ភ្នំពេញថ្ងៃទី 10 ខែកុម្ភៈ ឆ្នាំ 2023៖ ដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរខាងមុខនេះ ប្រាសាក់ ផ្ដល់អត្រាការប្រាក់ពិសេស លើគណនីបញ្ញើមានកាលកំណត់រហូតដល់ 8.50% ក្នុង 1 ឆ្នាំ។ ប្រាសាក់ ជាគ្រឹះស្ថានមីក្រូហិរញ្ញវត្ថុធំជាងគេនៅកម្ពុជា និងជាបុត្រសម្ព័ន្ធរបស់ធនាគារ ខេប៊ី គូកមីន ដែលជាធនាគារពាណិជ្ជឈានមុខគេនៅប្រទេសកូរ៉េខាងត្បូង ផ្តល់អត្រាការប្រាក់បន្ថែមលើអត្រាការប្រាក់ស្តង់ដារនៃគណនីបញ្ញើមានកាលកំណត់ ដើម្បីបំពេញតម្រូវការ និងលើកទឹកចិត្តអតិថិជនឱ្យសន្សំប្រាក់នៅស្ថាប័នដែលអាជ្ញាប័ណ្ណស្របច្បាប់។ បច្ចុប្បន្ននេះ ប្រាសាក់មានទ្រព្យសកម្មសរុបជាង 5000 លានដុល្លារអាមេរិក និងមានអតិថិជនសរុបជាង 70 ម៉ឺននាក់។
ការសន្សំនៅគ្រឹះស្ថានផ្លូវការ គឺមិនត្រឹមតែទទួលបាននូវចំណូលពីការសន្សំប្រាក់ប៉ុណ្ណោះទេ ប៉ុន្តែថែមទាំងរក្សាបាននូវសុវត្ថិភាពសាច់ប្រាក់របស់យើង ព្រមទាំងបានចូលរួមចំណែកក្នុងការជំរុញកំណើនសេដ្ឋកិច្ចជាតិផងដែរ។ ឥឡូវនេះ ប្រាសាក់ផ្តល់មធ្យោបាយជាច្រើនជូនអតិថិជនក្នុងការបើកគណនីបញ្ញើមានកាលកំណត់ ដោយលោកអ្នកអាចអញ្ជើញទៅកាន់សាខាប្រាសាក់ណាមួយក្នុងចំណោមជាង180 សាខាទូទាំងប្រទេស ឬ បើកគណនីបញ្ញើមានកាលកំណត់ដោយខ្លួនឯង តាមប្រាសាក់ម៉ូបាលប៊ែងឃីង (PRASAC Mobile Banking) នៅលើទូរស័ព្ទដៃរបស់លោកអ្នក។
ខាងក្រោមនេះជា អត្រាការប្រាក់បញ្ញើមានកាលកំណត់នៅប្រាសាក់៖
សន្សំប្រាក់នៅប្រាសាក់ ក្រៅពីទទួលបានអត្រាការប្រាក់ជាទីគាប់ចិត្តហើយ គឺនៅទទួលបានការធ្វើប្រតិបត្តិការសាច់ប្រាក់នានាដោយមិនចំណាយកម្រៃសេវា ដូចជាទូទាត់ថ្លៃវិក្កយបត្រទឹករបស់រដ្ឋាករទឹកស្វយ័តក្រុងភ្នំពេញនិងសៀមរាបទូទាត់ថ្លៃវិក្កយបត្រប្រើប្រាស់អគ្គិសនីរបស់អគ្គិសនីកម្ពុជា ផ្ទេរប្រាក់ឆ្លងធនាគារជិត 50 ធនាគារនិងគ្រឹះស្ថាន ផ្ទេរប្រាក់ក្នុង ប្រាសាក់ ផ្ទេរប្រាក់តាមលេខសម្ងាត់ និងទិញកាតទូរស័ព្ទជាដើម។
សម្រាប់ព័ត៌មានបន្ថែម សូមចូលទៅកាន់តំណភ្ជាប់នេះ៖ គណនីបញ្ញើមានកាលកំណត់ ឬ ទូរស័ព្ទមកលេខ 086 999 911 ឬ 023 999 911 ។