សន្សំ​ប្រាក់​នៅ​ប្រាសាក់​ជា​ជម្រើស​ដ៏​ឆ្លាតវៃ

ភ្នំពេញ​៖ ប្រាសាក់ ដែល​ជា​គ្រឹះស្ថាន​មីក្រូហិរញ្ញវត្ថុ​ទទួល​ប្រាក់​បញ្ញើ​ធំជាង​គេ​នៅ​កម្ពុជា​ ដោយ​គិត​លើ​ទ្រព្យ​សកម្ម​សរុប​ សមតុល្យ​ប្រាក់​បញ្ញើ​សន្សំ​ សម្ពៀត​ឥណទាន​ អតិថិជន​ និង​បណ្តាញ​ការិយាល័យ​ មាន​សេចក្តី​រីក​រាយ​ក្នុង​បន្ត​ផ្តល់​ជូន​នូវ​អត្រា​ការ​ប្រាក់​លើ​គណនី​បញ្ញើ​មាន​កាល​កំណត់​ខ្ពស់​រហូត​ដល់​ 8% ​តប​តាម​សំណូមពរ​របស់​អតិថិជន​ និង​ចូល​រួម​ចំណែក​ជា​មួយ​ធនាគារ​ជាតិ​នៃ​កម្ពុជា​ក្នុង​ការ​លើក​ខ្ពស់​ការ​ប្រើប្រាស់​ប្រាក់​រៀល​។

លោក ​សាយ ​សូនី ​នាយក​ប្រតិបត្តិ​គ្រប់​គ្រង​ទីផ្សារ​ បាន​មាន​ប្រសាសន៍​ថា៖ ​«អាស្រ័យ​ដោយ​ភាព​ជឿ​ជាក់​របស់​អតិថិជន​មក​លើ​ប្រាសាក់ ​យើង​អាច​កេណ្ឌ​ប្រមូល​បាន​ប្រាក់​បញ្ញើ​សន្សំ​បាន​ច្រើន​ជាង ​1 ​ពាន់​លាន​ដុល្លារ​អាមេរិក​។ នេះ​ជា​សមិទ្ធផល​​មួយ​ដ៏​ត្រចះ​ត្រចង់​ដែល​ធ្វើ​ឲ្យ​យើង​មាន​មោទនភាព​ជា​ខ្លាំង»។

លោក​ សូនី ​បានបន្ត​ថា​៖ «​យើង​ខ្ញុំ​សូម​បញ្ជាក់​ជូន​ថា ​ប្រាសាក់​បាន​ធ្វើ​ឲ្យ​ប្រាកដថា​ សាច់​ប្រាក់​បញ្ញើ​សន្សំ​របស់​ ឯកឧត្តម​ ឧកញ៉ា ​លោក ​លោក​ស្រី​ អ្នកនាង​ កញ្ញា​ ពិត​ជា​មាន​សុវត្តិភាព ​និង​មាន​ភាព​ងាយ​ស្រួល​ក្នុង​ការ​ចាត់ចែង​សាច់ប្រាក់​បាន​គ្រប់​ពេល​វេលា ​និង​គ្រប់​ទី​កន្លែង ​តាម​រយៈ​សេវា​អេធីអឹម​ និង​សេវា​ធនាគារ​ចល័ត​»។

លោក​បាន​បន្ត​ទៀត​ថា «​ជំនួស​មុខ​ឲ្យ​គ្រឹះស្ថានមីក្រូហិរញ្ញ​វត្ថុ​ប្រាសាក់​ ខ្ញុំ​សូម​ថ្លែង​អំណរ​គុណ​យ៉ាង​ជ្រាល​ជ្រៅ​ចំពោះ​អតិថិជន​ទាំង​អស់​ដែល​បាន​បន្តការ​គាំ​ទ្រ​ និង​ជឿ​ជាក់​មក​លើ​ប្រាសាក់​ និង​សូម​ជូន​ពរ​ឲ្យ​ ឯក​ឧត្តម ឧកញ៉ា ​លោក​ លោកស្រី ​អ្នកនាង​ កញ្ញា​ ប្រកប​តែ​ភាព​ជោគ​ជ័យ ​និង​រីក​ចម្រើន​ជា​រៀង​រហូត​ទៅ»។

គួរ​កត់​សម្គាល់​ដែរ​ថា ​បុគ្គលិក​ប្រាសាក់​មាន​ភាព​រួសរាយ​រាក់ទាក់​ក្នុង​ការ​ផ្តល់​សេវា​ដ៏​ល្អ​ជូន​អតិថិជន​។ ប្រាសាក់​គឺ​ពិត​ជា​គួរ​ឲ្យ​ជឿ​ជាក់ ​និង​ផ្ដល់​សុវត្ថិភាព​សម្រាប់​រាល់​ការ​ដាក់​ប្រាក់​បញ្ញើ​សន្សំ​ ដោយ​ប្រាសាក់​ជា​គ្រឹះស្ថាន​មីក្រូហិរញ្ញវត្ថុ​ទទួល​ប្រាក់​បញ្ញើ​ ដែល​ទទួល​បាន​អាជ្ញាប័ណ្ណ​ស្រប​ច្បាប់​ពី​ធនាគារ​ជាតិ​នៃ​កម្ពុជា​។

អំពី​ប្រាសាក់​

ប្រាសាក់ មាន​អាជ្ញាប័ណ្ណ​ប្រកប​អាជីវកម្ម​ជា​គ្រឹះស្ថាន​មីក្រូ​ហិរញ្ញ​វត្ថុ​​ទទួល​ប្រាក់​បញ្ញើពី​ធនាគារ​ជាតិ​នៃ​កម្ពុជា។ ជា​មួយ​បទ​ពិសោធន៍​ដ៏​ប៉ិនប្រសប់​ក្នុង​រយៈ​ពេល 23 ឆ្នាំ ប្រាសាក់​មាន​ភាព​រឹងមាំ​ដោយ​ឈរលើ​មូលដ្ឋាន​សំខាន់ៗ​ដូចជា ភាព​ល្អ​ប្រសើរ​ផ្នែក​អាជីវកម្ម ការ​បម្រើ​​សេវា​កម្ម​ប្រកប​ដោយ​វិជ្ជាជីវៈ ការ​ផ្តល់​ដំណោះ​ស្រាយ​ហិរញ្ញ​វត្ថុ​​ដែល​មាន​ភាពបត់បែន​និង​សម្បូរ​បែប វិសាលភាព​នៃ​បណ្តាញ​ការិយាល័យ​គ្របដណ្ដប់ទូ​ទាំង​ប្រទេស ការ​បំពាក់​ម៉ា​ស៊ី​នអេធីអឹម (ATM) និង​ប្រព័ន្ធ​ធនាគារ​ស្នូល ប្រកប​ដោយ​ភាព​ទំនើប តម្លាភាព និង​សុក្រឹតភាព។

សន្សំ​ប្រាក់​នៅ​ប្រាសាក់​ជា​ជម្រើស​ដ៏​ឆ្លាតវៃ