ឱកាសការងារពីប្រាសាក់ នៅថ្ងៃពិព័រណ៍ការងារនៃសាកលវិទ្យាល័យភូមិន្ទភ្នំពេញ

ភ្នំពេញ៖ ត្រៀម CV ហើយនៅ? ឱកាសការងារនៅប្រាសាក់ជាច្រើនកន្លែងកំពុងរង់ចាំអ្នក! សម្រាប់និស្សិតដែលកំពុងសិក្សានិងសាធារណៈជនទូទៅដែលមានបំណងចង់ស្វែងរកការងារធ្វើ ឬអ្នកមានការងារហើយតែចង់ផ្លាស់ប្តូរការងារ សូមត្រៀម CV ឲ្យបានរួចរាល់ ព្រោះប្រាសាក់នឹងចាប់ផ្ដើមយុទ្ធនាការជ្រើសរើសបុគ្គលិកសម្រាប់មុខតំណែងយ៉ាងច្រើន ក្នុងកម្មវិធីពិព័រណ៍ការងារលើកទី 1 របស់សាកលវិទ្យាល័យភូមិន្ទភ្នំពេញ ដែលនឹងប្រព្រឹត្តទៅនៅថ្ងៃទី 8 ខែមិថុនា ឆ្នាំ 2018 ក្នុងបរិវេណសាកលវិទ្យាល័យភូមិន្ទភ្នំពេញ។

នៅក្នុងកម្មវិធីនេះ បេក្ខជនទាំងអស់អាចដាក់ពាក្យ និងធ្វើបទសម្ភាសន៍ និងទទួលបានការប្រឹក្សាអំពីអាជីពការងារ ជាមួយក្រុមការងារជ្រើសរើសបុគ្គលិករបស់ប្រាសាក់ បានភ្លាមៗ ដោយមិនបាច់រង់ចាំយូរ។

តាមការអះអាងរបស់អ្នកស្រី ឈន សុគន្ធា នាយិកានាយកដ្ឋានបុគ្គលិក នៃគ្រឹះស្ថានមីក្រូហិរញ្ញវត្ថុប្រាសាក់ បានឲ្យដឹងថា ប្រាសាក់ ដែលជាគ្រឹះស្ថានមីក្រូហិរញ្ញវត្ថុដ៏ធំ និងមានកិត្យានុភាពនៅកម្ពុជា គឺជានិយោជកនៃជម្រើសសម្រាប់ភាពរីកចម្រើនអាជីពការងាររបស់បុគ្គលិក ដោយប្រាសាក់បានវិនិយោគយ៉ាងច្រើនដើម្បីពង្រឹងសមត្ថភាពបុគ្គលិក បង្កើតបរិយាកាសការងារល្អ និងផ្ដល់អត្ថប្រយោជន៍យ៉ាងច្រើន។ ជារៀងរាល់ឆ្នាំ យើងតែងតែបើកឱកាសទទួលយកនិស្សិតដែលកំពុងសិក្សា និងបញ្ចប់ការសិក្សាជានិស្សិតបម្រើការងារស្ម័គ្រចិត្ត និងបុគ្គលិកពេញសិទ្ធ ដើម្បីបង្កើតគ្រឹះអាជីពការងារ ពោលគឺទទួលយកបទពិសោធន៍ជាក់ស្តែងពីការងារនៅគ្រឹះស្ថានមីក្រូហិរញ្ញវត្ថុប្រាសាក់។

អ្នកស្រីមានប្រសាសន៍ថា៖ «ស្ថាប័នយើងជាកន្លែងការងារដែលមានភាពរស់រវើក រួសរាយរាក់ទាក់ និងភាពសប្បាយរីករាយ ដោយមានផ្តល់នូវឱកាសបណ្តុះបណ្តាលនិងអភិវឌ្ឍជាច្រើនដល់បុគ្គលិកគ្រប់កម្រិត។ យើងលើកកម្ពស់វប្បធម៌នៃការរួបបញ្ចូលគ្នា ភាពចម្រុះ ការមិនរើសអើង និងបរិយាកាសល្អនៅក្នុងការអនុវត្តការងារ ពីព្រោះយើងជឿជាក់យ៉ាងមុតមាំថា បុគ្គលិកគឺជាធនធានដ៏សំខាន់បំផុតរបស់យើង»។

អ្នកស្រី សុគន្ធា បានបន្ថែមទៀតថា៖ «ក្រៅតែពីកត្តាទាំងពីរខាងលើ គឺបរិយាកាសការងារល្អ និងឱកាសអភិវឌ្ឍការងារ យើងក៏ផ្តល់នូវអត្ថ ប្រយោជន៍ជាច្រើនទៀតដល់បុគ្គលិក រួមមាន អត្ថប្រយោជន៍ផ្នែកហិរញ្ញវត្ថុ និងមិនមែនហិរញ្ញវត្ថុ»។

អ្នកស្រីក៏បានបញ្ជាក់លម្អិត កញ្ចប់ប្រាក់សំណងដ៏គួរឲ្យទាក់ទាញ និងអត្ថប្រយោជន៍ជាច្រើនទៀត ដែលប្រាសាក់ផ្ដល់ជូន រួមមាន៖

អត្ថប្រយោជន៍ផ្នែកហិរញ្ញវត្ថុ

  • ប្រាក់បៀវត្សគោល
  • ប្រាក់បៀវត្សប្រែប្រួល
  • ប្រាក់ឧបត្ថម្ភតួនាទី
  • ប្រាក់ឧបត្ថម្ភបុណ្យចូលឆ្នាំខ្មែរ
  • ប្រាក់ឧបត្ថម្ភបុណ្យភ្ជុំបិណ្ឌ
  • ប្រាក់រង្វាន់លើកទឹកចិត្តប្រចាំឆ្នាំ
  • ប្រាក់ឧបត្ថម្ភកាតទូរស័ព្ទ
  • ប្រាក់ឧបត្ថម្ភប្រេងសាំង
  • ប្រាក់បំពេញបេសកកម្មក្រៅទីតាំងការងារ
  • ប្រាក់បំណាច់បញ្ចប់កិច្ចសន្យា និងប្រាក់ចូលនិវត្តន៍
  • ធានារ៉ាប់រងពីបេឡាជាតិសន្តិសុខសង្គម (ប.ស.ស)
  • ប្រាក់កម្ចីបុគ្គលិក

អត្ថប្រយោជន៍មិនមែនហិរញ្ញវត្ថុ

  • ឧបត្ថម្ភឯកសណ្ឋានការងារ
  • ទទួលបានការបណ្តុះបណ្តាលជាប្រចាំ
  • ច្បាប់ឈប់សម្រាកប្រចាំឆ្នាំ
  • ការឧបត្ថម្ភផ្សេងៗទៀត

ដូច្នេះ នៅរង់ចាំអីទៀត? សូមត្រៀម CV ដោយទាញយកទម្រង់ស្នើសុំបម្រើការងារ តាមរយៈ https://www.prasac.com.kh/kh/careers/online-application-form ដើម្បីជួបសម្ភាសន៍ជាមួយគ្រឹះស្ថានមីក្រូហិរញ្ញវត្ថុប្រាសាក់ នៅថ្ងៃទី 8 មិថុនា ឆ្នាំ 2018 នេះ នៅសាកលវិទ្យាល័យភូមិន្ទភ្នំពេញ។

គួរបញ្ជាក់ថា គិតត្រឹមខែឧសភា ឆ្នាំ 2018 ប្រាសាក់មានបុគ្គលិកសរុបច្រើនជាង 7,000 នាក់ ក្នុងមុខតំណែង និងជំនាញផ្សេងៗគ្នាជាច្រើន កំពុងប្រតិបត្តិការទូទាំងប្រទេស។

សម្រាប់ព័ត៌មានបន្ថែម សូមចូលទៅកាន់៖ https://www.prasac.com.kh/careers

Job Opportunities from PRASAC at RUPP Career Fair

Job Opportunities from PRASAC at RUPP Career Fair