់​របស់​ ​លោក​-​លោកស្រី​ ឱ្យ​បាន​ជាប្រចាំ​ ​។
    5. សូម​កុំ​ប្រើ​ ​ថ្ងៃខែ​ឆ្នាំ​កំណើត​ ​លេខ​ទូរស័ព្ទ​ ​លេខ​គណនី​ ​ឬ​ ​លេខរៀង​ដែល​ងាយស្រួល​ចាំ​ ​សម្រាប់​កំណត់​ជា​ពាក្យសម្ងាត់​ ​និង​/​ឬ​លេខ​កូ​ដ​សម្ងាត់​ ​ដើម្បី​ប្រើប្រាស់​ជាមួយ​សេវា​ទូទាត់​បាគង​របស់​ ​លោក​-​លោកស្រី​ ​។
    6. ត្រូវតែ​ធានា​ឱ្យ​ច្បាស់​ថា​ ​ពេល​ ​លោក​-​លោកស្រី​ ​បញ្ចូល​ ​ពាក្យសម្ងាត់​ ​ឬ​លេខ​កូ​ដ​សម្ងាត់​ (​P​IN​ ​Code​) ​មិន​អាច​ត្រូវ​បាន​ឃ្លាំមើល​ដោយ​អ្នកណាម្នាក់​ ​ឬក៏​មិន​មាន​មនុស្ស​នៅ​ក្បែ​អ្នក​ឡើយ​ ​។
    7. សូម​ប្តូរ​ពាក្យសម្ងាត់​ ​ឬ​លេខ​កូ​ដ​សម្ងាត់​ (​P​IN​ ​Code​) ​ប្រសិនបើ​លោកអ្នក​សង្ស័យ​ថា​ ​ត្រូវ​បាន​ដឹង​ ​ដោយ​អ្នក​ដ៏​ទៃ​ ​។
    8. លោក​-​លោកស្រី​ ​ត្រូវតែ​រក្សា​ពាក្យសម្ងាត់​ ​ឬ​លេខ​កូ​ដ​សម្ងាត់​ ​របស់​ ​លោក​-​លោកស្រី​ ឱ្យ​មាន​សុវត្ថិភាព​ ​។​ ​រាល់​ការខូចខាត​ដែល​កើត​ចេញពី​ការ​ធ្វេសប្រហែស​ក្នុង​ការ​រក្សា​ព័ត៌មាន​សម្ងាត់​ខាងលើ​ ​គឺជា​ការទទួលខុសត្រូវ​ទាំងស្រុង​របស់​លោក​-​លោកស្រី​ ​។
    9. ករណី​លោក​-​លោកស្រី​ ​ភ្លេច​ពាក្យសម្ងាត់​ ​ឬ​លេខ​កូ​ដ​សម្ងាត់​ ​លោក​-​លោកស្រី​ ​អាច​ទំនាក់ទំនង​មក​ប្រា​សាក់​ដើម្បី​ណែនាំ​ពី​វិធី​នៃ​ការ​ស្នើសុំ​ពាក្យសម្ងាត់​ ​ឬ​លេខ​កូ​ដ​សម្ងាត់​ ​ឡើងវិញ​តាមរយៈ​មន្ត្រី​ទំនាក់ទំនង​អតិថិជន​ ​របស់យើង​លេខ​ ​០​២​៣​/​០​៨​៦​ ​៩​៩​៩​ ​៩​១​១​ ​។
  12. ​ប្រការ​ 12​. ​គន្លឹះ​សុវត្ថិភាព​នៃ​ទូរស័ព្ទ​ចល័ត​ដែល​ភ្ជាប់​ប្រព័ន្ធ​បាគង
    1. ​សូម​បង្កើត​លេខ​សម្ងាត់​ (​Password​) ​ដើម្បី​ការពារ​ទូរស័ព្ទ​ ​របស់​លោក​-​លោកស្រី​ ​ពី​ការ​ចូល​ប្រើប្រាស់​ដោយ​គ្មាន​ការ​អនុញ្ញាត​ ​។
    2. ​​មិន​ត្រូវ​ភ្ជាប់​ប្រព័ន្ធ​ ​ឬ​បញ្ចូល​កម្មវិធី​ ​ដែល​មិន​ស្គាល់​ក្នុង​ទូរស័ព្ទ​ឡើយ​ ​។​ ​ករណី​បាន​ភ្ជាប់​ ​ត្រូវ​បិទ​ ​និង​ស​ម្អា​ត​ភ្លាម​ៗ​ដើម្បី​ចៀសវាង​ការ​ឆ្លង​មេរោគ​ ​ឬ​ការ​បន្លំ​លួច​ (​Virus​ ​and​/or ​Hack​e​r) ​។
    3. ​សូម​កុំ​ប្រើ​ទូរស័ព្ទ​ដែល​ភ្ជាប់​ប្រព័ន្ធ​បាគង​ ​ជាមួយ​សេវា​អុី​ន​ធឺ​ណែ​ត​សាធារណៈ​ ​ឬ​ ​ប្រើប្រាស់​រួម​ជាមួយ​អ្នក​ដ៏​ទៃ​ឡើយ​ ​ដើម្បី​ជៀសវាង​ពី​ការ​បន្លំ​លួច​ដោយ​ ​Hack​e​r ​។
    4. ​សូម​កុំ​ទុក​ទូរស័ព្ទ​ដែល​កំពុង​បើក​កម្មវិធី​ប្រព័ន្ធ​បាគង​ចោល​នៅ​ទី​សាធារណៈ​ ​។
    5. សូម​ចាកចេញ​ (​Logo​u​t​) ​ពី​កម្មវិធី​នៃ​ប្រព័ន្ធ​បាគង​ ​នៅ​ពេល​ ​លោក​-​លោកស្រី​ ​ធ្វើ​ប្រតិបត្តិការ​រួចរាល់​ ​។
    6. ​ត្រូវ​រក្សា​ទូរស័ព្ទ​ដែល​បាន​ភ្ជាប់​ប្រព័ន្ធ​បាគង​ឱ្យ​មាន​សុវត្ថិភាព​ល្អ​ ​។​ ​ប្រសិនបើ​ទូរស័ព្ទ​នោះ​ ​ខូច​ ​ឬ​បាត់​ ​ត្រូវ​ជូនដំណឹង​មក​ប្រា​សាក់​ជាបន្ទាន់​ដើម្បី​បង្ខាំង​គណនី​ ​ឬ​ចាត់វិធានការ​ផ្សេងៗ​តាម​លក្ខណៈ​បច្ចេកទេស​ ​ដើម្បី​ទប់​ស្កាត់​ការ​បន្លំ​ធ្វើ​ប្រតិបត្តិការ​ ​។
    7. ក្នុង​ករណី​ ​លោក​-​លោកស្រី​ ​លក់​ ​ឬ​ផ្ទេរ​ទូរស័ព្ទ​ឱ្យ​អ្នក​ផ្សេង​ ​ត្រូវ​លុប​កម្មវិធី​ប្រព័ន្ធ​បាគង​ចេញពី​ក្នុង​ទូរស័ព្ទ​ឱ្យ​បាន​រួចរាល់​ជាមុន​ ​។​
  13. ប្រការ​ 13​. ​សិទ្ធិ​ ​និង​កាតព្វកិច្ច​របស់​អតិថិជន
    1. ​​លោក​-​លោកស្រី​ ​ត្រូវ​ប្រាកដ​ថា​គ្រប់​ព័ត៌មាន​ដែល​បាន​ផ្តល់​ឱ្យ​ដើម្បី​ប្រើប្រាស់​សេវា​ទូទាត់​បាគង​ ​ពិតជា​ព័ត៌មាន​ត្រឹមត្រូវ​ ​និង​ថ្មី​បំផុត​ ​។​ ​ករណី​ ​លោក​-​លោកស្រី​ ​ផ្តល់​ព័ត៌មាន​មិន​ពិត​ ​ឬ​ក្លែងក្លាយ​ ​នោះ​ ​លោក​-​លោកស្រី​ ​ត្រូវ​ទទួលខុសត្រូវ​ទាំងស្រុង​ចំពោះមុខ​ច្បាប់​ ​។
    2. ​​​លោក​-​លោកស្រី​ ​ត្រូវធ្វើ​ការ​ត្រួតពិនិត្យ​លើ​ព័ត៌មាន​នៃ​ការ​ទូទាត់​ឱ្យ​បាន​ត្រឹមត្រូវ​មុននឹង​បញ្ជាការ​ទូទាត់​នៅ​ក្នុង​ទូរស័ព្ទ​របស់​ខ្លួន​ ​។​ ​រាល់​ការ​បញ្ចូល​ព័ត៌មាន​ ​ឬ​លេខ​គណនី​ខុស​ ​ឬ​ផ្ទេរ​សមតុល្យ​លើស​ ​ឬ​ខ្វះ​ ​ជាដើម​ ​ជា​ការទទួលខុសត្រូវ​ទាំងស្រុង​របស់​អតិថិជន​ ​។
    3. លោក​-​លោកស្រី​ ​ត្រូវ​ទទួលខុសត្រូវ​លើ​ការប្រើប្រាស់​សេវា​ទូទាត់​បាគង​ ​។​ ​រាល់​ការ​បាត់បង់​ទឹកប្រាក់​ក្នុង​គណនី​ផ្ទាល់ខ្លួន​ ​ឬ​គណនី​របស់​អ្នក​ផេ្ស​ង​ ​ដែល​ប្រព្រឹត្ត​ដោយចេតនា​ ​ឬ​អចេតនា​ ​ឬ​ដោយ​ការ​ធ្វេសប្រហែស​ ​ឬ​ដោយ​ការសាកល្បង​ធ្វើ​ប្រតិ​ប​តិ្ត​ការ​ផ្សេងៗ​ ​ការលុកលុយ​រុករក​ ​ការ​កែ​បន្លំ​ទិន្នន័យ​ ​ការ​លួច​បន្លំ​ដោយ​ផ្ទាល់​ ​ឬ​ដោយប្រយោល​ ​តែម្នាក់ឯង​ ​ឬ​ដោយមាន​ការចូលរួម​ពី​អ្នកដទៃ​ ​លោក​-​លោកស្រី​ ​ត្រូវ​ទទួលខុសត្រូវ​ចំពោះមុខ​ច្បាប់ជាធរមាន​ ​។
    4. លោក​-​លោកស្រី​ ​ត្រូវ​អនុវត្ត​ឱ្យ​បាន​ខ្ជាប់ខ្ជួន​នូវ​គ្រប់​ចំណុច​នៅ​លើ​លក្ខខណ្ឌ​ទូទៅ​នៃ​ការប្រើប្រាស់​សេវា​ទូទាត់​បាគង​នេះ​ ​។​ 
    5. ​លោក​-​លោកស្រី​ ​យល់ព្រម​ដោយ​ឥត​លក្ខខណ្ឌ​ក្នុង​ការ​ទូទាត់​សំណង​មក​ប្រា​សាក់​ ​ករណី​មានការ​ប្តឹងតវ៉ា​ ​ការ​ទាមទារ​ ​ការទទួលខុសត្រូវ​ ​ការ​ខាតបង់​ ​ឬ​ការ​ចំណាយ​ផ្សេងៗ ​ដែល​ប្រា​សាក់​ទទួលរង​​ទាក់ទង​នឹង​ប្រតិបត្តិការ​សេវា​ទូទាត់​បាគង​ ​និង​ដោយ​ការ​អនុវត្ត​បំពាន​របស់​ ​លោក​-​លោកស្រី​ ​លើ​លក្ខខណ្ឌ​ទូទៅ​នៃ​ការប្រើប្រាស់​សេ​វានេះ​ ​រួម​ទាំង​ការ​ខក​ខានមិនបាន​ចាត់វិធានការ​ទប់​ស្កាត់​ ​ការ​ធើ្វ​ប្រតិបត្តិការ​សេវា​ទូទាត់​បាគង​ ​ដោយ​គ្មាន​ការអនុញ្ញាត​ ​ឬ​ប្រតិបត្តិការ​កែ្ល​ង​បន្លំ​ ​ជាដើម​ ​។
    6. ​លោក​-​លោកស្រី​ ​មាន​សិទ្ធិ​ទទួល​បាន​សេវាកម្ម​គ្រប់​ប្រភេទ​នៃ​សេវា​ទូទាត់​បាគង​ ​ដែល​ប្រា​សាក់​បាន​ព្រមព្រៀង​ផ្តល់​ជូន​ ​ហើយ​ ​លោក​-​លោកស្រី​ ​មាន​សិទ្ធិ​អង្កេត​មើល​ពី​គុណភាព​សេវាកម្ម​ ​និង​ផ្តល់​យោបល់​ដល់​ប្រា​សាក់​ដើម្បី​កែ​លម្អ​ ​។
    7. លោក​-​លោកស្រី​ ​មាន​សិទ្ធិ​ទទួល​បាន​ព័ត៌មាន​ពាក់ព័ន្ធ​នឹង​មុខងារ​នៃ​សេវា​ទូទាត់​បាគង​ ​វិធី​សា​ស្រ្ត​នៃ​ការប្រើប្រាស់​ ​ក​ម្រៃ​សេវាកម្ម​ ​អត្រា​ការប្រាក់​ ​និង​ ​របៀប​គិត​ក​ម្រៃ​ពាក់ព័ន្ធ​ជាដើម​ ​។
    8. លោក​-​លោកស្រី​ ​មាន​សិទ្ធិ​សាកសួរ​ក្នុង​ករណី​មាន​ភាព​មិនស៊ីគ្នា​នៃ​របាយការណ៍​គណនី​បាគង​ ​ឬ​ប្រតិបត្តិការ​ផ្សេងៗ​ ​។
  14. ​ប្រការ​ 14​. ​សិទ្ធិ​ ​និង​កាតព្វកិច្ច​របស់​ប្រា​សាក់
    1. ​ប្រា​សាក់​ ​មាន​សិទ្ធិ​ផ្ទៀងផ្ទាត់​ ​និង​ពិនិត្យ​ពី​ប្រវត្តិរូប​របស់​លោក​-​លោកស្រី​ ​ហើយ​អាច​ទាមទារ​ព័ត៌មាន​ផ្ទាល់ខ្លួន​បន្ថែម​របស់​លោក​-​លោកស្រី​ ​និង​មាន​សិទ្ធិ​សម្រេច​ក្នុង​ការ​ផ្តល់​ ​ឬ​មិន​ផ្តល់​ជូន​នូវ​សេវា​ទូទាត់​បាគង​ជូន​លោក​-​លោកស្រី​ ​។
    2. ​​​ប្រា​សាក់​នឹង​អនុវត្ត​តាម​ការ​បញ្ជា​លើ​ប្រតិបត្តិការ​ទូទាត់​តាមរយៈ​ប្រព័ន្ធ​បាគង​ ​របស់​លោក​-​លោកស្រី​ ​តែ​ប្រា​សាក់​មិន​ទទួលខុសត្រូវ​ករណី​ ​លោក​-​លោកស្រី​ ​បាន​បញ្ចូល​ព័ត៌មាន​ ​ឬ​លេខ​គណនី​ខុស​ ​ឬ​ផ្ទេរ​សមតុល្យ​លើស​ ​ឬ​ខ្វះ​ ​ជាដើម​ ​។
    3. ប្រា​សាក់​មាន​សិទ្ធិ​សហការ​ជាមួយ​អាជ្ញាធរ​មានសមត្ថកិច្ច​ក្នុង​ការស៊ើបអង្កេត​ ​បង្ខាំង​ ​ឬ​បញ្ឈប់​ការប្រើប្រាស់​សេវា​ទូទាត់​បាគង​ ​របស់​ ​លោក​-​លោកស្រី​ ​ដោយ​យោង​លើ​វិធាន​នៃ​ច្បាប់​ ​ឬ​ដីកា​រ​ពី​តុលាការ​ ​។
    4. ​ប្រា​សាក់​រក្សាសិទ្ធិ​ក្នុង​ការ​បង្ខាំង​គណនី​បាគង​របស់​ ​លោក​-​លោកស្រី​ ​ករណី​ ​លោក​-​លោកស្រី​ ​មិនបាន​បំពេញ​ព័ត៌មាន​ឱ្យ​បាន​ត្រឹមត្រូវ​ ​និង​គ្រប់គ្រាន់​ ​ទៅតាម​លក្ខខណ្ឌ​តម្រូវ​របស់​ប្រា​សាក់​ ​។
    5. ​នៅ​ក្នុង​ហេតុការណ៍​ដែល​សេវា​ទូទាត់​បាគង​របស់​ ​លោក​-​លោកស្រី​ ​មិន​អាច​ប្រើប្រាស់​បាន​ដោយ​ករណី​ប្រធានសក្តិ​ ​ប្រា​សាក់​នឹង​ជួយ​ដល់​ ​លោក​-​លោកស្រី​ ​ក្នុង​ការ​រក​ដំណោះស្រាយ​ ​ឬ​ផ្តល់​ជំនួយ​ការចាំបាច់​ណាមួយ​យោង​លើ​ហេតុផល​ជាក់ស្តែង​ ​ប៉ុន្តែ​ប្រា​សាក់​មិន​ទទួលខុសត្រូវ​ទៅលើ​ហេតុការណ៍​ទាំងនោះ​ទេ​ ​។
    6. ​​ប្រា​សាក់​មាន​សិទ្ធិ​កំណត់​ក​ម្រៃ​សេវា​ពាក់ព័ន្ធ​ ​ឬ​ធ្វើការ​កែប្រែ​ក​ម្រៃ​សេវា​អាស្រ័យ​លើ​លក្ខ​ខ​ណ្ខ​នៃ​អាជីវកម្ម​ជាក់ស្តែង​ ​។
    7. ប្រា​សាក់​ផ្តល់​លេខ​ទូរស័ព្ទ​សម្រាប់​បម្រើ​សេវាកម្ម​ ​២​៤​ ​ម៉ោង​ ​ហើយ​ផ្តល់​សេវា​ប្រឹក្សា​អំពី​សេវាកម្ម​ ​និង​ការ​រាយការណ៍​ពី​ការ​ភ្លេច​លេខ​សម្ងាត់​ ​ឬ​បញ្ហា​ផ្សេងៗ​ដែល​កើតមាន​ ​។
    8. ប្រា​សាក់​នឹង​រក្សា​ការសម្ងាត់​រាល់​ព័ត៌មាន​របស់​ ​លោក​-​លោកស្រី​ ​លើកលែងតែ​ច្បាប់​តម្រូវ​ ​ឬ​មាន​ដីកា​រ​ពី​តុលាការ​ ​។
    9. ប្រា​សាក់​រក្សាសិទ្ធិ​ក្នុង​ការ​ផ្អាក​ប្រតិបត្តិការ​ពេល​មាន​បញ្ហា​ផ្សេងៗ​ ​និង​ពេល​មាន​ការចាំបាច់​ជាដើម​ ​។
  15. ប្រការ​ 15. ​ការ​ទប់​ស្កាត់​ការ​ស​ម្អា​ត​ប្រាក់​ ​និង​ហិរញ្ញប្បទាន​ភេរវកម្ម
    1. ​​តាមរយៈ​ការ​ទទួលយក​នូវ​លក្ខខណ្ឌ​ប្រើប្រាស់​ទាំងអស់​នេះ​ ​លោក​-​លោកស្រី​ ​យល់ព្រម​ជាមួយ​ប្រា​សាក់​ថា​ ​ប្រា​សាក់​អាច​នឹង​ព​ន្យា​ពេល​ ​ឬ​បង្ខាំង​ទុក​ ​ឬ​បដិសេធ​មិន​ឱ្យ​ដំណើរការ​នូវ​ប្រតិបត្តិការ​ណាមួយ​ដែល​មិន​មាន​ការទទួលខុសត្រូវ​ ​ប្រសិនបើ​ប្រា​សាក់​ ​សង្ស័យ​ថា​៖
      1. ប្រតិបត្តិការ​ដែល​បាន​ធ្វើឡើង​នោះ​អាច​ផ្ទុយ​នឹង​ច្បាប់​នៃ​ព្រះរាជាណាចក្រកម្ពុជា​ ​ឬ​ ​ច្បាប់អន្តរជាតិ​ ​។​
      2. ​ប្រតិបត្តិការ​ដែល​បាន​ធ្វើឡើង​នោះ​អាច​នឹង​ពាក់ព័ន្ធ​ដោយ​ផ្ទាល់​ ​និង​/​ឬ​ ​ដោយប្រយោល​ទៅ​នឹង​ដំណើរការ​ ​ឬ​គោលបំណង​នៃ​ការប្រព្រឹត្ត​សកម្មភាព​ខុសច្បាប់​ ​។
    2. ​​​លោក​-​លោកស្រី​ ​យល់ព្រម​ ​និង​ទទួលរ៉ាប់រង​ចំពោះ​ប្រា​សាក់​ថា​ ​រាល់​ការ​ទូទាត់ប្រាក់​តាមរយៈ​សេវា​ទូទាត់​បាគង​របស់​ប្រា​សាក់​មិន​រំលោភបំពាន​លើ​ច្បាប់​នៃ​ព្រះរាជាណាចក្រកម្ពុជា​ ​ឬ​ដែន​សមត្ថកិច្ច​នៃ​ប្រទេស​ណា​មួយផ្សេងទៀត​ឡើយ​ ​។
  16. ​ប្រការ​ 16. ​ការ​កែប្រែ​ ​ក​ម្រៃ​សេវា​ ​ទំហំ​កំណត់​ ​លក្ខខណ្ឌ​ ​និង​ការ​ជូនដំណឹង
    1. ​ប្រា​សាក់​រក្សាសិទ្ធិ​ក្នុង​ការ​កែប្រែ​ព័ត៌មាន​ ​ក​ម្រៃ​សេវា​ ​ទំហំ​កំណត់​ ​និង​/​ឬ​លក្ខខណ្ឌ​ផ្សេងៗ​ពាក់ព័ន្ធ​នឹង​ការប្រើប្រាស់​សេវាកម្ម​នេះ​ ​ដោយ​ប្រា​សាក់​នឹង​ធ្វើការ​ជូនដំណឹង​ទៅ​លោក​-​លោកស្រី​ឱ្យ​បាន​ត្រឹមត្រូវតាម​លក្ខខណ្ឌ​នៃ​ច្បាប់​ ​។
    2. ​​​ក្នុងរយៈពេល​នៃ​ការ​ជូនដំណឹង​ខាងលើ​ ​ករណី​មិន​មានការ​តវ៉ា​ពីសំណាក់​ ​លោក​-​លោកស្រី​ ​ត្រូវ​ស​ន្មត់​ថា​លោក​-​លោកស្រី​បាន​យល់ព្រម​ ​និង​ទទួលយក​ការ​កែប្រែ​ខាងលើ​ ​មក​អនុវត្ត​ភ្លាម​ៗ​បន្ទាប់ពី​ការ​កែប្រែ​ចូលជាធរមាន​ដែល​ត្រូវ​បាន​ផ្សព្វផ្សាយ​តាមរយៈ​មធ្យោបាយ​ណាមួយ​ខាងក្រោម​៖
      (1) តាមរយៈ​សាខា​របស់​ប្រា​សាក់​ ​និង​/​ឬ​
      (2) តាមរយៈ​វេ​ប​សាយ​ត៍ ​និង​/​ឬ​បណ្តាញទំនាក់ទំនងសង្គម​ផ្លូវការ​របស់​ប្រា​សាក់​ ​និង​/​ឬ​
      (3) ការ​ផ្ញើ​សារ​ ​និង​/​ឬ​ ​អុី​ម៉ែ​ល​ទៅកាន់​អតិថិជន​
      (4) តាមរយៈ​ការ​ផ្សព្វផ្សាយ​នៅ​លើ​ទំព័រ​ការ​សែត​ ​ទស្សនាវដ្តី​ ​កម្មវិធី​សេវា​ធនាគារ​ចល័ត​ ​កម្មវិធី​បាគង​ ​ឬ​មធ្យោបាយ​ផ្សេងៗ​ដែល​ប្រា​សាក់​បាន​ជ្រើសរើស​ ​។​ល​។
    3. អតិថិជន​ត្រូវ​បាន​សន្មត​ថា​បាន​ទទួលការ​ជូនដំណឹង​ស្តីពី​ការ​កែប្រែ​ខាងលើ​ភ្លាម​ៗ​ ​បន្ទាប់ពី​ប្រា​សាក់​បាន​ធ្វើការ​ចុះផ្សាយ​ពី​ការ​កែប្រែ​ព័ត៌មាន​នានា​របស់​ខ្លួន​ ​តាមរយៈ​មធ្យោបាយ​ណាមួយ​ក្នុងចំណោម​មធ្យោបាយ​ខាងលើ​ ​។
  17. ​ប្រការ​ 17​. ​ច្បាប់​ ​និង​ការ​ដោះស្រាយ​វិវាទ
    1. លក្ខខណ្ឌ​ទូទៅ​នេះ​ ​ត្រូវ​បាន​គ្រប់គ្រង​ ​និង​បកស្រាយ​ដោយ​យោង​តាមច្បាប់​នៃ​ព្រះរាជាណាចក្រកម្ពុជា​ ​។
    2. ករណី​មាន​វិវាទ​កើតឡើង​ ​ភាគី​ទាំងពីរ​ត្រូវ​ដោះស្រាយ​ដោយ​សន្តិវិធី​ ​។​ ​ករណី​វិវាទ​មិន​អាច​ដោះស្រាយ​បាន​ដោយ​សន្តិវិធី​ ​ឬ​ក្រៅ​ប្រព័ន្ធ​តុលាការ​ ​នោះ​វិវាទ​ត្រូវ​ដោះស្រាយ​ទៅតាម​ប្រព័ន្ធ​តុលាការ​ដោយ​យោង​ទៅ​តាមច្បាប់​នៃ​ព្រះរាជាណាចក្រកម្ពុជា​ ​។
    3. បញ្ហា​ផ្សេងៗ​ដែល​មិន​មាន​ចែង​នៅ​ក្នុង​ប្រការ​ទាំងនេះ​ ​ត្រូវ​អនុវត្ត​តាមច្បាប់​នៃ​ព្រះរាជាណាចក្រកម្ពុជា​ ​។​
  18. ​ប្រការ 18. ​វិភាគ​ភាព

    19. ​​ប្រសិនបើ​ប្រការ​ណាមួយ​នៃ​កិច្ចព្រមព្រៀង​នេះ​មិន​អាច​អនុវត្ត​បាន​ ​ឬ​គ្មាន​សុពលភាព​តាម​ផ្លូវច្បាប់​ ​ប្រការ​ទាំងនោះ​អស់​សុពលភាព​ត្រឹម​ក​ម្រិ​ត​ ​ដែល​ប្រការ​នោះ​មិន​អាច​អនុវត្ត​បាន​ ​ឬ​អស់​សុពលភាព​របស់​ប្រការ​នោះ​តែប៉ុណ្ណោះ​ ​ចំណែក​ប្រការ​ផ្សេងទៀត​នៃ​កិច្ចព្រមព្រៀង​នេះ​នៅតែ​បន្ត​មាន​សុពលភាព​អនុវត្ត​ដដែល​ ​។

  19. ប្រការ​ 19.​ ​ភាសា

    20. ​លក្ខខណ្ឌ​ទូទៅ​នេះ​ត្រូវ​បាន​ធ្វើឡើង​ជា​ភាសាខ្មែរ​ ​និង​ភាសា​អង់គ្លេស​ ​។​ ​ករណី​មាន​ចំណុច​ណាមួយ​រវាង​អត្ថបទ​ទាំងពីរ​មានន័យ​មិន​ស្រប​ ​ឬ​មិនស៊ីគ្នា​ ​នោះ​អត្ថបទ​ជា​ភាសាខ្មែរ​ចាត់ទុកជា​បានការ​ ​។

    ​ខ្ញុំ​ ​បាន​អាន​ ​និង​យល់ព្រម​អនុវត្ត​តាម​លក្ខខណ្ឌ​ទូទៅ​សម្រាប់​ប្រើប្រាស់​សេវា​ទូទាត់​បាគង​ ​ដូច​បាន​បញ្ជាក់​ខាងលើ​ ​៕

​លក្ខខណ្ឌ​ទូទៅ​នេះ​ត្រូវ​បាន​អនុវត្ត​ចំពោះ​ប្រតិបត្តិការ​លើ​សេវាកម្ម​ធនាគារ​អេ​ឡិច​ត្រូនិ​ក​ទាំងអស់​ ​រួម​មាន​ ​ការប្រើប្រាស់​ប័ណ្ណ​អេ​ធី​អឹ​ម​ ​និង​សេវា​ធនាគារ​ចល័ត​ ​ជាដើម​ ​។

  1. លក្ខខណ្ឌ​ទូទៅ​៖
    1. លក្ខខណ្ឌ​ទាំងនេះ​ ​គឺជា​កិច្ចព្រមព្រៀង​រវាង​អតិថិជន​ ​ជាមួយ​ ​គ្រឹះស្ថាន​មីក្រូ​ហិរញ្ញវត្ថុ​ប្រា​សាក់​ ​ម​.​ក​ ​តទៅ​ហៅថា​ “​ប្រា​សាក់​” ​ទាក់ទង​ទៅ​នឹង​ការប្រើប្រាស់​សេវា​ធនាគារ​ចល័ត​ ​ឬ​ប័ណ្ណ​អេ​ធី​អឹ​ម​ ​។
    2. ​អតិថិជន​ត្រូវ​អាន​លក្ខខណ្ឌ​ខាងក្រោម​នេះ​ដោយ​ប្រុងប្រយ័ត្ន​ហើយ​បញ្ជាក់​ឡើងវិញ​ប្រសិនបើ​ចាំបាច់​មុន​ធ្វើ​ប្រតិបត្តិការ​ ​។
  2. ឯកសារ​តម្រូវ​ ​និង​ការ​ផ្តល់​ព័ត៌មាន​៖
    1. ​នៅ​ពេល​អតិថិជន​ស្នើសុំ​ប្រើប្រាស់​សេវា​ធនាគារ​ចល័ត​ ​ឬ​ប័ណ្ណ​អេ​ធី​អឹ​ម​ប្រា​សាក់​ ​អតិថិជន​ត្រូវ​ផ្តល់​ព័ត៌មាន​ចាំបាច់​ដល់​ ​ប្រា​សាក់​ ​ដោយ​ត្រូវ​បំពេញ​ពាក្យ​ស្នើសុំ​ ​និង​ចុះហត្ថលេខា​ ​។​ ​អតិថិជន​ ​បាន​អះអាង​ថា​ខ្លួន​យល់ព្រម​អនុវត្ត​តាម​លក្ខខណ្ឌ​ទាំងឡាយ​របស់​ប្រា​សាក់​ ​និង​ទទួលខុសត្រូវ​នូវ​រាល់​ព័ត៌មាន​ដែល​បាន​បំពេញ​ ​និង​គោរព​តាម​រាល់​វិធាន​ ​ដែល​មាន​ចែង​នៅ​ក្នុង​លក្ខខណ្ឌ​ស្តីពី​ការប្រើប្រាស់​សេវាកម្ម​នេះ​ ​។
    2. អតិថិជន​ដែល​ជា​អ្នកប្រើប្រាស់​សេវា​ធនាគារ​ចល័ត​ ​ឬ​ប័ណ្ណ​អេ​ធី​អឹ​ម​ ​បាន​ទទួលស្គាល់​ ​និង​ព្រមព្រៀង​តាម​ការ​ស្នើសុំ​ ​របស់​អាជ្ញាធរ​មានសមត្ថកិច្ច​ ​ប្រា​សាក់​នឹង​ផ្តល់​ព័ត៌មាន​ដោយ​យោង​ ​តាម​ដីកាបញ្ជារ​ប​ស់​តុលាការ​ ​ឬ​អាជ្ញាធរ​មានសមត្ថកិច្ច​ពាក់ព័ន្ធ​ (​មិនថា​ក្នុង​ ​ឬ​ ​ក្រៅ​ប្រទេស​កម្ពុជា​) ​។
  3. ​ទំហំ​កំណត់​នៃ​ប្រតិបត្តិការ​ ​និង​ ​ក​ម្រៃ​សេវា​៖
    1. ​ទំហំ​កំណត់​នៃ​ការ​ធ្វើ​ប្រតិបត្តិការ​តាមរយៈ​សេវា​ធនាគារ​ចល័ត​ ​ឬ​ប័ណ្ណ​អេ​ធី​អឹ​ម​ប្រា​សាក់​ ​គឺ​ត្រូវ​បាន​កំណត់​ទៅតាម​ប្រភេទ​ប័ណ្ណ​នីមួយៗ​ ​ឬ​សេវា​ធនាគារ​ចល័ត​របស់​ប្រា​សាក់​ ​ទៅតាម​ទំហំ​មួយ​ដែល​បាន​កំណត់​ដោយ​ប្រា​សាក់​ដូច​បាន​បង្ហាញ​ជូន​នៅ​តាម​សាខា​ប្រា​សាក់​ ​ឬ​វេ​ប​សាយ​ត៍​ប្រា​សាក់​ ​។
    2. ​នៅ​ពេល​អតិថិជន​ប្រើប្រាស់​សេវា​ធនាគារ​ចល័ត​ ​ឬ​ប័ណ្ណ​អេ​ធី​អឹ​ម​ ​ដើម្បី​ធ្វើ​ប្រតិបត្តិការ​មួយ​ចំនួន​បាន​ ​ប្រា​សាក់​អាច​តម្រូវ​ ឱ្យ​បង់ថ្លៃ​សេវា​ផ្សេងៗ​ ​។​ ​អតិថិជន​យល់ព្រម​បង់ថ្លៃ​សេវា​ផ្សេងៗ​ ​ហើយ​យល់ព្រម​ឱ្យ​ប្រា​សាក់​ទូទាត់​ថ្លៃ​សេវា​ដោយ​ផ្ទាល់​ចេញពី​គណនី​ផ្គត់ផ្គង់​សាច់ប្រាក់​របស់​អតិថិជន​ ​។
    3. រាល់​ប្រតិបត្តិការ​ទាំងឡាយ​ណា​ដែល​ច្បាប់​ហាមឃាត់​នឹង​មិន​ត្រូវ​បាន​អនុញ្ញាត​ឱ្យ​ប្រើប្រាស់​ជាមួយ​សេវា​ធនាគារ​ចល័ត​ ​និង​ប័ណ្ណ​អេ​ធី​អឹ​ម​ឡើយ​ ​ហើយ​វា​ជា​ការទទួលខុសត្រូវ​ទាំងស្រុង​របស់​អតិថិជន​លើ​ប្រតិបត្តិការ​ទាំងនោះ​ ​។
    4. អតិថិជន​អាច​ប្រើ​សេវា​ធនាគារ​ចល័ត​ ​ឬ​ប័ណ្ណ​អេ​ធី​អឹ​ម​ប្រា​សាក់​ ​បាន​នៅពេលដែល​គណនី​របស់​អតិថិជន​មាន​សមតុល្យ​គ្រប់គ្រាន់​សម្រាប់​ធ្វើ​ប្រតិបត្តិការ​នោះ​ ​។
    5. ​តម្លៃ​សេវាកម្ម​ពាក់ព័ន្ធ​នឹង​សេវា​ធនាគារ​ចល័ត​ ​ឬ​ប័ណ្ណ​អេ​ធី​អឹ​ម​ប្រា​សាក់​ ​ត្រូវ​បាន​ដាក់​បង្ហាញ​លើ​វេ​ប​សាយ​ត៍ ​និង​នៅ​គ្រប់​សាខា​ប្រា​សាក់​ ​។
    6. ​ប្រា​សាក់​មាន​សិទ្ធិ​ធ្វើការ​កែប្រែ​ក​ម្រៃ​សេវា​ ​ឬ​ទំហំ​ប្រតិបត្តិការ​ ​ដោយ​ប្រា​សាក់​នឹង​ធ្វើការ​ជូនដំណឹង​ទៅ​អតិថិជន​ ឱ្យ​បាន​ត្រឹមត្រូវតាម​លក្ខខណ្ឌ​តម្រូវ​នៃ​ច្បាប់​ ​។
  4. សុវត្ថិភាព​នៃ​លេខ​កូ​ដ​សម្ងាត់​ ​ប័ណ្ណ​អេ​ធី​អឹ​ម​ ​និង​អត្តលេខ​អ្នកប្រើប្រាស់​សេវា​៖
    1. ​​អតិថិជន​ត្រូវ​រក្សា​លេខ​កូ​ដ​សម្ងាត់​ ​ប័ណ្ណ​អេ​ធី​អឹ​ម​ ​និង​/​ឬ​អត្តលេខ​អ្នកប្រើប្រាស់​សេវា​ធនាគារ​ចល័ត​ ​របស់​ខ្លួន​ឱ្យ​មាន​សុវត្ថិភាព​ខ្ពស់​ ​។​ ​រាល់​ការខូចខាត​ដែល​កើត​ចេញពី​ការ​ធ្វេសប្រហែស​ក្នុង​ការ​រក្សា​ព័ត៌មាន​សម្ងាត់​ខាងលើ​ ​គឺជា​ការទទួលខុសត្រូវ​ទាំងស្រុង​របស់​អតិថិជន​ ​។
    2. ​ប្រា​សាក់​លើកទឹកចិត្ត​ឱ្យ​អតិថិជន​ប្តូរ​លេខ​កូ​ដ​សម្ងាត់​សេវា​ធនាគារ​ចល័ត​ ​ឬ​ប័ណ្ណ​អេ​ធី​អឹ​ម​របស់​ខ្លួន​ឱ្យ​បាន​ញឹកញាប់​ ​តាមដែល​អាច​ធ្វើ​ទៅ​បាន​ ​។
    3. ប្រសិនបើ​អត្តលេខ​អ្នកប្រើប្រាស់​ ​និង​/​ឬ​លេខ​កូ​ដ​សម្ងាត់​របស់​សេវា​ធនាគារ​ចល័ត​ ​ឬ​លេខ​កូ​ដ​របស់​ប័ណ្ណ​អេ​ធី​អឹ​ម​ ​ឬ​ប័ណ្ណ​អេ​ធី​អឹ​ម​របស់​អតិថិជន​ត្រូវ​បាន​បាត់បង់​ ​ឬ​ត្រូវ​បាន​គេ​លួច​ ​ឬ​រក​ឃើញ​ថា​មាន​ប្រតិបត្តិការ​ដែល​ធ្វើឡើង​ដោយ​គ្មាន​ការអនុញ្ញាត​បាន​កើតឡើង​លើ​គណនី​របស់​ខ្លួន​ ​អតិថិជន​ត្រូវតែ​ជូនដំណឹង​មក​ប្រា​សាក់​ជាបន្ទាន់​ ​ឬ​ទំនាក់ទំនង​មកកាន់​សេវា​បម្រើ​អតិថិជន​តាមរយៈ​លេខ​ ​០​២​៣​ / ​០​៨​៦​ ​៩​៩​៩​ ​៩​១​១​ ​។
  5. សិទ្ធិ​ ​និង​កាតព្វកិច្ច​របស់​អតិថិជន​៖
    1. ​​​អតិថិជន​ ​ត្រូវ​ប្រាកដ​ថា​គ្រប់​ព័ត៌មាន​ដែល​បាន​ផ្តល់​ឱ្យ​ប្រា​សាក់​នៅ​លើ​ពាក្យ​ស្នើសុំ​ប្រើប្រាស់​សេវា​ធ​នា​គា​រ​ចល័ត​ ​និង​ប័ណ្ណ​អេ​ធី​អឹ​ម​ប្រា​សាក់​ ​ពិតជា​ព័ត៌មាន​ត្រឹមត្រូវ​ ​ពិតប្រាកដ​ ​និង​ថ្មី​បំផុត​ ​។
    2. ​អតិថិជន​មាន​សិទ្ធិ​ទទួល​បាន​សេវាកម្ម​គ្រប់​ប្រភេទ​របស់​សេវា​ធនាគារ​ចល័ត​ ​និង​ប័ណ្ណ​អេ​ធី​អឹ​ម​ ​ដែល​ប្រា​សាក់​បាន​ព្រមព្រៀង​ផ្តល់​ជូន​ ​ហើយ​អតិថិជន​មាន​សិទ្ធិ​អង្កេត​មើល​ពី​គុណភាព​សេវាកម្ម​ ​និង​ផ្តល់​យោបល់​ដល់​ប្រា​សាក់​ចំពោះ​ចំណុច​ខ្វះខាត​នៃ​សេវាកម្ម​ ​។
    3. ​អតិថិជន​មាន​សិទ្ធិ​ទាមទារ​របាយការណ៍​សមតុល្យ​គណនី​ពី​ប្រា​សាក់​នៅ​ស្នាក់​ការ​ណាមួយ​ ​ឬ​ ​បោះពុម្ព​​របាយការណ៍​គណនី​លើ​ប្រតិបត្តិការ​តាមរយៈ​សេវា​ធនាគារ​ចល័ត​ ​នៅ​ក្នុង​អំឡុង​ពេល​ជាក់លាក់​ណាមួយ​ ​ដែល​កំណត់​ដោយ​ប្រា​សាក់​ ​ហើយ​មាន​សិទ្ធិ​សាកសួរ​ក្នុង​ករណី​មាន​ភាព​មិនស៊ីគ្នា​រវាង​របាយការណ៍​ទាំងនោះ​ ​។
    4. អតិថិជន​ ​ត្រូវ​ធានា​ពី​ភាព​ត្រឹមត្រូវ​នៃ​ព័ត៌មាន​ដែល​បាន​ផ្តល់​មក​ប្រា​សាក់​ ​ហើយ​ត្រូវ​ជូនដំណឹង​មក​ប្រា​សាក់​ជាលាយលក្ខណ៍អក្សរ​ឱ្យ​បាន​ទាន់ពេល​វេលា​ ​ក្នុង​ករណី​មាន​ការផ្លាស់ប្តូរ​ព័ត៌មាន​ទាំងនោះ​ ​បើ​មិន​ដូច្នេះ​ទេ​អតិថិជន​ត្រូវ​ទទួលខុសត្រូវ​លើ​រាល់​ការ​ខាតបង់​ ​ឬ​ការ​ព​ន្យា​ពេល​ផ្សេងៗ​ដែល​អាច​កើតឡើង​ ​។
  6. សិទ្ធិ​ ​និង​កាតព្វកិច្ច​របស់​ប្រា​សាក់​៖
    1. ​ប្រាសាក់​មាន​សិទ្ធិ​ផ្ទៀងផ្ទាត់​ ​និង​ពិនិត្យ​ប្រវត្តិរូប​របស់​អតិថិជន​ ​ហើយ​អាច​ទាមទារ​ព័ត៌មាន​ផ្ទាល់​របស់​អតិថិជន​ ​និង​មាន​សិទ្ធិ​សម្រេច​ក្នុង​ការ​ផ្តល់​ ​ឬ​មិន​ផ្តល់​ជូន​នូវ​សេវា​ធនាគារ​ចល័ត​ ​ឬ​ប័ណ្ណ​អេ​ធី​អឹ​ម​ដល់​អតិថិជន​ ​។
    2. ​ប្រា​សាក់​មាន​សិទ្ធិ​សហការ​ជាមួយ​អាជ្ញាធរ​មានសមត្ថកិច្ច​ក្នុង​ការស៊ើបអង្កេត​ ​និង​បង្កក​សេវា​ធនាគារ​ចល័ត​ ​ឬ​ប័ណ្ណ​អេ​ធី​អឹ​ម​ ​របស់​អតិថិជន​ដោយ​យោង​លើ​វិធាន​នៃ​ច្បាប់​ ​ឬ​ដីកា​ពី​តុលាការ​ ​។
    3. ​នៅ​ក្នុង​ហេតុការណ៍​ដែល​សេវា​ធនាគារ​ចល័ត​ ​ឬ​ប័ណ្ណ​អេ​ធី​អឹ​ម​មិន​អាច​ប្រើប្រាស់​បាន​ដោយ​ករណី​ប្រធានសក្តិ​ ​ឬ​ដោយហេតុ​ផល​ជាក់ច្បាស់​ណាមួយ​នោះ​ ​ប្រា​សាក់​នឹង​ជួយ​ដល់​អតិថិជន​ (​អ្នកប្រើប្រាស់​សេវា​ធនាគារ​ចល័ត​ ​ឬ​ប័ណ្ណ​អេ​ធី​អឹ​ម​) ​ក្នុង​ការ​រក​ដំណោះស្រាយ​លើ​បញ្ហា​ ​ឬ​ផ្តល់​ជំនួយ​ការចាំបាច់​ណាមួយ​យោង​លើ​ហេតុផល​ជាក់ស្តែង​ ​ប៉ុន្តែ​ប្រា​សាក់​មិន​ទទួលខុសត្រូវ​ទៅលើ​ហេតុការណ៍​នោះ​ទាំងស្រុង​ទេ​ ​។
    4. ប្រា​សាក់​មាន​សិទ្ធិ​យក​ក​ម្រៃ​សេវា​ ​និង​ថ្លៃ​សេវា​ពាក់ព័ន្ធ​អាស្រ័យ​លើ​លក្ខ​ខ​ណ្ខ​នៃ​អាជីវកម្ម​ខ្លួន​ ​។
    5. ​ប្រា​សាក់​នឹង​ផ្តល់​លេខ​ទូរស័ព្ទ​សម្រាប់​បម្រើ​សេវាកម្ម​ ​២​៤​ម៉ោង​ ​ហើយ​ផ្តល់​សេវា​ប្រឹក្សា​យោបល់​អំពី​គណនី​ ​និង​ការ​រាយការណ៍​ពី​ការ​ភ្លេច​លេខ​សម្ងាត់​ ​ឬ​បញ្ហា​ផ្សេងៗ​ដែល​កើតមាន​ ​។
    6. ​ប្រា​សាក់​នឹង​រក្សា​ការសម្ងាត់​នូវ​រាល់​ព័ត៌មាន​របស់​អតិថិជន​ ​លើកលែងតែ​តម្រូវ​ដោយ​ច្បាប់​ ​តុលាការ​ ​ឬ​អាជ្ញាធរ​មានសមត្ថកិច្ច​ ​។
  7. ការ​ប្រឆាំង​ការ​ស​ម្អា​ត​ប្រាក់​ ​និង​ហិរញ្ញប្បទាន​ភេរវកម្ម​៖
    1. ​​​អតិថិជន​យល់ព្រម​ ​និង​ទទួលរ៉ាប់រង​ចំពោះ​ប្រា​សាក់​នូវ​រាល់​ការ​ទូទាត់ប្រាក់​តាមរយៈ​សេវា​ធនាគារ​ចល័ត​ ​ឬ​ប័ណ្ណ​អេ​ធី​អឹ​ម​ ​គឺ​មិន​មានការ​រំលោភបំពាន​លើ​ច្បាប់​នៃ​ព្រះរាជាណាចក្រកម្ពុជា​ ​ឬ​ ​ដែន​សមត្ថកិច្ច​នៃ​ប្រទេស​ណា​មួយផ្សេងទៀត​ឡើយ​ ​។
  8. ផ្សេងៗ​៖
    1. ​​​​ប្រា​សាក់​មាន​សិទ្ធិ​ធ្វើការ​កែប្រែ​លក្ខខណ្ឌ​ទាំងនេះ​បាន​គ្រប់ពេល​វេលា​ដោយ​មិន​ចាំបាច់​ធ្វើការ​ជូនដំណឹង​ដល់​អតិថិជន​ ​។​ ​ក្រោយ​ចូលជាធរមាន​គ្រប់​ភាគី​ពាក់ព័ន្ធ​ទាំងអស់​ ​ត្រូវ​អនុវត្ត​តាម​បទបញ្ញត្តិ​ទាំងឡាយ​ដែល​មាន​ចែង​នៅ​ក្នុង​លក្ខខណ្ឌ​ទាំងនេះ​ ​។
    2. ​ជម្លោះ​ពាក់ព័ន្ធ​រវាង​ប្រា​សាក់​ ​និង​អតិថិជន​ដែល​ជា​អ្នកប្រើប្រាស់​សេវា​ធនាគារ​ចល័ត​ ​ឬ​ប័ណ្ណ​អេ​ធី​អឹ​ម​ ​ត្រូវ​បាន​ដោះស្រាយ​ដោយ​ការ​សម្របសម្រួល​គ្នា​ ​។​ ​ក្នុង​ករណី​ការ​ដោះស្រាយ​មិន​អាច​សម្រេច​បាន​ដោយ​ការ​សម្របសម្រួល​គ្នា​ ​ភាគី​ទាំង​ពីរ​អាច​ដាក់ពាក្យបណ្តឹង​ទៅ​តុលាការ​នៃ​ព្រះរាជាណាចក្រកម្ពុជា​ដើម្បី​ដោះស្រាយ​តាម​ផ្លូវច្បាប់​ ​។
    3. បញ្ហា​ផ្សេងៗ​ដែល​មិន​មាន​ចែង​នៅ​ក្នុង​ប្រការ​ទាំងនេះ​ ​ត្រូវ​អនុលោម​តាមច្បាប់​នៃ​ព្រះរាជាណាចក្រកម្ពុជា​ ​។
    4. លក្ខខណ្ឌ​នេះ​ត្រូវ​បាន​ធ្វើឡើង​ជា​ភាសាខ្មែរ​ ​និង​ភាសា​អង់គ្លេស​ ​។​ ​ករណី​មាន​ចំណុច​ណាមួយ​រវាង​អត្ថបទ​ទាំងពីរ​មានន័យ​មិន​ស្រប​ ​ឬ​ ​មិនស៊ីគ្នា​ ​នោះ​អត្ថបទ​ជា​ភាសាខ្មែរ​ ​នឹង​ត្រូវ​ចាត់ទុកជា​ផ្លូវការ​ ​។
    5. ភាគី​ដែល​ពាក់ព័ន្ធ​ត្រូវ​បាន​សន្មត​ថា​ពិតជា​បាន​អាន​ ​និង​យល់ព្រម​អនុវត្ត​តាម​គ្រប់​ចំណុច​ទាំងអស់​ដែល​បាន​ចែង​នៅ​ក្នុង​លក្ខខណ្ឌ​នេះ​ ​។